आयक्यूने आपल्या झेड 9 सीरीजच्या प्रोडक्ट पोर्टफोलियोला पुढे वाढवत नवीन आणि स्वस्त 5G स्मार्टफोन लाँच केला आहे. याला iQOO Z9 Lite 5G नावाने भारतीय बाजारात एंट्री मिळाली आहे. विशेष म्हणजे कमी किंमतीत डिव्हाईस दमदार फिचर्स आणि डिझाईनसह आला आहे. यात 50 मेगापिक्सलचा रिअर कॅमेरा, IP64 रेटिंग, एक्सटेंडेड टेक्नॉलॉजीसह 12 जीबी पर्यंत रॅम, मीडियाटेक डायमेंसिटी 6300 चिपसेट सारखे अनेक स्पेसिफिकेशन आहेत. चला, पुढे फोनची संपूर्ण माहिती जाणून घेऊया.
iQOO Z9 Lite 5G ची किंमत आणि उपलब्धता
iQOO Z9 Lite 5G फोनला भारतात दोन स्टोरेज ऑप्शनमध्ये आणले गेले आहे. याच्या 4 जीबी रॅम +128 स्टोरेजची किंमत 10,499 रुपये आहे. तर 6 जीबी रॅम +128 मॉडेल 11,499 रुपयांना आहे. फोनला अॅक्वा फ्लो (ब्लू) आणि मोचा ब्राऊन सारख्या दोन कलरमध्ये विकत घेता येईल. याची सेल अॅमेझॉन आणि इतर रिटेल आऊटलेटवर येत्या 20 जुलैपासून दुपारी 12 वाजता सुरु होईल. तसेच ऑफर पाहता फोनवर 500 रुपयांचा इंस्टंट बँक डिस्काऊंट पण दिला जाईल. ज्याच्या मदतीने बेस मॉडेल 9,999 रुपये आणि टॉप मॉडेल 10,999 रुपयांना पडेल.
iQOO Z9 Lite 5G चे स्पेसिफिकेशन
- 6.56 इंचाचा डिस्प्ले
- 90Hz रिफ्रेश रेट
- डायमेंसिटी 6300 चिपसेट
- 6GB रॅम +128GB स्टोरेज
- 50MP AI रिअर कॅमेरा
- 5000mAh बॅटरी
- आयपी 64 रेटिंग
- अँड्रॉईड 14
डिस्प्ले: iQOO Z9 Lite 5G मध्ये कंपनीने युजर्सना चांगली स्क्रीन क्वॉलिटी प्रदान करण्यासाठी 6.56 इंचाचा अल्ट्रा ब्राईट डिस्प्ले दिला आहे. यावर युजर्सना हाय रिजॉल्यूशन , 840 निट्स ब्राईटनेस आणि 90Hz रिफ्रेश रेट मिळेल.
चिपसेट: फोनच्या चिपसेट पाहता यात मीडियाटेक डायमेंसिटी 6300 सादर करण्यात आली आहे. हा 2.4GHz पर्यंतच्या हाय क्लॉक स्पीड प्रदान करतो. या ऑक्टाकोर प्रोसेसर अंतूतू साईटवर 414,564 च्या जवळपास अंक प्राप्त झाले आहेत.
स्टोरेज आणि रॅम: डेटा स्टोर करण्यासाठी iQOO Z9 Lite 5G मध्ये कंपनीने 6GB रॅम आणि 128 जीबी पर्यंत इंटरनल स्टोरेज दिले आहे. ही नवीन डिव्हाईस 1 टीबी एक्सपांडेबल स्टोरेजला सपोर्ट आणि 6GB एक्सटेंडेड रॅमसह येतो. म्हणजे युजर्स 12 जीबी पर्यंत रॅम आणि 1 टीबी पर्यंत स्टोरेज वापर करता येईल.
कॅमेरा: कॅमेरा फिचर्स पाहता iQOO Z9 Lite 5G ड्युअल रिअर कॅमेरा सेटअपसह आहे. ज्यात 50 मेगापिक्सलचा प्रायमरी AI कॅमेरा आणि 2 मेगापिक्सल बोकेह लेन्स लावण्यात आली आहे. तसेच, सेल्फी आणि व्हिडिओ कॉलिंगसाठी डिव्हाईसमध्ये 8 मेगापिक्सलचा फ्रंट कॅमेरा आहे.
बॅटरी: iQOO Z9 Lite 5G ला चालवण्यासाठी कंपनीने यात 5000mAh च्या मोठ्या बॅटरीचा वापर केला आहे, ही मोठी बॅटरी फास्ट चार्ज करण्यासाठी 15 वॉट फास्ट चार्जिंगचा सपोर्ट देण्याची सुविधा दिली आहे.
इतर: डिव्हाईसमध्ये साईड माऊंटेड फिंगरप्रिंट सेन्सर, पाणी आणि धूळीपासून वाचणारी IP64 रेटिंग, ड्युअल सिम 5G, वाय-फाय, ब्लूटूथ सारखे अनेक ऑप्शन देण्यात आले आहेत.
ओएस: ऑपरेटिंग सिस्टम पाहता iQOO Z9 Lite 5G अँड्रॉईड 14 आधारित फन टच ओएस 14 वर चालतो. फोनसह 2 वर्षाचे अँड्रॉईड अपडेट आणि 3 वर्षाचे सिक्योरिटी अपडेट पण मिळतील.
