अलीकडेच साइबर मीडिया रिसर्च फर्मचा एका रिपोर्ट समोर आला होता, ज्यात खुलासा केला गेला होता कि देशात इंडियन मोबाईल कंपनी Lava च्या प्रति लोकांचा विश्वास वेगाने वाढत आहे आणि लोक Xiaomi, Realme आणि oppo, vivo ऐवजी Lava कंपनीच्या फोन्स मध्ये रस दाखवत आहेत. भारतीयांचा हा विश्वास अजून वाढवत लावा मोबाईल्सने आज देशात आपला नवीन आणि अनोखा फोन Lava Pulse 1 लॉन्च केला आहे. या फोनची खासियत आहे कि हा infrared thermometer प्रमाणे स्पर्श न करता बॉडी टेंपरेचर मोजू शकतो.
लावाच्या या नवीन फोन Pulse 1 ची सर्वात मोठी खासियत या फोनचे बॉडी टेंपरेचर मोजण्याचे फीचर आहे. जगात हा अशाप्रकारचा पहिला फोन आहे जो स्पर्श न करता शरीराचे तापमान सांगू शकतो. लावा पल्स 1 मध्ये इंफ्रारेड सेंसर देण्यात आला आहे. हा सेंसर व्यक्तीच्या कपाळावर किंवा उलट्या हाताजवळ ठेवावे लागेल आणि काही सेकंदात त्या व्यक्तीचा बॉडी टेंपरेचर येईल. कंपनीनुसार हे फीचर FDA अप्रूव्ड आहे जो 99.9 टक्क्यांपर्यंत अचूक मोजणी करतो.
Lava Pulse 1
फोनचे इतर फीचर्स आणि स्पेसिफिकेशन्स पाहता हा की-पॅड असलेला फीचर फोन आहे ज्यात टी9 न्यूमरिक कीपॅड देण्यात आली आहे. हा मोबाईल फोन 2.4 इंचाच्या डिस्प्लेला सपोर्ट करतो. स्क्रीनच्या वरच्या बाजूला स्पीकर आहे तसेच खाली Lava ब्रँडिंग सोबतच कीपॅड आहे. फोनच्या बॅक पॅनल वर फ्लॅश लाईट सह सिंगल रियर कॅमेरा सेंसर देण्यात आला आहे ज्याच्या बाजूला स्पीकर आहे. हा फोन पॉलीकार्बोनेट बॉडी वर बनवण्यात आला आहे जो मिलिट्री ग्रेड सर्टिफाइड आहे आणि पडल्यावर तुटत नाही.
Lava Pulse 1 च्या बॅक पॅनल वर सिंगल रियर कॅमेरा सेटअप देण्यात आला आहे जो एक वीजीए कॅमेरा आहे. या सेंसरच्या खाली नीचे एलईडी लाईट आहे. कॅमेरा सेटअपच्या बाजूला स्पीकर देण्यात आला आहे. ईमेज फाइल्स आणि गाणी फोन मध्ये स्टोर करण्यासाठी फोन मध्ये 32 जीबी पर्यंतचा माइक्रोएसडी कार्ड वापरून मेमरी वाढवता येते. या फोन मध्ये मनोरंजनसाठी वायरलेस एफएम रेडियो देण्यात आला आहे. हा एक डुअल सिम फोन आहे जो 1,800एमएएच च्या बॅटरीला सपोर्ट करतो. कंपनीच्या दाव्यानुसार एका चार्ज मध्ये हा फीचर फोन 6 दिवस पर्यंतचा बॅकअप देऊ शकतो.
हे देखील वाचा : Xiaomi ने आणला पावरफुल फोन Redmi K30s, स्पेसिफिकेशन्स वर टाका एक नजर
लावा पल्स 1 चे इतर फीचर्स पाहता यात ऑटो कॉल रिकॉर्डिंग, नंबर टॉकर आणि कॉन्टेक्टसाठी फोटो आइकन्स सारखे ऑप्शन्स देण्यात आले आहेत, जे फीचर फोनला स्मार्ट बनवतात. हा फोन हिंदी आणि इंग्लिश सोबतच गुजराती, पंजाबी, तामिळ, तेलुगू आणि कन्नड इत्यादी भारतीय भाषांना पण सपोर्ट करतो. भारतीय बाजारात Lava Pulse 1 फक्त 1,999 रुपयांमध्ये लॉन्च केला गेला आहे जो रोज गोल्ड कलर मध्ये विक्रीसाठी उपलब्ध होईल. लावा पल्स 1 ऑनलाईन व ऑफलाईन दोन्ही प्लॅटफॉर्म वरून विकत घेता येईल.