Xiaomi 13 Ultra డివైజ్ అఫీషియల్ లాంచ్ డేట్ రివీల్ అయ్యింది. ఏప్రిల్ 18 న ఈ ఫోన్ గ్లోబల్ గా లాంచ్ కానున్నట్లు కంపెనీ ప్రకటించింది. అదే రోజున జరిగే లాంచ్ ఈవెంట్ లో ఈ ఫోన్ లాంచ్ కానుంది. తన ఫ్లాగ్షిప్ డివైజ్ తో పాటు షావోమి Xiaomi Pad 6 ని లాంచ్ చేయనుంది. అయితే భారత్ లో Xiaomi 13 Ultra డివైజ్ ఎప్పుడు లాంచ్ అవుతుందో ఇంకా తెలియలేదు.
Xiaomi 13 Ultra యొక్క స్పెసిఫికేషన్స్, డిజైన్ ఇప్పటికే వివిధ ప్లాట్ఫామ్స్ ద్వారా లీక్ అయ్యాయి. లీక్స్ ద్వారా తెలుస్తున్నదేంటంటే, ఇప్పటి వరకు వచ్చిన షావోమి ఫ్లాగ్షిప్స్ లో కెల్లా ఈ డివైజ్ ఎంతో ప్రీమియమ్ అని.
Xiaomi 13 Ultra డిజైన్
- రియర్ ప్యానెల్ పై ఉన్న గుండ్రని కెమెరా మాడ్యూల్
- పంచ్-హోల్ సెల్ఫీ కెమెరా
Xiaomi 13 Ultra డిజైన్ చూస్తే, టీజర్ ఈవెంట్ లో కెమెరా మాడ్యూల్ గ్లిమ్స్ ని పరిచయం చేశారు. కాస్త పెద్దదైన సర్క్యులర్ కెమెరా మాడ్యూల్ బ్యాక్ ప్యానెల్ పై ఉండనుందని అర్థమవుతోంది. ఇందులో 4 సెన్సర్స్ ఉన్నాయి. ఈ డివైజ్ పంచ్-హోల్ సెల్ఫీ కెమెరాతో వస్తున్నట్లు లీకైన రెండర్ ద్వారా స్పష్టమవుతోంది. వైట్ సిరామిక్ మరియు బ్లాక్ లెదర్ ఫినిషింగ్ తో ఈ ఫోన్ రానున్నట్లు తెలుస్తోంది.
Xiaomi 13 Ultra స్పెసిఫికేషన్స్ (లీక్డ్)
- 6.7-ఇంచ్ 2కే అమోలెడ్ డిస్ప్లే
- స్నాప్ డ్రాగన్ 8 జెన్ 2 చిప్
- 512జిబి స్టోరేజీ
Xiaomi 13 Ultra స్మార్ట్ ఫోన్ లో 120 హెర్ట్జ్ రిఫ్రెష్ రేట్, 6.7-ఇంచ్ 2కే అమోలెడ్ డిస్ప్లే ఉండే అవకాశం ఉంది. ఈ ఫోన్ క్వాల్కమ్ స్నాప్ డ్రాగన్ చిప్సెట్ తో వస్తోంది. 16జిబి ర్యామ్, 512జిబి స్టోరేజీ వరకు ఆప్షన్స్ లో ఈ ఫోన్ రానుంది. Xiaomi 13 Ultra డివైజ్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేయనుంది.
Xiaomi 13 Ultra లో లైకా బ్రాండెడ్ కెమెరా లెన్సెస్ వాడటం జరిగింది. క్వాడ్ కెమెరా సెటప్ లో 50ఎంపి ఐఎంఎక్స్989 మెయిన్ సెన్సర్ తో పాటు మరొక మూడు 50ఎంపి కెమెరాలు ఉంటాయి. సెల్ఫీస్, వీడియో కాల్స్ కోసం ఈ డివైజ్ లో 32ఎంపి ఫ్రంట్ కెమెరా ఉంటుంది. Xiaomi 13 Ultra లో 90 వాట్ ఫాస్ట్ చార్జింగ్, 50 వాట్ వైర్లెస్ చార్జింగ్ సపోర్ట్, 4900 ఎంఏహెచ్ బ్యాటరీ ఉండే అవకాశం ఉంది.
Xiaomi 13 Ultra ధర (అంచనా)
- మూడు వేరియంట్లలో లాంచ్ కానున్న డివైజ్
- Xiaomi 13 Ultra అంచనా ధర రూ.89,500
లీక్స్ ని బట్టి, Xiaomi 13 Ultra మూడు వేరియంట్లలో లాంచ్ కానుందని తెలుస్తోంది. ఈ డివైజ్ ధర CNY 2,699 (రూ.75,100) నుంచి మొదలై, CNY 7,499 (రూ.89,500) వరకు ఉండే అవకాశం ఉంది. వీటి ధరలు మార్కెట్స్ ని బట్టి మారతాయి.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
