Xiaomi త్వరలో తన కొత్త స్మార్ట్ ఫోన్లను లాంచ్ చేయనుందని సమాచారం. Xiaomi 14 సిరీస్ పై పని చేస్తోందని తెలుస్తోంది. ఈ లైనప్ లో భాగంగా Xiaomi 14 మరియు Xiaomi 14 Pro మార్కెట్లో లాంచ్ అవ్వనున్నాయి. అదే సమయంలో.. కొత్త లీక్లో, Xiaomi 14 సిరీస్ యొక్క లాంచ్ టైమ్లైన్ కూడా బయటకు వచ్చింది. Xiaomi 14 మరియు 14 ప్రో తో కూడిన ఈ స్మార్ట్ఫోన్ సిరీస్ నవంబర్ రెండవ వారంలో లాంచ్ అవుతుందని చెబుతున్నారు.
Xiaomi 14 సిరీస్ లాంచ్ వివరాలు (లీక్)
Xiaomi 14 సిరీస్కి సంబంధించిన ఈ పెద్ద లీక్ను డిజిటల్ చాట్ స్టేషన్ షేర్ చేసింది. నవంబర్ మొదటి రెండు వారాల్లో స్మార్ట్ఫోన్ సిరీస్ టెక్ మార్కెట్లోకి ప్రవేశిస్తుందని లీక్ ద్వారా తెలుస్తోంది. ఈ సిరీస్ మొదట షావోమి యొక్క హోమ్ మార్కెట్ చైనాలో లాంచ్ కానుంది. తరువాత ఇతర దేశాలకు తీసుకురాబడుతుంది. లీక్స్ నిజమైతే గనుక, నవంబర్ 11 నాటికి సిరీస్ లాంచ్ కావచ్చు.
లైనప్ లో రానున్న ఫోన్స్ వివరాలు
బ్రాండ్ యొక్క ’14’ సిరీస్కు సంబంధించి Xiaomi ఇంకా అధికారిక సమాచారం ఇవ్వలేదు. లాంచ్ తేదీ లేదా ఈ సిరీస్లో చేర్చబడిన స్మార్ట్ఫోన్ల పేర్లు ఇంకా వెల్లడించలేదు. లీక్స్ ని గమనిస్తే, కంపెనీ తన కొత్త నంబర్ సిరీస్లో Xiaomi 14 మరియు Xiaomi 14 ప్రో స్మార్ట్ఫోన్లను లాంచ్ చేయవచ్చని చాలా నివేదికలు చెబుతున్నాయి.
Xiaomi 14 సిరీస్ స్పెసిఫికేషన్స్ (లీక్)
- ప్రాసెసర్: Xiaomi 14 సిరీస్ క్వాల్కమ్ స్నాప్ డ్రాగన్ 8 జెన్ 3 చిప్ ఉంటుంది. అయితే ఇంకా క్వాల్కమ్ యొక్క ఈ ఫ్లాగ్షిప్ చిప్సెట్ మార్కెట్ లోకి రాలేదు.
- కెమెరా: Xiaomi 14 డివైజ్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, ఒక టెలీఫోటో లెన్స్, అల్ట్రావైడ్ లెన్స్ ఉంటాయి. ఇంకా ఒక ఎల్ఈడీ ఫ్లాస్ ఉంటుంది.
- బ్యాటరీ: Xiaomi 14 లో పవర్ బ్యాకప్ కోసం 4860 ఎంఏహెచ్ బ్యాటరీ ఉంటుంది. ఇది 90 వాట్ ఫాస్ట్ చార్జింగ్ కి సపోర్ట్ చేస్తుంది. ఇక Xiaomi 14 Pro లో 120 వాట్ ఫాస్ట్ చార్జింగ్ సపోర్ట్, 50 వాట్ వైర్లెస్ చార్జింగ్ తో వస్తోంది.
- మెమొరీ: Xiaomi 14 సిరీస్ 1టిబి వరకు స్టోరేజీ ఆప్షన్స్ తో వస్తోంది. ఈ ఫోన్లు మైక్రోఎస్డీ కార్డ్ సపోర్ట్ తో వస్తున్నాయో లేదో ఇంకా తెలియదు.
