Electric Vehicle खरेदी करणाऱ्या लोकांची संख्या कमी असली तरी भारतात हे वेड वेगानं वाढत आहे. फक्त Electric Cars नव्हे तर ग्राहक Electric Bike, Electric Scooter सह Electric Cycles देखील विकत घेत आहेत. आता एक अशीच अनोखी Electric Cycle किट समोर आलं आहे ज्याचं कौतुक सर्वच करत आहेत. या विजेवर चालणाऱ्या सायकल किटची निर्मिती एका स्वदेशी माणसाने केली आहे. जी जास्त पैसे खर्च न करता किंवा मेहनत न करता साध्य सायकलला इलेक्ट्रिक सायकल बनवू शकते.
गुरसौरभ सिंह नावाच्या एका व्यक्तीनं या अनोख्या डिवायसचा शोध लावला जो कोणत्याही सायकलला इलेक्ट्रिक सायकलमध्ये रूपांतरित करू शकतो. Gursaurabh Singh च्या या डिवायस तसेच इनोव्हेशनचं कौतुक उद्योगपती आनंद महिंद्रा (Anand Mahindra) यांनी केलं आहे आणि त्यांनी ट्वीट करून या प्रोजेक्टमध्ये गुंतवणूक करण्याचा मानस व्यक्त केला आहे. गुरसौरभ यांनी Dhruv Vidyut नावाचं एक स्टार्टअप सुरु केलं आहे आणि सायकलला इलेक्ट्रिक पावर देणारं एक किफायतशीर आणि शानदार डिवायस बनवलं आहे. हे देखील वाचा: 150KM च्या जबरदस्त रेंजसह येतेय Electric Bike; पुढील आठवड्यात होणार लाँच
कोणतीही सायकल बनेल Electric Cycle
ध्रुव विद्युत अंतगर्त बनव्यात आलेलं हे टेक सॅव्ही डिवायस एटलस किंवा हीरो, कोणत्याही कंपनीच्या साधारण सायकलला इलेक्ट्रिक सायकलमध्ये रूपांतरित करू शकतं. हे एक कॉम्पेक्ट डिवायस आहे जे सायकलला जोडण्यासाठी मोठे बदल करावे लागत नाहीत. सायकलच्या कोणत्याही भागाची तोडमोड करावी लागत नाही रसिक हे डिवाइस सहज सायकलच्या पेडलच्या वर नट व बोल्टसह बसवता येतं. स्टार्टअपच्या इंस्टाग्राम पेजनुसार या डिवाइसची जोडणी करण्यासाठी फक्त 20 मिनिटांचा कालावधी लागतो.
इलेक्ट्रिक सायकलची खासियत
डिवायस जोडून इलेक्ट्रिक सायकलची निर्मिती केली जाऊ शकते, जी चालवण्यासाठी पेडल मारण्याची देखील गरज नाही. Dhruv Vidhyut Electric Cycle ताशी 25 किलोमीटर वेग देऊ शकते. ही सायकल 170 किलोग्राम पर्यंतचं वजन वाहून नेऊ शकते तसेच फुल चार्जवर 40 किलोमीटर पर्यंतची रेंज देते. विशेष म्हणजे ध्रुव विद्युत डिवायस पूर्णपणे फायर प्रूफ आणि वॉटर प्रूफ आहे तसेच सायकल चिखलात पडल्यास देखील डिवाइसवर काही परिणाम होत नाही. हे देखील वाचा: जुन्या आठवणी होणार ताज्या! रस्त्यावर पुन्हा धावणार LML Scooter; 29 सप्टेंबरला 3 Electric Two-Wheeler घेणार एंट्री
थक्क करणारी बाब म्हणजे ही सायकल चार्ज करण्यासाठी फक्त विजेवर अवलंबुन राहण्याची गरज नाही. सायकलवर 20 मिनिटे पेडल केल्यावर याची बॅटरी आपोआप 50 टक्क्यांपर्यंत चार्ज होऊ शकते. सायकलमध्ये बॅटरी इंडिकेटर देखील आहे जिथे चार्जिंगची टक्केवारी दिसते. या इलेक्ट्रिक सायकलनं तुम्ही तुमचा मोबाइल फोन देखील चार्ज करू शकता. आनंद महिंद्रा यांनी आपल्या ट्वीटर हँडलवर गुरसौरभच्या ध्रुव विद्युत डिवायसचं कौतुक करत ही कल्पना सुधारून बाजारात लाँच करणार असल्याचं म्हटलं आहे.
