रियलमीनं याच महिन्यात भारतात आपले दोन पावरफुल स्मार्टफोन Realme 10 Pro आणि Realme 10 Pro+ लाँच केले आहेत. या दोन्ही 5G Phone नंतर आता कंपनी एक नवीन कमी किंमत असलेला मोबाइल फोन Realme 10 देखील भारतीय बाजारात सादर करण्यासाठी तयार आहे. कंपनीनं आपल्या ऑफिशियल ट्वीटर हँडलच्या माध्यमातून आगामी स्मार्टफोन टीज केला आहे. 2023 च्या सुरुवातीलाच रियलमी 10 भारतात लाँच होऊ शकतो.
Realme 10 चं प्रोडक्ट पेज कंपनीच्या ऑफिशियल वेबसाइटवर लाइव्ह करण्यात आलं आहे. या पेजवर फोनचा टीजर व्हिडीओ शेयर करण्यात आला आहे. या 32 सेकंदाच्या व्हिडीओमध्ये फोनची लाँच डेट सांगण्यात आली नाही परंतु स्पष्ट करण्यात आलं आहे की कंपनी आपल्या नंबर सीरीजचा नवीन मोबाइल फोन भारतात घेऊन येत आहे. भारतात लाँच होणारा Realme 10 4G असेल की 5G मॉडेल हे मात्र कंपनीनं सांगितलं नाही. हे देखील वाचा: सुंदर सेल्फी काढणारा फोन स्वस्तात! 32 MP फ्रंट कॅमेरा असलेला Oppo F21s Pro वर जबरदस्त सूट
Realme 10 च्या ग्लोबल मॉडेलचे स्पेसिफिकेशन्स
- 6.5′ FHD+ Super AMOLED डिस्प्ले
- 8GB RAM + 8GB RAM
- MediaTek Helio G99 प्रोसेसर
- 50MP Dual Rear कॅमेरा
- 16MP Selfie Camera
- 33W 5,000mAh Battery
रियलमी 10 4जी फोन 2400 × 1080 पिक्सल रिजोल्यूशन असलेल्या 6.5 इंचाच्या फुलएचडी+ सुपर अॅमोलेड पंच-होल डिस्प्लेला सपोर्ट करतो जो 90हर्ट्ज रिफ्रेश रेट तसेच 360हर्ट्ज टच सॅम्पलिंग रेटवर काम करतो. याला कोर्निंग गोरिल्ला ग्लास 5 ची सुरक्षा देण्यात आली आहे. प्रोसेसिंगसाठी या स्मार्टफोनमध्ये मीडियाटेक हीलियो जी99 चिपसेट देण्यात आला आहे. हा रियलमी मोबाइल 8जीबी वचुर्अल रॅम टेक्नॉलॉजीला सपोर्ट करतो.
Realme 10 4G च्या बॅक पॅनलवर एलईडी फ्लॅश लाईटसह 50 मेगापिक्सलचा प्रायमरी सेन्सर देण्यात आला आहे जो 2 मेगापिक्सल ब्लॅक अँड व्हाईट सेन्सरसह येतो. सेल्फी आणि व्हिडीओ कॉलिंगसाठी हा फोन 16 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी रियलमी 10 4जी फोनमध्ये 5,000एमएएच ची बॅटरी देण्यात आली आहे जी 33वॉट फास्ट चार्जिंग टेक्नॉलॉजीला सपोर्ट करते. हे देखील वाचा: काही मिनिटांत चार्जिंग फुल! 100W फास्ट चार्जिंगसह येतोय OnePlus Ace 2; जाणून घ्या संपूर्ण माहिती
Realme 10 Series
रियलमी 10 सीरीज पाहता ग्लोबल मार्केटमध्ये आतापर्यंत पाच स्मार्टफोन यात सादर करण्यात आले आहेत. हे रियलमी मोबाइल फोन Realme 10 4G, Realme 10 5G, Realme 10s, Realme 10 Pro आणि Realme 10 Pro+ 5G नावानं लाँच झाले आहेत. रियलमी 10 प्रो आणि प्रो+ मॉडेल भारतीय बाजारात एंट्री आधीच आले आहेत आणि आता रियलमी 10 सेग्मेंटच्या लाँचची वाट पहिली जात आहे. आशा आहे की कंपनी उर्वरीत तिन्ही फोन भारतात सादर करेल.