जर तुम्ही नवीन आणि प्रीमियम टीव्ही खरेदी करण्याचा विचार करत असाल तर ही पोस्ट तुमच्यासाठी चांगली ठरू शकते. कारण जर्मन ब्रँड METZ ने शक्तिशाली टीव्हीची श्रेणी सादर केली आहे. ब्रँडकडून भारतीय बाजारपेठेत 32 इंच ते 65 इंचापर्यंतचे टीव्ही लाँच करण्यात आले आहेत. सर्व मॉडेलमध्ये वापरकर्त्यांना QLED+ तंत्रज्ञान, डॉल्बी व्हिजन, डॉल्बी ॲटमॉस यासारखे अनेक फिचर्स मिळतील. चला पुढे फिचर्स आणि किंमत पाहू.
METZ QLED+ टीव्हीची वैशिष्ट्ये
क्वांटम डॉट तंत्रज्ञानाचा वापर करून या टीव्हीमध्ये प्रीमियम QLED+ डिस्प्ले बसविण्यात आला आहे. हे चांगले कॉन्ट्रास्ट आणि स्पष्ट रंग प्रदान करते. सुधारित मॅट स्क्रीन अधिक आनंददायक आणि चकाकी-मुक्त पाहण्याचा अनुभव देते. तर डॉल्बी व्हिजन फोटोची ब्राईटनेस, कॉन्ट्रास्ट आणि रंग अचूकता वाढवते. डॉल्बी ॲटमॉस सराऊड साऊंड मध्ये तुम्हाला पूर्णपणे इमर्सिव्ह ऑडिओ अनुभव देण्याची क्षमता ठेवतो.
METZ QLED+ टीव्हीच्या श्रेणीमध्ये हरवलेले रिमोट कंट्रोल शोधण्याचा देखील पर्याय आहे. यामध्ये सोप्या पद्धतीने फाइंड रिमोट फिचरचा वापर करून तो शोधला जाऊ शकतो. उदाहरणार्थ, तुम्ही रिमोट कुठेतरी ठेऊन विसरलात, तर तुम्हाला टीव्हीवर एक बटण दाबावे लागेल ज्यानंतर रिमोट बीप होईल. या वैशिष्ट्यामुळे रिमोट पटकन शोधणे सोपे होईल आणि वेळ आणि त्रासही वाचेल.
METZ QLED+ टीव्हीला ब्लू लाईट प्रमाणपत्र प्राप्त झाले आहे. ज्याच्या मदतीने बराच वेळ पाहिल्यानंतर ही फारशी अडचण येणार नाही. हा टेलिव्हिजन स्क्रीन फ्लिकरिंग ला कमी करण्यासाठी किंवा पूर्णपणे काढून टाकण्यासाठी अत्याधुनिक तंत्रज्ञानाचा वापर करतो. कारण त्यांना फ्लिकर फ्री प्रमाणपत्रही मिळाले आहे. अशा प्रकारे वापरकर्ते त्यांच्या डोळ्यांना वाचवू शकतात. इतकेच नाही तर टीव्हीमध्ये उच्च दर्जाच्या अनुभवासाठी ए+ ग्रेड डिस्प्ले पॅनल आणि आय केअर 3.0 तंत्रज्ञान देखील आहे.
METZ QLED+ ची किंमत
- जर्मन कंपनी METZ QLED+ चे टीव्ही संच 32 इंच ते 65 इंच डिस्प्ले साईजमध्ये लाँच झाले आहेत.
- जर आपण सर्वात लहान 32 इंच QLED+ टीव्ही बद्दल बोललो तर त्याची सुरुवातीची किंमत फक्त 13,900 रुपये ठेवण्यात आली आहे.
- METZ QLED+ TV चे सर्वात मोठे मॉडेल 65 इंच डिव्हाईसची किंमत सुमारे 96,000 रुपये असेल.
