मोबाईल फोन सध्या प्रत्येकाच्या जीवनाचा महत्वाचा भाग बनला आहे. मोबाईल फोन आता फक्त कॉलिंग किंवा मनोरंजन नव्हे तर रोजच्या आयुष्यातील कामांमध्ये पण वापरला जातो. जेव्हा हा फोन हरवतो तेव्हा मोठी अडचण होते. फोन हरवल्याने पैशांच्या नुकसानीपेक्षा जास्त निराशा त्यातील मीडिया फाइल्स, कॉन्टॅक्ट लिस्ट तसेच इतर डाक्यूमेंट्स व मेसेज पण आपल्याकडे नसतात यामुळे होते. पण जरा विचार करा जर एखाद्या स्मार्टफोन कंपनीनेच आपला प्रोटोटाइप फोन हरवला तर काय होईल. अशाच दुःखद घटनेची शिकार झाली आहे टेक कंपनी ऑनर. ऑनरच्या एका कर्मचाऱ्याने कंपनीचा प्रोटोटाइप फोन हरवला आहे आणि त्यामुळे संपूर्ण कंपनी हादरली आहे.
प्रोटोटाइप फोन म्हणजे काय
प्रोटोटाइप फोन म्हणजे काय असा प्रश्न तुम्हाला पडला असेल तर आम्ही तुम्हाला सांगतो. दुकानात येण्याआधी स्मार्टफोन अनेकप्रकारच्या स्टेप्स मधून जातो. आणि जेव्हा फोन निर्मितीच्या सुरवातीच्या स्टेज वर असतो तेव्हा याची सर्वात जास्त काळजी घ्यावी लागते. या स्टेज मध्ये फोनची सर्वप्रकारची टेस्टिंग केली जाते ज्यात हार्डवेयर व सॉफ्टवेयर सोबत याची डिजाईन पण तपासली जाते. या स्टेज मध्ये असलेल्या फोनला प्रोटोटाइप फोन म्हटले जाते. हा फोन पूर्णपणे डेवेलप नसतो, फक्त त्याच्या फीचर्सची टेस्टिंग केली जाते आणि गरजेनुसार यात बदल केले जातात.
आता तुम्ही समजू शकता कि कोणत्याही स्मार्टफोन कंपनी साठी प्रोटोटाइप फोन किती जास्त महत्वाचे असतात. अशाच एका प्रोटोटाइप फोन वर ऑनर कंपनी काम करत होती. या फोन मध्ये ऑनरच्या काही अशा आइडिया होत्या ज्या गुप्त होत्या. हा प्रोटोटाइप फोन घेऊन कंपनीचा एक कर्मचारी ट्रेन मध्ये प्रवास करत होता. पण प्रवासात काही कारणास्तव ऑनरचा प्रोटोटाइप फोन ट्रेन मध्ये हरवला.
हे देखील वाचा: BSNL ने या तीन प्लान मध्ये केले बदल, मिळेल 25 पट जास्त डेटा
असा हरवला
हि घटना जर्मनीची आहे. ऑनर ने आपल्या आफिशियल ट्वीटर हँडेल वर याची माहिती देत सांगितले कि गेल्या सोमवारी एक ऑनर कर्मचारी डुसॅलड्रॉर्फ वरून म्यूनिकच्या ट्रेन मध्ये बसला होता. चुकून ऑनरचा प्रोटोटाइप या ट्रेन मध्ये राहिला. ऑनर कर्मचारी म्यूनिकला उतरल्यावर त्याला फोन मिळाला नाही. हा फोन हरवल्यानंतर ऑनर ने आपल्या ट्वीटर हँडल वरून हि माहिती सार्वजनिक केली आहे.
⚠️Bitte helft uns ⚠️
Hinweise an de.support@hihonor.com oder jeden Servicemitarbeiter der Deutschen Bahn! ?? pic.twitter.com/vI5ZjDOlpN— HonorDE (@HonorGermany) April 22, 2019
शोधून देणाऱ्यास मोठा ईनाम
हि घटना झाल्यानंतर ऑनर ने सोशल मीडिया प्लेटफॉर्म वर प्रोटोटाइप फोन साठी बक्षिसाची घोषणा केली आहे. ऑनर ने म्हटले आहे कि कंपनीचा हरवलेला प्रोटोटाइप फोन शोधून आणणाऱ्यास 5000 यूरो बक्षीस म्हणून दिले जातील. हैराणीची बाब म्हणजे हि रक्कम इंडियन करंसीनुसार जवळपास 3,90,418 रुपयांच्या आसपास आहे. म्हणजे ऑनरचा हरवलेला फोन शोधणाऱ्याला कंपनी कडून जवळपास 4 लाख रुपयांची बक्षीस दिली जाईल.
हे देखील वाचा: TikTok वरचा बॅन हटला ! पुन्हा करता येईल फोन मध्ये डाउनलोड साठी उपलब्ध
ऑनर ने सांगितले आहे कि हा प्रोटोटाइप फोन ग्रे रंगाच्या प्रोटेक्टिव केस मध्ये होता आणि फोनचा कॅमेरा पण केस ने शटर पासून ढाकलेला होता. पण हा प्रोटोटाइप ऑनरच्या कोणत्या फोनचा होता हे अजून समजले नाही, तसेच का कंपनी हा शोधून देणाऱ्यास मोठी बक्षीस देत नाही. बातमी देत असे पर्यंत हा फोन मिळालेला नाही.