अनेक दिवसांपासून बातमी समोर येत होती कि मोबाईल गेमिंग स्मार्टफोन बनवणारी कंपनी Black Shark लवकरच आपला नवीन गेमिंग फोन टेक मंचावर सादर करू शकते. त्यानुसार आता कंपनीने आपल्या गृह मार्केट चीनमध्ये दोन नवीन फोन Black Shark 4 आणि Black Shark 4 Pro सादर केला आहे. हा फोन गेल्यावर्षी सादर करण्यात आलेल्या Black Shark 3 आणि Black Shark 3 Pro चा अपग्रेडेड वर्जन म्हणुन बाजारात आला आहे. इतकेच नव्हे तर Black Shark ने गेमिंग स्मार्टफोन्स सोबत काही एक्सेसरीज पण लॉन्च केली आहेत, ज्यात Black Shark 3.5mm इन इयर गेमिंग इयरफोन्स (Standard Edition), Special Ring Iron Edition आणि Black Shark Cooling Back Clip 2 Pro यांचा समावेश आहे.
डिजाइन
डिजाइन बद्दल बोलायचे तर दोन्ही फोन कंपनीने पंच-होल डिस्प्लेसह सादर केले आहेत जे फोन्सच्या वरच्या बाजूला मध्यभागी आहेत. डिवाइसच्या तिन्ही कडा बेजललेस आहेत. तर खालच्या बाजूला बारीक चिन पार्ट मिळेल. फोनच्या मागे लँडस्केप पोजीशनमध्ये ट्रिपल कॅमेरा सेटअप आहे. त्याचबरोबर गेमिंग फोनचा अनुभव देण्यासाठी एक शानदार डिजाइन आणि लाइटिंग इफेक्ट आहे. फोनमध्ये एक साइड-माउंटेड फिंगरप्रिंट सेंसर देण्यात आला आहे आणि उजवीकडे गेमिंगसाठी डेडिकेटेड गेमिंग ट्रिगर बटण आहेत.
Black Shark 4 Pro चे स्पेसिफिकेशन्स
फोनमध्ये 6.67 इंचाचा फुल-एचडी+ Samsung E4 डिस्प्ले वापरण्यात आला जो 144 हर्ट्ज रिफ्रेश रेट आणि 720 हर्ट्ज टच-सॅम्पलिंग रेट सपोर्टसह येतो. तसेच फोनमध्ये क्वालकॉम स्नॅपड्रॅगन 888 प्रोसेसरसह 16 जीबी LPDDR5 रॅम आणि 512GB UFS 3.1 स्टोरेज उपलब्ध आहे.
फोटोग्राफीसाठी ब्लॅक शार्क 4 प्रो मध्ये ट्रिपल रियर कॅमेरा सेटअप आहे, ज्यात f/1.79 लेंससह 64 मेगापिक्सलचा प्राइमरी कॅमेरा, f/2.2 अल्ट्रा-वाइड लेंससह 8 मेगापिक्सलचा कॅमेरा आणि f/2.4 मॅक्रो लेंससह 5 मेगापिक्सलचा कॅमेरा देण्यात आला आहे. सेल्फी व वीडियो कॉलिंगसाठी f/2.45 लेंससह 20 मेगापिक्सलचा कॅमेरा आहे.
पावर बॅकअपसाठी स्मार्टफोनमध्ये 4,500 एमएएच ची बॅटरी देण्यात आली आहे, जी 120 वॉट फास्ट चार्जिंग सपोर्टसह येते. ज्यामुळे फोन 15 मिनिटांत फुल चार्ज होतो. याव्यतिरिक्त, फोन मध्ये 3.5mm हेडफोन जॅक आणि डुअल स्पीकर देण्यात आला आहे. ब्लॅक शार्क 4 प्रो फोन एंड्रॉयड 11 आधारित JoyUI 12.5 वर चालतो.
Black Shark 4 चे स्पेसिफिकेशन्स
ब्लॅक शार्क 4 चे स्पेसिफिकेशन्स पाहता हा फोन ऑपरेटिंग सिस्टम, डिस्प्ले आणि बॅटरीच्या बाबतीत अगदी ब्लॅक शार्क 4 प्रो वेरिएंट सारखाच आहे. फक्त ब्लॅक शार्क 4 फोनमध्ये क्वालकॉम स्नॅपड्रॅगन 870 प्रोसेसर देण्यात आला आहे, ज्याच्या सोबत 12 जीबी LPDDR5 रॅम आणि 256GB UFS 3.1 स्टोरेज आहे. फोटोग्राफीसाठी ब्लॅक शार्क 4 मध्ये पण ट्रिपल रियर कॅमेरा सेटअप ब्लॅक शार्क 4 प्रो सारखा आहे. पण या फोनचा प्राइमरी कॅमेरा 48 मेगापिक्सलचा आहे. बाकी कॅमेरा स्पेसिफिकेशन दोन्ही फोन्सचे एकसारखे आहेत.
किंमत
Black Shark 4 Pro च्या 8 जीबी रॅम + 256 जीबी स्टोरेज वेरिएंटची किंमत CNY 3,999 (जवळपास 44,400 रुपये), 12 जीबी रॅम + 256 जीबी स्टोरेज वेरिएंट CNY 4,499 (लगभग 50,000 रुपये) आणि 16 जीबी रॅम + 512 जीबी स्टोरेज वेरिएंटची किंमत CNY 5,299 (जवळपास 58,800 रुपये) आहे.
दुसरीकडे Black Shark 4 च्या 6 जीबी रॅम + 128 जीबी स्टोरेज वेरिएंटची किंमत CNY 2,499 (जवळपास 27,700 रुपये), 8 जीबी रॅम + 128 जीबी स्टोरेज वेरिएंटची किंमत CNY 2,699 (जवळपास 30,000 रुपये), 12 जीबी + 128 जीबी स्टोरेज वेरिएंटची किंमत CNY 2,999 (जवळपास 33,300 रुपये) आणि 12 जीबी + 256 जीबी स्टोरेज वेरिएंटची किंमत CNY 3,299 (जवळपास 36,600 रुपये) आहे. दोन्ही फोन्स 25 मार्चपासून विकत घेता येतील.
