इंडियन स्मार्टफोन मार्केट मध्ये लो बजेट पासून हायएन्ड फ्लॅगशिप सेग्मेंट पर्यंत सर्व किंमतीतले स्मार्टफोन लाॅन्च होतात. मोबाईल ग्राहक आपल्या आवश्यकतेनुसार आणि आवडीनुसार स्मार्टफोन्स घेतात. प्रत्येक प्राइस सेग्मेंट मध्ये स्मार्टफोन असूनही भारतात अश्या लोकांची संख्या जास्त आहे ज्यांना लो बजेट मध्ये स्मार्टफोन घ्यायला आवडते. युजर्सची गरज पाहता जवळपास प्रत्येक मोबाईल ब्रँड या सेग्मेंट मध्ये आपले स्मार्टफोन्स घेऊन येतो. आमच्या अश्याच वाचकांसाठी आज आम्ही यावर्षी लाॅन्च झालेल्या अश्या 10 स्मार्टफोन्सची यादी बनवली आहे जे 8,000 रुपयांपेक्षा कमी किंमतीत चांगले स्पेसिफिकेशन्स देतात. या यादीत Samsung, Xiaomi, OPPO, VIVO, Realme आणि Micromax, Infinix व Tecno सारख्या ब्रँड्सचा समावेश आहे, जे ग्राहक आपल्या आवडीनुसार निवडू शकतात.
Micromax In 1b
या लिस्ट मध्ये इंडियन कंपनी माइक्रोमॅक्स पण आहे, जिने अनेक दिवसानंतर स्मार्टफोन मार्केट मध्ये एंट्री घेतली आहे. कंपनीने Micromax In 1b नावाने आपला स्वस्त स्मार्टफोन लॉन्च केला आहे जो दोन वेरिएंट्स मध्ये विक्रीसाठी उपलब्ध आहे. फोनच्या बेस वेरिएंट मध्ये 2 जीबी रॅम सह 32 जीबी इंटरनल स्टोरेज देण्यात आली आहे ज्याची किंमत 6,999 रुपये आहे. तसेच माइक्रोमॅक्स इन 1बी च्या दुसऱ्या वेरिएंट मध्ये 4 जीबी रॅम सह 64 जीबी मेमरी देण्यात आली आहे आणि याची किंमत फक्त 7,999 रुपये आहे.
Micromax IN 1b स्मार्टफोन 20:9 आस्पेक्ट रेशियो असलेल्या 6.52-इंचाच्या एचडी+ डिस्प्ले वर लॉन्च केला गेला आहे. हा फोन अँड्रॉइड 11 रेडी आहे जो 2.3गीगाहर्ट्ज क्लॉक स्पीड असलेल्या आक्टाकोर प्रोसेसर सह मीडियाटेक हीलियो जी35 चिपसेट वर चालतो. फोटोग्राफीसाठी हा फोन एफ/1.8 अपर्चर असलेल्या 13 मेगापिक्सलच्या प्राइमरी आणि 2 मेगापिक्सलचा सेकेंडरी रियर कॅमेऱ्याला सपोर्ट करतो. तसेच सेल्फीसाठी 8 मेगापिक्सलचा फ्रंट कॅमेरा देण्यात आला आहे. रियर फिंगरप्रिंट सेंसर सोबतच पावर बॅकअपसाठी या फोन मध्ये 10वॉट फास्ट चार्जिंग टेक्नॉलॉजी असलेली 5,000एमएएचची मोठी बॅटरी देण्यात आली आहे.
हे देखील वाचा : जाणून घ्या बॅकग्राउंड मध्ये कशाप्रकारे चालू ठेवायचे YouTube, बंद होणार नाहीत गाणी, इतर ऍप्स पण येतील वापरता
Samsung Galaxy M01
सॅमसंग गॅलेक्सी एम01 19:9 आस्पेक्ट रेशियो असलेल्या 5.7 इंचाच्या एचडी+ इनफिनिटी-वी डिस्प्लेला सपोर्ट करतो. अँड्रॉइड 10 आधारित वनयुआय सह या फोन मध्ये क्वॉलकॉम स्नॅपड्रॅगॉन 439 चिपसेट देण्यात आला आहे. हा फोन 3 जीबी रॅम + 32 जीबी स्टोरेजला सपोर्ट करतो, ज्याची किंमत फक्त 7,999 रुपये आहे. डुअल सिम व 4जी वोएलटीई सह सिक्योरिटीसाठी हा फोन फेस अनलॉक फीचरला सपोर्ट करतो. पावर बॅकअपसाठी गॅलेक्सी एम01 मध्ये 4,000एमएएचची मोठी बॅटरी देण्यात आली आहे.
फोटोग्राफी सेग्मेंट पाहता Samsung Galaxy M01 डुअल रियर कॅमेऱ्याला सपोर्ट करता. फोनच्या बॅक पॅनल वर फ्लॅश लाईट सह एफ/2.2 अपर्चर असलेला 13 मेगापिक्सलचा प्राइमरी सेंसर देण्यात आला आहे त्याचबरोबर फोन मध्ये एफ/2.4 अपर्चर असलेला 2 मेगापिक्सलचा डेफ्थ सेंसर आहे. सेल्फी आणि व्हिडीओ कॉलिंगसाठी सॅमसंग गॅलेक्सी एम01 एफ/2.2 अपर्चर असलेल्या 5 मेगापिक्सलच्या फ्रंट कॅमेऱ्याला सपोर्ट करतो. सॅमसंगने आपला फोन डॉल्बी एटमॉस टेक्नॉलॉजी सह बाजारात आणला आहे. तसेच सॅमसंग हेल्थ ऍप पण फोन मध्ये प्री-इंस्टाल्ड आहे.
Xiaomi Redmi 9A
‘रेडमी 9’ सीरीज मध्ये 2 सप्टेंबरला लॉन्च झाला Xiaomi Redmi 9A बाजारात दोन वेरिएंट्स मध्ये विक्रीसाठी उपलब्ध आहे. याचा 2 जीबी रॅम + 32 जीबी स्टोरेज वेरिएंट 6,799 रुपये तर 3 जीबी रॅम + 32 जीबी स्टोरेज वेरिएंट 7,499 रुपयांमध्ये विकत घेता येईल. शाओमी रेडमी 9ए 20:9 आस्पेक्ट रेशियो 6.53 इंचाच्या एचडी+ एलसीडी डिस्प्लेला सपोर्ट करतो.
Xiaomi Redmi 9A अँड्रॉइड 10 आधारित मीयुआय 12 सह मीडियाटेक हीलियो जी25 चिपसेट वर चालतो. फोटोग्राफीसाठी हा फोन 13 मेगापिक्सलच्या रियर कॅमेरा आणि 5 मेगापिक्सलच्या फ्रंट कॅमेऱ्याला सपोर्ट करतो. रियल डुअल सिम व 4जी वोएलटीईला सपोर्ट सोबतच सिक्योरिटीसाठी फोन मध्ये फक्त फेस अनलॉक फीचर देण्यात आला आहे. हा फोन 10वॉट फास्ट चार्जिंग टेक्नॉलॉजी असलेल्या 5,000एमएएच ची बॅटरीला सपोर्ट करतो.
Infinix Smart 4 Plus
इनफिनिक्स ब्रँडने जुलै मध्ये आपला मोठी बॅटरी असलेला स्मार्टफोन इनफिनिक्स स्मार्ट 4 प्लस लॉन्च केला होता जो 10वॉट फास्ट चार्जिंगला सपोर्ट असलेल्या 6,000एमएएच च्या मोठ्या बॅटरीसह येतो. हा फोन 3 जीबी रॅम सह 32 जीबी इंटरनल स्टोरेजला सपोर्ट करतो आणि फक्त 7,999 रुपयांमध्ये विक्रीसाठी उपलब्ध आहे. हा फोन 20.5:9 आस्पेक्ट रेशियो असलेल्या 6.82 इंचाच्या एचडी+ डिस्प्लेला सपोर्ट करतो.
अँड्रॉइड 10 वर लॉन्च झाला आहे Infinix Smart 4 Plus फोन ऑक्टा-कोर मीडियाटेक हीलियो ए25 प्रोसेसर वर चालतो. फोटोग्राफीसाठी Infinix Smart 4 Plus च्या बॅक पॅनल वर डुअल रियर कॅमेरा देण्यात आला आहे ज्याचा प्राइमरी सेंसर 13 मेगापिक्सलचा आहे. सेल्फी व व्हिडीओ कॉलिंगसाठी हा फोन 8 मेगापिक्सल फ्रंट कॅमेऱ्याला सपोर्ट करतो.
Realme C12
गेल्या महिन्यात लॉन्च झाला रियलमी सी12 पण 6,000एमएएचच्या पावरफुल बॅटरी सह येतो जी 10वॉट फास्ट चार्जिंगला सपोर्ट करते. हा स्मार्टफोन रिवर्स चार्जिंग फीचर सह येतो. बाजारात हा फोन 3 जीबी रॅम + 32 जीबी स्टोरेज सह आला आहे ज्याची किंमत 8,999 रुपये आहे. फीचर्स आणि स्पेसिफिकेशन्स पाहता हा फोन 20:9 आस्पेक्ट रेशियो असलेल्या 6.5 इंचाच्या एचडी+ डिस्प्ले वर लॉन्च केला गेला आहे.
रियलमी सी12 अँड्रॉइड 10 आधारित रियलमी युआय सह मीडियाटेकच्या हीलियो जी35 चिपसेट वर चालतो. हा फोन ट्रिपल रियर कॅमेऱ्याला सपोर्ट करतो ज्यात 13 मेगापिक्सलच्या प्राइमरी सेंसर सह 2 मेगापिक्सलचा डेफ्थ सेंसर आणि 2 मेगापिक्सलची टेलीफोटो लेंस देण्यात आली आहे. तसेच सेल्फीसाठी हा फोन 5 मेगापिक्सलच्या फ्रंट कॅमेऱ्याला सपोर्ट करतो.
POCO C3
पोको सी3 दोन वेरिएंट्स मध्ये लाॅन्च केला गेला आहे. फोनचा बेस वेरिएंट 3 जीबी रॅम सह 32 जीबी इंटरनल स्टोरेजला सपोर्ट करतो तसेच याची किंमत 7,499 रुपये आहे. तसेच फोनच्या दुसऱ्या वेरिएंट मध्ये 4 जीबी रॅम सह 64 जीबी इंटरनल स्टोरेज देण्यात आली आहे आणि हा वेरिएंट 8,999 रुपयांमध्ये लॉन्च केला गेला आहे. हा Arctic Blue, Lime Green आणि Matte Black कलर मध्ये विकत घेता येईल.
हा फोन 20:9 आस्पेक्ट रेशियो असलेल्या 6.53 इंचाच्या एचडी+ सिनेमॅटिक डिस्प्लेला सपोर्ट करतो जो पी2आय कोटेड आहे. अँड्रॉइड 10 आधारित मीयुआय 12 सह हा फोन मीडियाटेक हीलियो जी35 चिपसेट वर चालतो. फोटोग्राफीसाठी बॅक पॅनल वर 13एमपी प्राइमरी + 2एमपी मॅक्रो + 2एमपी डेफ्थ सेंसर तसेच फ्रंट पॅनल वर 5 एमपी सेल्फी सेंसर आहे. POCO C3 डुअल सिम, 4जी वोएलटीई, 3.5एमएम जॅक सह फेस अनलॉक फीचरला सपोर्ट करतो तसेच पावर बॅकअपसाठी या फोन मध्ये 5,000एमएएच ची मोठी बॅटरी देण्यात आली आहे.
हे देखील वाचा : POCO M3 : लॉन्चच्या आधी जाणून घ्या सर्वकाही, 6000एमएएच बॅटरी आणि 4जीबी रॅम तसेच 48एमपी कॅमेरा आणि किंमत
OPPO A1k
ओपो ए1के 7,490 रुपयांमध्ये विक्रीसाठी उपलब्ध आहे जो 2 जीबी रॅम + 32 जीबी इंटरनल स्टोरेजला सपोर्ट करतो. हा फोन 19.5:9 आस्पेक्ट रेशियो वर सादर केला गेला आहे जो कोर्निंग गोरिल्ला ग्लासने प्रोटेक्टेड 6.1-इंचाच्या एलसीडी डिस्प्ले वर बनला आहे. OPPO A1k अँड्रॉइडच्या लेटेस्ट ओएस अँड्रॉइड 9 पाई आधारित कलरओएस 6 वर सादर केला गेला आहे जो आक्टाकोर प्रोसेसर सह मीडियाटेक 6762 चिपसेट वर चालतो.
फोटोग्राफी सेग्मेंट पाहता OPPO A1k च्या बॅक पॅनल वर एलईडी फ्लॅश सह 8-मेगापिक्सलचा कॅमेरा सेंसर देण्यात आला आहे. सेल्फीसाठी हा फोन एफ/2.0 अपर्चर असलेल्या 5-मेगापिक्सलच्या फ्रंट कॅमेऱ्याला सपोर्ट करतो. हा एक डुअल सिम फोन आहे जो 4जी एलटीईला सपोर्ट करतो. बेसिक कनेक्टिविटी फीचर्स सोबतच या फोन मध्ये सिक्योरिटीसाठी फेस अनलॉक फीचर देण्यात आला आहे. पावर बॅकअपसाठी OPPO A1k कंपनीने 4,000एमएएचच्या दमदार बॅटरी वर लॉन्च केला गेला आहे. हा ओपो स्मार्टफोन रेड आणि ब्लॅक कलर वेरिएंट मध्ये विकत घेता येईल.
Tecno Spark 6 Air
टेक्नोचा हा फोन भारतीय बाजारात 3 वेरिएंट्स मध्ये विक्रीसाठी उपलब्ध आहे. फोनचा बेस वेरिएंट 2 जीबी रॅम सह 32 जीबी इंटरनल स्टोरेजला सपोर्ट करतो ज्याची किंमत 7,999 रुपये आहे. तर दुसरा वेरिएंट 3 जीबी रॅम सह 32 जीबी इंटरनल स्टोरेजला सपोर्ट करतो आणि हा 8,499 रुपयांमध्ये विक्रीसाठी उपलब्ध आहे. फोन 3 जीबी रॅम सह 64 जीबी इंटरनल स्टोरेजला सपोर्ट करतो जो फक्त 8,699 रुपयांमध्ये लॉन्च केला गेला आहे.
हा फोन 20.5:9 आस्पेक्ट रेशियो असलेल्या 7 इंचाच्या डिस्प्लेला सपोर्ट करतो. अँड्रॉइड 10 आधारित हाईओएस 6.2 सह या फोन मध्ये मीडियाटेक हीलियो ए25 चिपसेट देण्यात आला आहे. फोटोग्राफीसाठी बॅक पॅनल वर एफ/1.8 अपर्चर असलेला 13एमपी प्राइमरी सेंसर + 2एमपी डेप्थ सेंसर + एआय लेंस आहे. सेल्फीसाठी हा फोन एफ/2.0 अपर्चर असलेल्या 8एमपी फ्रंट कॅमेऱ्याला सपोर्ट करतो. डुअल सिम, 4जी वोएलटीई, रियर फिंगरप्रिंट सेंसर आणि फेस अनलॉक फीचर सोबतच पावर बॅकअपसाठी टेक्नो स्पार्क 6 एयर मध्ये 6,000एमएएचची मोठी बॅटरी देण्यात आली आहे.
Vivo Y1s
हा फोन 2 जीबी रॅम वर लॉन्च झाला आहे जो 32 जीबी इंटरनल स्टोरेजला सपोर्ट करतो. फोनची किंमत 7,990 रुपये आहे तसेच 4,550 रुपयांचे जियो बेनिफिट पण मिळतात. वीवो वाय1एस 88.5 टक्के स्क्रीन-टू-बॉडी रेशियो वर बनला आहे जो 720 x 1520 पिक्सल रेज्ल्यूशन असलेल्या 6.22 इंचाच्या एचडी+ फुलव्यू एलसीडी डिस्प्लेला सपोर्ट करतो. अँड्रॉइड 10 आधारित फनटच ओएस 10.5 सह या फोन मध्ये मीडियाटेकचा हीलियो पी35 चिपसेट देण्यात आला आहे.
फोटोग्राफीसाठी बॅक पॅनल वर एलईडी फ्लॅश सह एफ/2.2 अपर्चर असलेला 13 मेगापिक्सलचा रियर कॅमेरा सेंसर देण्यात आला आहे. सेल्फी आणि व्हिडीओ कॉलिंगसाठी हा फोन एफ/1.8 अपर्चर असलेल्या 5 मेगापिक्सलच्या फ्रंट कॅमेऱ्याला सपोर्ट करतो. Vivo Y1s डुअल सिम, 4जी वोएलटीई सोबतच 3.5एमएम जॅकला पण सपोर्ट करतो. सिक्योरिटीसाठी फेस अनलॉक फीचर देण्यात आला आहे तसेच पावर बॅकअपसाठी हा स्मार्टफोन 4,030एमएएचच्या बॅटरीला सपोर्ट करतो.
हे देखील वाचा : 8,000 रुपयांपेक्षा कमी किंमतीतले टाॅप 10 स्मार्टफोन, हे आहेत स्वस्त बजेट मध्ये बेस्ट ऑप्शन
Realme C11
रियलमी सी11 स्मार्टफोन 2 जीबी रॅम सह 32 जीबी इंटरनल स्टोरेजला सपोर्ट करतो ज्याची किंमत फक्त 7,499 रुपये आहे. हा फोन 20:9 आस्पेक्ट रेशियो वर सादर केला गेला आहे जो 1600 × 720 पिक्सल रेज्ल्यूशन असलेल्या 6.5 इंचाच्या एचडी+ डिस्प्लेला सपोर्ट करतो. रियलमी सी11 अँड्रॉइड 10 आधारित रियलमी युआय वर चालतो तसेच प्रोसेसिंगसाठी 2.3गीगाहर्ट्ज स्पीड असलेल्या आक्टाकोर प्रोसेसर सह मीडियाटेक हीलियो जी35 चिपसेट देण्यात आला आहे. ग्राफिक्ससाठी हा फोन IMG PowerVR GE8320 जीपीयूला सपोर्ट करतो.
फोटोग्राफीसाठी बॅक पॅनल वर एलईडी फ्लॅश लाईट सह एफ/2.2 अपर्चर असलेला 13 मेगापिक्सलचा प्राइमरी सेंसर + एफ/2.4 अपर्चर असलेली 2 मेगापिक्सलची पोर्टरेट लेंस देण्यात आली आहे तसेच सेल्फीसाठी रियलमी सी11 मध्ये एफ/2.4 अपचर्रर असलेला 5 मेगापिक्सलचा फ्रंट कॅमेरा आहे. Realme C11 डुअल सिम फोन आहे जो 4जी वोएलटीईला सपोर्ट करतो. सिक्योरिटीसाठी फेस अनलॉक सेंसरला सपोर्ट करतो. पावर बॅकअपसाठी 5,000एमएएचची मोठी बॅटरी देण्यात आली आहे. भारतीय बाजारात हा फोन Rich Green आणि Rich Gray कलर मध्ये विकत घेता येईल.