इनफिनिक्स भारतात आपल्या ‘हॉट’ सीरीज अंतर्गत नवीन स्मार्टफोन हॉट 40 आई ला आणण्यासाठी पूर्णपणे तयार आहे. चीनी स्मार्टफोन ब्रँडने सोमवारी याची पुष्टी केली आहे. फ्लिपकार्टने आपल्या वेबसाइटवर एक समर्पित मायक्रोसाइटच्या माध्यमातून नवीन इनफिनिक्स हॉट सीरीज स्मार्टफोनच्या लाँचच्या तारखेची माहिती दिली आहे. Infinix Hot 40i ला गेल्यावर्षी डिसेंबरमध्ये Infinix Hot 40 आणि Infinix Hot 40 Pro सोबत काही ग्लोबल बाजारांमध्ये लाँच केले गेले होते. तसेच, आता हा भारतात लाँच केला जाईल.
16 फेब्रुवारीला 12 वाजता होईल लाँच
ट्रांसन होल्डिंग्सच्या सहायक कंपनीनं एक्स (ट्विटर)च्या माध्यमातून इनफिनिक्स हॉट 40आईला भारतात लाँचची घोषणा केली होती. फ्लिपकार्टने हँडसेट येण्याची माहिती देण्यासाठी आपल्या वेबसाइटवर समर्पित मायक्रोसाइट बनविली आहे. लिस्टिंगनुसार, हँडसेट 16 फेब्रुवारीला दुपारी 12:00 वाजता IST वर लाँच केला जाईल.
9,000 रुपयांपेक्षा कमी असेल किंमत
कंपनीनं स्पष्ट केले आहे की डिवाइसची किंमत 9,000 रुपयांपेक्षा कमी असणार आहे. तसेच, यात 8GB ऑनबोर्ड रॅम, 256GB स्टोरेज आणि 8GB व्हर्च्युअल मेमरी दिली जाणार आहे. तसेच, हा Unisoc T606 SoC वर चालतो आणि यात 50-मेगापिक्सलचा ड्युअल रिअर कॅमेरा यूनिट आहे. Infinix Hot 40i मध्ये 18W फास्ट चार्जिंगच्या सपोर्टसह 5,000mAh ची बॅटरी आहे.
Infinix Hot 40i स्पेसिफिकेशन्स
- स्क्रीन: इनफिनिक्स हॉट 40आई स्मार्टफोनमध्ये 720 x 1612 पिक्सल रिजॉल्यूशन वाली 6.56 इंचाचा एचडी+ डिस्प्ले देण्यात आला आहे. ही पंच-होल स्टाइल स्क्रीन आहे, जी एलसीडी पॅनलवर बनली आहे तसेच 90 हर्ट्झ रिफ्रेश रेटवर चालते. यावर 480 निट्स ब्राइटनेस आणि 180 हर्ट्झ टच सॅम्पलिंग रेटचा सपोर्ट मिळतो.
- परफॉर्मन्स : हा मोबाइल फोन अँड्रॉइड 13 आधारित एक्सओसवर चालतो. प्रोसेसिंगसाठी यात 1.6 गीगाहर्ट्झ क्लॉक स्पीड असलेला यूनिसोक टी 606 आक्टा-कोर प्रोसेसर देण्यात आला आहे. तसेच ग्राफिक्ससाठी या फोनमध्ये माली-जी57 जीपीयू मिळतो.
- फ्रंट कॅमेरा: Infinix Hot 40i 32 मेगापिक्सल सेल्फी कॅमेऱ्यासह लाँच झाला आहे, जी याची मुख्य यूएसपी आहे. हा कॅमेरा सेन्सर आर्टिफिशियल इंटेलिजेंस टेक्नॉलॉजीसह आला आहे जो एफ/2.2 अपर्चरवर चालतो. तसेच सेल्फीसाठी ड्युअल एलइडी फ्लॅश देखील देण्यात आला आहे.
- बॅक कॅमेरा: फोटोग्राफीसाठी हा स्मार्टफोन ड्युअल रिअर कॅमेऱ्याला सपोर्ट करतो. या फोनच्या बॅक पॅनलवर क्वॉड एलइडी रिंग फ्लॅशसह एफ/1.6 अपर्चर असलेला 50 मेगापिक्सलचा प्रायमरी सेन्सर देण्यात आला आहे जो एफ/2.0 अपर्चर 2 मेगापिक्सल एआय लेन्स सोबत मिळून चालतो.
- मेमरी: इनफिनिक्स हॉट 40आय स्मार्टफोन 8 जीबी रॅमसह लाँच झाला आहे, जो 8 जीबी एक्सपांडेबल रॅम टेक्नॉलॉजीला देखील सपोर्ट करतो. हा वचुर्अल रॅम फोनच्या फिजिकल रॅमसह मिळून याला 16 जीबी रॅमची ताकद देतो. तसेच स्मार्टफोनमध्ये 256 जीबी इंटरनल स्टोरेज मिळते.
- बॅटरी: पावर बॅकअपसाठी या इनफिनिक्स मोबाइलमध्ये 5,000 एमएएच बॅटरी देण्यात आली आहे. तसेच ही मोठी बॅटरी फास्ट चार्ज करण्यासाठी स्मार्टफोनमध्ये 18 वॉट फास्ट चार्जिंग टेक्नॉलॉजी देण्यात आली आहे.