रिलायन्स जिओने पुन्हा एकदा आपल्या ग्राहकांना आश्चर्याचा धक्का देत 999 रुपयांचा नवीन प्रीपेड प्लॅन लाँच केला आहे. तर याआधी देखील कंपनीकडे त्याच किंमतीचा एक प्लॅन होता, ज्याची किंमत 999 रुपये होती, परंतु दर वाढीनंतर या प्लॅनची किंमत 1199 रुपये झाली होती. पण, आता जिओने पुन्हा एकदा 999 रुपयांचा नवीन प्लॅन आणला आहे. कंपनीने हा प्लान ‘Hero 5G’ टॅगसह लाँच केला आहे. चला तपशीलवार जाणून घेऊया, जिओच्या 999 रुपयांच्या नवीन प्लॅनमध्ये आता काय दिले जात आहे?
जिओने आणला 999 रुपयांचा नवीन प्लॅन
- जिओचा 999 रुपयांचा प्लॅन 98 दिवसांच्या वैधतेसह येतो.
- 98 दिवसांची वैधता असलेल्या या प्लॅनमध्ये ग्राहकांना अमर्यादित व्हॉईस कॉलिंग मिळते.
- यामध्ये दररोज 100 एसएमएस आणि दररोज 2GB डेटा मिळतो.
- प्लॅनच्या संपूर्ण वैधतेदरम्यान, ग्राहकांना एकूण 196GB डेटा आणि अमर्यादित 5G मिळते.
5G स्पीडमध्ये मिळेल डेटा
जर तुमच्याकडे 5G फोन असेल आणि तुमच्या भागात Jio चे 5G नेटवर्क उपलब्ध असेल, तर तुम्ही या प्लॅनच्या मदतीने मोफत अमर्यादित 5G डेटाचा लाभ घेऊ शकता.
त्याचवेळी या प्लॅनमध्ये जिओ टीव्ही, जिओ क्लाऊड आणि जिओ सिनेमा चा ॲक्सेस देखील मिळणार आहे. 2GB दैनंदिन मर्यादा संपल्यानंतर इंटरनेटचा वेग कमी होऊन तो 64 Kbps होईल.
बंद झाले जिओचे हे प्लॅन
- जिओचा 149 रुपयांचा प्लॅन: या प्लॅनची किंमत 149 रुपये होती. त्याचवेळी या प्रीपेड रिचार्जमध्ये 14 दिवसांसाठी एकूण 14GB डेटा मिळत होता. म्हणजेच तुम्हाला दररोज 1GB इंटरनेट डेटा ऑफर करण्यात आला होता. तसेच या प्लॅनसह जिओच्या कोणत्याही नेटवर्कवर अमर्यादित व्हॉईस कॉलिंगची सुविधा मिळत होती.
- जिओचा 179 रुपयांचा प्लॅन: जिओच्या 1GB दैनंदिन डेटा प्लॅनसाठी दुसरा पर्याय म्हणजे 179 रुपयांचा प्लॅन होता. यामध्ये तुम्हाला 18 दिवसांची वैधता मिळत होती आणि दररोज 1GB डेटाचा लाभ मिळत होता. म्हणजेच तुम्हाला 18 दिवसात 18GB डेटा मिळत असे. यासोबतच अनलिमिटेड कॉलिंग आणि 100 एसएमएस देखील दिले जात होते. या सर्वांसह तुम्हाला जिओ ॲप चे फायदे मोफत मिळत होते.
