ASUS ने सांगितले आहे कि कंपनी येत्या 10 मार्चला आपल्या टेक्नॉलॉजीचे प्रदर्शन करत ‘आरओजी’ सीरीजचा विस्तार करेल आणि यादिवशी ASUS ROG Phone 5 स्मार्टफोन लॉन्च केला जाईल. ROG म्हणजे Republic of Gamers, या सेग्मेंटचे फोन खासकरून मोबाईल गेमिंगसाठी डिजाईन केले जातात जे पावरफुल स्पेसिफिकेशन्ससह येतात. काही दिवसांपूर्वी वेगवेगळ्या लीक्स मध्ये या फोनचे अनेक स्पेसिफिकेशन्स समोर आले आहेत तसेच आता नवीन लिस्टिंगमध्ये समजले आहे कि ASUS ROG Phone 5 जगातील पहिला स्मार्टफोन असेल जो 18 जीबी रॅमवर लॉन्च केला जाईल. (ASUS ROG Phone 5 with 18 gb ram launch on 10 march)
ASUS ROG Phone 5 च्या लॉन्चच्याआधी या फोनच्या मोठ्या डिटेलचा खुलासा झाला आहे. या फोनचा नवीन रॅम वेरिएंट समोर आला आहे जो 18GB RAM ला सपोर्ट करतो. आतापर्यंत असूस आरओजी फोन 5 16 जीबी रॅम सोबतच दिसला होता, 18 जीबी असलेला मॉडेल पहिल्यांदाच हाईलाईट झाला आहे. जर असूसने आपल्या या फोनचे दोन्ही मॉडेल ग्लोबली लॉन्च केले तर ASUS ROG Phone 5 जगातील पहिला फोन असेल जो 18 जीबी रॅमसह लॉन्च होईल.
ASUS ROG Phone 5
असूस आरओजी फोन 5 ची हि महत्वाची माहिती डिटेल गीकबेंचच्या माध्यमातून समोर आली आहे. चीनी बेंचमार्किंग साइट गीकबेंचवर ASUS ROG Phone 5 चा नवीन मॉडेल सर्टिफाइड झाला आहे ज्यात फोनमध्ये 18 जीबी रॅम असल्याचे समोर आले आहे. हि लिस्टिंग 1 मार्चची आहे जिथे फोन ASUS_I005DB मॉडेल नंबरसह लिस्ट केला गेला आहे. रॅम व्यतिरिक्त या मॉडेलचे अनेक इतर स्पेसिफिकेशन्स वेबसाइटने शेयर केले आहेत ज्यांच्यावरून फोनच्या ताकदीचा अंदाज लावला जाऊ शकतो.
हे देखील वाचा : 8GB रॅम आणि 64MP कॅमेरा असलेल्या Xiaomi Mi 10T ची किंमत 3000 रुपयांनी झाली कमी, लवकरच घ्या या संधीचा फायदा
गीकबेंच लिस्टिंगमध्ये ASUS ROG Phone 5 लेटेस्ट अँड्रॉइड 11 ओएससह दाखवण्यात आला आहे. तसेच फोन मध्ये 1.80गीगाहर्ट्ज बेस स्पीड असलेला आक्टा-कोर प्रोसेसर असल्याचे सांगण्यात आले आहे तसेच मदरबोर्ड सेक्शनमध्ये क्चॉलकॉम स्नॅपड्रॅगॉन 888 चिपसेटचे कोडनेम लिहिण्यात आले आहे. आरओजी फोन 5 ला सिंगल-कोर मध्ये 1113 आणि मल्टी-कोर मध्ये 3468 बेंचमार्क स्कोर मिळाला आहे.
लीक्स नुसार फोनचे डायमेंशन 172.834 x 77.252 x 10.29एमएम असेल आणि हा 6.78 इंचाच्या मोठ्या डिस्प्लेवर लॉन्च केला जाईल. फोटोग्राफीसाठी या फोन मध्ये ट्रिपल रियर कॅमेरा असल्याचे सांगण्यात आले आहे ज्यात 64 मेगापिक्सलचा प्राइमरी सेंसर मिळू शकतो. पावर बॅकअपसाठी आगामी आरओजी फोन 5 मध्ये 6,000एमएएचची मोठी बॅटरी दिली जाऊ शकते जी 65वाॅट रॅपिड चार्ज टेक्नॉलॉजीसह येईल. फोनच्या ठोस स्पेसिफिकेशन्ससाठी 10 मार्चची वाट बघावी लागेल.