కొత్త కెమెరా మాడ్యూల్ డిజైన్ తో వస్తోన్న Xiaomi 13 Pro

హైలైట్స్

• వచ్చే ఏడాది భారత్ లో లాంచ్ కానున్న Xiaomi 13 సిరీస్
• లాంచ్ కి ముందు లీక్స్ ద్వారా బయటకు వచ్చిన స్పెసిఫికేషన్స్, డిజైన్
• కొత్త రకం కెమెరా మాడ్యూల్ తో వస్తోన్న Xiaomi 13 Pro

Xiaomi 13 సిరీస్ లాంచ్ ఖాయమైపోయింది. ఇప్పటికైతే కంపెనీ నుంచి లాంచ్ తేదీకి సంబంధించిన అధికార ప్రకటన ఏదీ రాలేదు. కానీ రూమర్ల ద్వారా Xiaomi 13 సిరీస్ యొక్క లాంచ్ టైమ్ లైన్ బయటకు వచ్చింది. వాటి ప్రకారం, Xiaomi 13 సిరీస్ 2022 నవంబర్ లేదా డిసెంబర్ నెలల్లో లాంచ్ కానుందని సమాచారం. ఈ లైనప్ లో కనీసం రెండు మోడల్స్ ఉండే అవకాశం ఉంది. అవి: Xiaomi 13, Xiaomi 13 Pro. ఈ డివైజెస్ మీడియాటెక్ మరియు క్వాల్కమ్ చిప్సెట్స్ తో వచ్చే అవకాశం ఉంది.

ఈలోపు Xiaomi 13 Pro యొక్క స్పెసిఫికేషన్స్ రూమర్ల ద్వారా బయటకు వచ్చాయి. కొత్త నివేదిక ద్వారా Xiaomi 13 Pro డిజైన్ రెండర్స్ లీక్ అయ్యాయి. లేటెస్ట్ లీక్ ప్రముఖ టిప్‌స్టర్ OnLeaks ద్వారా వచ్చింది. Zoutons సౌజన్యంతో ఆన్ లీక్స్ ఈ రెండర్స్ ని రివీల్ చేసింది. Xiaomi 13 Pro డిజైన్ రెండర్స్ ఎలా ఉన్నాయో చూద్దాం.

Xiaomi 13 Pro డిజైన్ రెండర్స్

Xiaomi 13 Pro కొత్త డిజైన్ తో రానున్నట్లు అర్థమవుతోంది. ఇది కొన్ని రోజుల క్రితం లీకైన ఇమేజ్ తో పోల్చితే భిన్నంగా కనిపిస్తోంది. షావోమీ ఇంకా లాంచ్ ని ఖరారు చేయకముందే, టిప్ స్టర్ ఆన్‌లీక్స్ Xiaomi 13 Pro యొక్క డిజైన్ రెండర్స్ ని అప్‌లోడ్ చేసింది. కెమెరా మాడ్యూల్ కొత్త డిజైన్ తో వస్తున్నట్లు ఇమేజెస్ ద్వారా స్పష్టమవుతోంది. 12 ప్రో తో పోల్చితే, 13 ప్రో మరింత స్క్వేరిష్ గా కనిపిస్తోంది. ఇకపోతే Xiaomi 13 Pro ట్రిపుల్ రియర్ కెమెరా సెటప్ తో వస్తోంది. కెమెరా మాడ్యూల్ తో పాటు ఎల్ఈడీ ఫ్లాష్ ఉండనుంది.

Xiaomi 13 Pro లైకా-ట్యూన్డ్ కెమెరాస్ తో వస్తున్నాయి. ఫోన్ ముందు వైపు గమనిస్తే, హోల్-పంచ్ కటౌట్ డిస్ప్లే కి టాప్ లో కనిపిస్తోంది. సైడ్స్ కాస్త కర్వ్డ్ గా ఉన్నాయి. బాటమ్ చిన్ కాస్త సన్నగా ఉంది.

Xiaomi 13 Pro డిజైన్ రెండర్స్ గమనిస్తే పవర్ మరియు వాల్యూమ్ బటన్స్ ఫోన్ కి కుడివైపు కనిపిస్తున్నాయి. ఇకపోతే ఈ ఫోన్ ఇన్-డిస్ప్లే ఫింగర్ ప్రింట్ స్కానర్ తో వస్తోంది.

Xiaomi 13 Pro యొక్క కెమెరా విశేషాలు తెలుసుకుందాం. ఈ ఫోన్ 50 మెగా పిక్సెల్ సోని ఐఎంఎక్స్989 1-ఇంచ్ మెయిన్ సెన్సర్ తో వస్తోంది. ఇదే సెన్సర్ ని షావోమి 12ఎష్ అల్ట్రా ఫోన్ లో వాడారు. త్వరలో లాంచ్ కానున్న వివో ఎక్స్90 సిరీస్ లో కూడా ఈ సెన్సర్ ని వాడనున్నారు. మెయిన్ కెమెరా తో పాటు 50 ఎంపి అల్ట్రావైడ్ కెమెరా, 50ఎంపి టెలీఫోటో లెన్స్, 32ఎంపి ఫ్రంట్ కెమెరా Xiaomi 13 Pro ఉండనున్నాయి.

Xiaomi 13 Pro 6.7-ఇంచ్ ఈ6 అమోలెడ్ డిస్ప్లే, 2కే రెజుల్యూషన్, 120 హెర్ట్జ్ రిఫ్రెష్ రేట్ తో వస్తోంది. ఈ ఫోన్ లో స్నాప్ డ్రాగన్ 8 జెన్ 2 చిప్సెట్ ని వాడనున్నారు. Xiaomi 13 Pro లో 4800 ఎంఏహెచ్ బ్యాటరీని అమర్చారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ 50 వాట్ వైర్లెస్ చార్జింగ్ కి కూడా సపోర్ట్ చేస్తుంది.

Xiaomi 13 Pro చైనాలో 8జిబి/12జిబి ర్యామ్, 256జిబి వరకు విభిన్న స్టోరేజీ ఆప్షన్స్ తో లాంచ్ కానుంది. అలాగే 512జిబి స్టోరేజీ వేరియంట్ కూడా ఉండనున్నట్లు సమాచారం. భారత్ లో Xiaomi 13 Pro ఫోన్ ని వచ్చే ఏడాది లాంచ్ చేసే అవకాశం ఉంది. 2023 మార్చి నెలలో Xiaomi 13 Pro ఎంట్రీ ఇవ్వనుందని అంచనా వేస్తున్నారు.