ప్రముఖ చైనీస్ స్మార్ట్ఫోన్ బ్రాండ్ Xiaomi త్వరలో తన తదుపరి ఫ్లాగ్షిప్ సిరీస్ ను లాంచ్ చేయనుంది. Xiaomi 15 పేరుతో వస్తోన్న ఈ సిరీస్ లో Xiaomi 15, Xiaomi 15 Pro, Xiaomi 15 Ultra అనే మోడల్స్ మార్కెట్ లోకి అడుగుపెట్టనున్నాయి. తాజాగా వీటిలో స్టాండర్డ్ మోడల్ Xiaomi 15 3సీ సర్టిఫికేషన్ సైట్ పై లిస్ట్ అయ్యింది. దీంతో ఈ డివైజ్ యొక్క చార్జింగ్ స్పీడ్ వివరాలు తెలిసాయి. ఓసారి ఆ విశేషాలు తెలుసుకుందాం.
Xiaomi 15 3సీ లిస్టింగ్ వివరాలు
Xiaomi 15 స్మార్ట్ఫోన్ని తొలుత MySmartPrice 3సీ లిస్టింగ్ పై గుర్తించింది. ఈ ఫోన్ 24129PN74C అనే మోడల్ నంబర్ తో 3సీ వెబ్సైట్ పై లిస్ట్ అయ్యింది.
ఈ ఫోన్ MDY-14-EC అడాప్టర్, 90 వాట్ వైర్డ్ ఫాస్ట్ చార్జింగ్ సపోర్ట్ తో వస్తున్నట్లు లిస్టింగ్ ద్వారా తెలుస్తోంది.
గత మోడల్ Xiaomi 14 కూడా 90 వాట్ వైర్డ్ ఫాస్ట్ చార్జింగ్ సపోర్ట్ తో వచ్చింది. ఇక, Xiaomi 15 యొక్క వైర్లెస్ చార్జింగ్ వివరాలు 3సీ లిస్టింగ్ ద్వారా తెలియలేదు.
Xiaomi 15 డివైజ్ 50 వాట్ వైర్లెస్, 10 వాట్ రివర్స్ వైర్లెస్ చార్జింగ్ తో రావచ్చని అంచనా వేయవచ్చు.
Xiaomi 15 స్పెసిఫికేషన్స్ (అంచనా)
డిస్ప్లే: Xiaomi 15 లో 6.36-ఇంచ్ ఓఎల్ఈడీ స్క్రీన్, 1.5కే రెజుల్యూషన్, 120 హెర్ట్జ్ రిఫ్రెష్ రేట్, 1400 నిట్స్ బ్రైట్నెస్ ఉంటాయి.
ప్రాసెసర్: Xiaomi 15 లో క్వాల్కమ్ నుంచి త్వరలో రాబోవు స్నాప్డ్రాగన్ 8 జెన్ 4 చిప్సెట్ ఉంటుంది.
ర్యామ్, స్టోరేజీ: Xiaomi 15 డివైజ్ ఎల్పీడీడీఆర్5ఎక్స్ ర్యామ్, యూఎఫ్ఎస్ 4.0 స్టోరేజీ టెక్నాలజీతో లాంచ్ కానుంది.
ఫ్రంట్ కెమెరా: Xiaomi 15 డివైజ్ లో సెల్పీస్, వీడియో కాల్స్ కోసం 32ఎంపి ఫ్రంట్ కెమెరా ఉంటుంది. ఇందులో ఏఐ ఫీచర్లు కూడా ఉంటాయి.
రియర్ కెమెరా: Xiaomi 15 లో ట్రిపుల్ కెమెరా సెటప్ ఉంటుంది. ఇందులో 50ఎంపి ఒమ్నివిజన్ ఒవి50హెచ్ ప్రైమరీ కెమెరా, 50ఎంపి అల్ట్రావైడ్ లెన్స్, 50ఎంపి శాంసంగ్ జెన్ఎన్1 టెలీఫోటో 3ఎక్స్ జూమ్ కెమెరా ఉంటాయి.
బ్యాటరీ, చార్జింగ్: Xiaomi 15 లో పవర్ బ్యాకప్ కోసం 4,800 ఎంఏహెచ్ లేదా 4,900 ఎంఏహెచ్ బ్యాటరీ ఉంటాయి. ఇది 90 వాట్ ఫాస్ట్ చార్జింగ్ సపోర్ట్ తో వస్తుంది.