Jio Phone 5G लवकरच बाजारात एंट्री करू शकतो. जेव्हापासून मुकेश अंबानींनी फोनचा उल्लेख केला आहे तेव्हापासून भारतीय मोबाइल युजर्स ह्याची आतुरतेने वाट पाहत आहेत. कंपनीनं आतापर्यंत रिलायन्स जियोच्या 5जी फोन लाँच बद्दल कोणतीही अधिकृत माहिती दिली नाही परंतु एका नवीन लीकमध्ये जियो फोन 5जीची लाइव्ह ईमेज समोर आली आहे ज्यात फोनच्या लुक आणि अनेक महत्वाच्या स्पेसिफिकेशन्सचा खुलासा झाला आहे.
Jio Phone 5G चा लुक
फ्रंट पॅनल : जियो फोन 5 च्या फ्रंट पॅनलवर वॉटरड्रॉप नॉच डिस्प्ले देण्यात आला आहे जो ‘यू’ शेप आहे. ह्या नॉचच्या वरच्या बाजूला स्पिकर देण्यात आला आहे. स्क्रीनच्या तीन कडा नॅरो बेजल्ससह दिसत आहेत तर खालच्या बाजूला रुंद चिन पार्ट आहे. डिस्प्लेवरच टच नेव्हिगेशन बटन दिसत आहेत.
Jio Phone 5G इंटरनेट स्पीड
समोर आलेल्या फोटोमध्ये जियो फोन 5जी वर 5जी सर्व्हिस वापरलेली आहे तसेच ह्या इंटरनेट स्पीड टेस्टिंगमध्ये 470.17Mbps डाउनलोड स्पीड आणि 34.25Mbps अपलोड स्पीड मिळत आहे. फोटोमध्ये मोबाइलचे लोकेशन लखनऊ, उत्तर प्रदेश आहे जिथे जियो 5जी फोनमध्ये 24ms लेटेंसी मिळत आहे. फोटोमध्ये दिसलेला फोन Jio 5G n78 Band वर चालत आहे.
Jio Phone 5G प्राइस (लीक)
जियो फोन 5जीची किंमत भारतात 10 हजार रुपयांपेक्षा कमी असेल, अशी चर्चा आहे. तर लीकनुसार Jio Phone 5G यावर्षी दिवाळी नंतर भारतीय बाजारात येऊ शकतो. म्हणजे मुकेश अंबानी अपने 5जी फोन नोव्हेंबर-डिसेंबर दरम्यान लाँच करू शकतात.
Jio Phone 5G स्पेसिफिकेशन्स (लीक)
- 6.5″ HD+ Display
- 13MP + 2MP Rear Camera
- 5MP Selfie Camera
- Pragati OS
- 5,000mAh Battery
- स्क्रीन : जियो फोन 5जी 1600 x 720 पिक्सल रिजोल्यूशन असलेल्या 6.5 इंचाच्या एचडी+ डिस्प्लेसह लाँच केला जाऊ शकतो. ही फोन स्क्रीन आयपीएस एलसीडी पॅनलवर बनू शकते ज्यावर 60हर्ट्झ रिफ्रेश रेट मिळू शकतो.
- ओएस : Jio Phone 5G मध्ये Pragati OS दिला जाऊ शकतो ज्याची निर्मिती Google नं खास भारतीय मोबाइल युजर्ससाठी केली आहे. ह्या ऑपरेटिंग सिस्टममध्ये भारतीय स्थानिक भाषांचा सपोर्ट देखील मिळतो.
- प्रोसेसर : समोर आलेल्या नवीन लीकनुसार जियो फोन 5जी मध्ये मीडियाटेक डायमेन्सिटी 700 किंवा यूनिसोक 5जी प्रोसेसर दिला जाऊ शकतो. तसेच जुन्या लीकमध्ये क्वॉलकॉम स्नॅपड्रॅगन 480 चिपसेट असल्याचं समोर आलं आहे.
- मेमरी : हा 5जी मोबाइल फोन 4 जीबी रॅम + 32 जीबी इंटरनल स्टोरेजसह लाँच होऊ शकतो ज्यात एक्स्ट्रनल मायक्रोएसडी कार्ड सपोर्ट देखील दिला जाईल.
- कॅमेरा : फोटोग्राफीसाठी जियोफोन 5जी च्या बॅक पॅनलवर 13 मेगापिक्सल + 2 मेगापिक्सलचा ड्युअल रियर कॅमेरा दिला जाऊ शकतो. तसेच फ्रंट पॅनलवर 5 मेगापिक्सलचा सेल्फी सेन्सर मिळू शकतो.
- बॅटरी : पावर बॅकअपसाठी ह्या रिलायन्स जियो 5जी स्मार्टफोनमध्ये 5,000एमएएचची बॅटरी दिली जाऊ शकते.
