ప్రముఖ స్మార్ట్ఫోన్ బ్రాండ్ Xiaomi నేడు తన తదుపరి ఫ్లాగ్షిప్ Xiaomi 14 ని భారతీయ మార్కెట్ లో లాంచ్ చేసింది. ఈ ఫోన్ క్వాల్కమ్ లేటెస్ట్ ప్రాసెసర్ స్నాప్డ్రాగన్ 8 జెన్ 3 తో వచ్చింది. Xiaomi 14 లో 6.36-ఇంచ్ డిస్ప్లే, 120 హెర్ట్జ్ రిఫ్రెష్ రేట్, 50ఎంపి ట్రిపుల్ రియర్ కెమెరా సెటప్, లైకా కెమెరా లెన్సెస్, 32ఎంపి సెల్పీ కెమెరా వంటి స్పెసిఫికేషన్స్ ఈ ఫోన్లో ఉన్నాయి. సరే, ఓసారి Xiaomi 14 యొక్క ధర, లభ్యత మరియు పూర్తి స్పెసిఫికేషన్స్ గురించి తెలుసుకుందాం పదండి.
Xiaomi 14 ధర, లభ్యత
Xiaomi 14 సింగిల్ స్టోరేజీ ఆప్షన్ లో లాంచ్ అయ్యింది. దీని ధర ఎలా ఉందో తెలుసుకుందాం పదండ.
Xiaomi 14 12జిబి ర్యామ్ + 512జిబి స్టోరేజీ మోడల్ ధరను రూ.69,999 లుగా నిర్ణయించారు.
లాంచ్ ఆఫర్ లో భాగంగా, ఐసీఐసీఐ బ్యాంక్ కార్డ్ హోల్డర్స్ కి రూ.5,000 ఇన్స్టంట్ డిస్కౌంట్ లభిస్తుంది. అలాగే ఎక్స్చేంజ్ బోనస్ రూ.5,000 కూడా పొందవచ్చు.
24 నెలల కాలపరిమితితో నో-కాస్ట్ ఈఎంఐ ద్వారా Xiaomi 14 ని కొనుగోలు చేయవచ్చు.
మార్చి 11న మధ్యాహ్నం 12 గంటల నుంచి అమెజాన్, ఫ్లిప్కార్ట్, ఆఫ్లైన్ స్టోర్స్ ద్వారా Xiaomi 14 డివైజ్ని కొనుగోలు చేయవచ్చు.
Xiaomi 14 స్పెసిఫికేషన్స్
- డిస్ప్లే: Xiaomi 14 లో 6.36-ఇంచ్ డిస్ప్లే, 2670*1200 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 20:9 యాస్పెక్ట్ రేషియో ఉన్నాయి.
- ప్రాసెసర్: Xiaomi 14 లో క్వాల్కమ్ స్నాప్డ్రాగన్ 8 జెన్ 3 చిప్సెట్, అడ్రెనో 750 జీపీయూ ఉన్నాయి.
- ఓఎస్: Xiaomi 14 డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది.
- కెమెరా: Xiaomi 14 లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, 50ఎంపి వైడ్ యాంగిల్ లెన్స్, 64ఎంపి టెలీఫోటో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా అందించారు.
- బ్యాటరీ: Xiaomi 14 లో పవర్ బ్యాకప్ కోసం 4,610 ఎంఏహెచ్ బ్యాటరీ ఇచ్చారు. ఇది 90 వాట్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: Xiaomi 14 లో డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్ వంటి ఆప్షన్స్ ఉన్నాయి.