काही दिवसांपूर्वी बातमी आली होती की शाओमी लवकरच 48-मेगापिक्सल कॅमेरा असलेला फोन लॉन्च करणार आहे. हे स्वतः कंपनीचे प्रेसिडेंट लीन बिन ने सांगितले होते. त्यावेळी फोनचे नाव सांगण्यात आले नव्हते पण आज नवीन माहिती समोर आली आहे ज्यात फोनच्या नावासोबतच काही स्पेसिफिकेशन्सचा पण उल्लेख करण्यात आला आहे. प्राप्त माहितीनुसार हा फोन शाओमी मी 9 असू शकतो. तुम्हाला तर माहितीच आहे की दरवर्षी शाओमी मी सीरीज मध्ये आपला फ्लॅगशिप फोन सादर करते आणि नवीन वर्षात मी 9 येणार आहे. इतकेच नव्हे तर समोर आलेल्या माहितीनुसार या फोन मध्ये स्क्रीनच्या खाली होल डिस्प्ले डिजाइन सह सेल्फी कॅमेरा दिला जाऊ शकतो.
माई ड्राइवर कडून दिलेल्या माहितीनुसार शाआमी द्वारा लॉन्च केला जाणारा 48-मेगापिक्सल कॅमेरा फोनसाठी कंपनी एलसीडी डिस्प्ले पॅनलचा वापर करणार आहे आणि या पॅनलचा पुरवठा चीनी डिस्प्ले मेकर कंपनी बोईकरत आहे. हा डिस्प्ले फुल बेजल लेस नसेल तर खाली थोडी चिन असू शकते.
रिपोर्ट मध्ये असा दावा करण्यात आला आहे की शाओमीच्या या फोनची डिजाइन सॅमसंग गॅलेक्सी ए8एस आणि हुआवई नोवा 4 सारखी असेल ज्यात बाजूला होल कॅमेरा देण्यात आला आहे. शाओमी मी 9 बद्दल जी माहिती आता पर्यंत समोर आली आहे त्यानुसार हा फोन क्वालकॉमच्या नवीन चिपसेट स्नॅपड्रॅगॉन 855 सह येऊ शकतो. तसेच कंपनी फोटोग्राफी साठी सोनी आईएमएक्स 586 सेंसर किंवा मग सॅमसंगच्या कॅमेरा सेंसर चा वापर करू शकते. तसेच अधिकृतरित्या माहिती देण्यात आली आहे की या फोन मध्ये मीयूआई 10 असेल. त्यामुळे आशा करता येईल की हा एंडरॉयड 9 पाई वर आधारित असेल.
