Vivo Y16 Launch: आजच विवोनं आपल्या फ्लॅगशिप एक्स सीरिजमध्ये Vivo X80 Lite सादर केला आहे. शानदार स्पेसिफिकेशन्ससह मिडरेंजमध्ये जागतिक बाजारात सादर करण्यात आला आहे. परंतु कंपनीनं बजेट सेगमेंटकडे दुर्लक्ष केलं नाही. 91मोबाइल्सनं आपल्या एक्सक्लूसिव्ह रिपोर्टमध्ये सांगितलं होतं की टेक ब्रँड विवो भारतात आपला नवीन मोबाइल फोन Vivo Y16 लाँच करणार आहे आणि भारतात विवो वाय16 प्राइस 12,499 रुपये असेल. आता आमच्या बातमीवर शिक्कामोर्तब करत विवोनं आम्ही सांगितलेल्या किंमतीतच Vivo Y16 स्मार्टफोन भारतात लाँच केला आहे.
Vivo Y16 Specifications
विवो वाय16 चे फीचर्स आणि स्पेसिफिकेशन्स पाहता हा स्मार्टफोन 720 x 1600 पिक्सल रिजोल्यूशन असलेल्या 6.51 इंचाच्या एचडी+ डिस्प्लेवर लाँच झाला आहे. हा डिस्प्ले 60Hz रिफ्रेश रेटला सपोर्ट करतो. फोनची स्क्रीन आयपीएस एलसीडी पॅनलवर बनली आहे जी 2.5डी कर्व ग्लासनं प्रोटेक्ट करण्यात आली आहे. या फोनची जाडी 8.19 एमएम आणि वजन 183 ग्राम आहे. हे देखील वाचा: 15 हजारांच्या बजेटमध्ये तुफान 5G Phone; 6,000mAh बॅटरी आणि 50MP कॅमेऱ्यासह जबरदस्त फीचर्स
Vivo Y16 अँड्रॉइड 12 आधारित फनटच ओएस 12 वर चालतो. प्रोसेसिंगसाठी या स्मार्टफोनमध्ये मीडियाटेक हीलियो पी35 चिपसेट देण्यात आला आहे. भारतीय बाजारात हा विवो मोबाइल 4 जीबी रॅमवर लाँच झाला आहे. फोनमध्ये 128 जीबी इंटरनल स्टोरेज मिळते. वर्चुअल रॅम फिचरच्या मदतीनं 1 जीबी अतिरिक्त रॅमची ताकद मिळवता येईल. तसेच मेमरी वाढवण्यासाठी मायक्रोएसडी कार्ड स्लॉट देण्यात आला आहे.
फोटोग्राफीसाठी हा विवो मोबाइल ड्युअल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह 13 मेगापिक्सलचा प्रायमरी सेन्सर देण्यात आला आहे. जोडीला 2 मेगापिक्सलची सेकंडरी लेन्स आहे. सेल्फी आणि व्हिडीओ कॉलिंगसाठी हा स्मार्टफोन 5 मेगापिक्सलच्या फ्रंट कॅमेऱ्याला सपोर्ट करतो.
Vivo Y16 ड्युअल सिम फोन आहे जो 4जी एलटीईला सपोर्ट करतो. 3.5एमएम जॅक व अन्य बेसिक कनेक्टिव्हिटी फीचर्ससह सिक्योरिटीसाठी या स्मार्टफोनच्या बॅक पॅनलवर रियर फिंगरप्रिंट देण्यात आला आहे. पावर बॅकअपसाठी हा मोबाइल फोन 5,000एमएएच बॅटरीला सपोर्ट करतो. हे देखील वाचा: Best Smartphone Deals: आयफोनला मागे टाकणारा फोन स्वस्तात; अॅमेझॉन आणि फ्लिपकार्ट सेलमध्ये ‘या’ फोन्सवर जबरदस्त ऑफर्स
Vivo Y16 Price in India
विवो वाय16 स्मार्टफोन 12,499 रुपयांमध्ये भारतात लाँच झाला आहे. कंपनीनं स्मार्टफोनचा एकमेव व्हेरिएंट 4 जीबी रॅम आणि 128 जीबी इंटरनल स्टोरेजसह सादर केला आहे. हा नवीन विवो मोबाइल फोन Drizzling Gold आणि Stellar Black कलरमध्ये विकत घेता येईल.
