टेक कंपनी आसुसने ExpertBook B3 लॅपटॉप सीरिजला भारतात लाँच केले आहे. या लेटेस्ट लाईनअपमध्ये हे लॅपटॉप 13 जनरेशन इंटेल कोर प्रोसेसरसह आहेत. यामध्ये अप्रतिम डिस्प्ले मिळतो. याव्यतिरिक्त, लॅपटॉपमध्ये पावरफुल बॅटरीपासून ते फिंगरप्रिंट सेन्सर देण्यात आला आहे. चला जाणून घेऊया की, नवीन लॅपटॉप सीरिजचे फिचर्स आणि किंमतीबद्दल…
Asus ExpertBook B3 Series Specifications
आसुस एक्सपर्टबुक बी3 सीरिजला बिजनेस युजर्सना लक्षात घेऊन तयार करण्यात आले आहे. Asus ExpertBook B3404CVA लाईनअपचा बेस मॉडेल आहे. यात 14 इंचाची स्क्रीन मिळते, ज्याचा रिफ्रेश रेट 120Hz आहे. याचे वजन 1.45 किलोग्रॅम आहे. सीमलेस फंक्शनिंगसाठी लॅपटॉपमध्ये 13th जनरेशनची चिपसेट देण्यात आली आहे.
यात 64GB DDR5-5600 RAM आणि 1TB पर्यंत एसएसडी इंटरनल स्टोरेज देण्यात आले आहे. यात थंडरबोल्ट 4, यूएसबी टाई-सी पोर्ट, वाय-फाय आणि ब्लूटूथ सारखे कनेक्टिव्हिटी फिचर्स देण्यात आले आहेत. यात 63Whr 3-cell Li-ion बॅटरी मिळते, जी 90W फास्ट चार्जिंगसह आहे. या लॅपटॉपचा किबोर्ड आणि ट्रॅकपॅडचा आकार पण मोठा आहे. तसेच, हा लॅपटॉप लेटेस्ट विंडोज 11 होम ऑपरेटिंग सिस्टमवर चालतो.
टॉप मॉडेलचे फिचर्स
Asus ExpertBook B3604CVF बद्दल बोलायचे झाले तर, तो या सीरिजचा टॉप मॉडेल आहे. यात WQXGA रिजोल्यूशन आणि 120Hz रिफ्रेश रेट असलेला डिस्प्ले देण्यात आला आहे. याचा साइज 16 इंच आहे. याची स्क्रीन DCI-P3 कलर गेमटला सपोर्ट करते. यात Intel Core i7-1370P vPro प्रोसेसर आणि Iris Xe ग्राफिक कार्ड मिळते.
कनेक्टिव्हिटीसाठी लॅपटॉपमध्ये थंडरबोल्ट 4 यूएसबी टाईप-सी, वाय-फाय 6ई, ब्लूटूथ 5.3 आणि इन-बिल्ट स्मार्ट कार्ड रिडर आहे. यात 2 वॉटचा स्टीरियो स्पिकर, डायरेक्ट ऑडियो, बिल्ट-इन मायक्रोफोन, फिंगरप्रिंट सेन्सर आणि फेस अनलॉकची सुविधा मिळते. याला 50Wh आणि 63Wh बॅटरी ऑप्शनमध्ये विकत घेता येईल. याचे वजन 1.8 किलोग्रॅम आहे.