देशी स्मार्टफोन निर्माता कंपनी Micromax ने भारतात आपल्या बहुप्रतीक्षित In सीरीज मध्ये दोन फोन्स Note 1 आणि IN 1B सादर केले आहेत. या दोन्ही फोन्सच्या जीवावर माइक्रोमॅक्स भारतीय स्मार्टफोन बाजारात एक शानदार पुनरागमन करण्याचा अपेक्षा ठेऊन आहे. दोन्ही फोन्सची किंमत कमी ठेवण्यात आली आहे. पण IN 1B कंपनीने बजेट कॅटेगरी मध्ये सादर केला आहे जो शाओमी-रियलमी सारख्या कंपन्यांसाठी आव्हान ठरू शकतो. Micromax In 1b ची बेस किंमत 6,999 रुपये आहे जी ग्राहकांना आकर्षित करू शकते. ज्या चीनी कंपन्यांना टक्कर देण्यासाठी माइक्रोमॅक्सने आपला नवीन बजेट फोन सादर केला आहे त्यातल्या Xiaomi कडे अनेक फोन्स आहेत जे In 1b ला आव्हान देतील. अलीकडेच शाओमीने Redmi 9A लॉन्च केला होता, ज्याची किंमत आणि स्पेसिफिकेशन जवळपास Micromax In 1b प्रमाणेच आहेत. आम्ही तुमच्या सुविधेसाठी दोन्ही हँडसेटची किंमत, फीचर्स आणि स्पेसिफिकेशनच्या आधारावर Micromax In 1b ची तुलना Redmi 9A सोबत केली आहे. चला जाणून घेऊया कोणता फोन जास्त चांगला आहे.
डिस्प्ले व डिजाइन
Micromax In 1b आणि Redmi 9A दोन्ही फोन्स वॉटरड्रॉप नॉच डिजाइन सह येतात. दोन्हीच्या फ्रंट पॅनल वर स्क्रीनच्या तीन कडा बेजल लेस आहेत. तर खालच्या बाजूला रुंद चिन पार्ट आहे. In 1b फोनच्या बॅक पॅनल वर डुअल रियर कॅमेरा सेटअप वर डावीकडे वर्टिकल शेप मध्ये आहे. या सेटअप मध्ये दोन कॅमेरा लेंस आणि एक फ्लॅश लाइट देण्यात आली आहे. Redmi 9A च्या मागे एक सिंगल कॅमेरा आणि फ्लॅश लाइट आहे. Micromax In 1b च्या रियर पॅनल वर फिंगरप्रिंट सेंसर आहे आणि Redmi 9A मध्ये फिंगरप्रिंट सेंसर नाही. डिस्प्ले पाहता Micromax In 1b मध्ये 6.52-इंच HD+ एलसीडी डिस्प्ले सह 20:9 आसपेक्ट रेश्यो आहे आणि Xiaomi Redmi 9A 20:9 आस्पेक्ट रेशियो वर सादर केला गेला आहे जो 1600 x 720 पिक्सल रेज्ल्यूशन असलेला 6.53 इंचाचा एचडी+ एलसीडी डिस्प्ले आहे.
हार्डवेयर
In 1b मध्ये MediaTek Helio G35 SoC सह Mali-G52 GPU देण्यात आला आहे. सोबतच या फोन मध्ये 2GB, 4GB रॅम आणि 32GB व 64GB ची स्टोरेज देण्यात आली आहे. प्रोसेसिंगसाठी Redmi 9A फोन मध्ये 2 गीगाहर्ट्ज क्लॉक स्पीड असेलेल्या आक्टाकोर प्रोसेसर सह मीडियाटेकचा 12एनएम टेक्नॉलॉजी वर बनलेला हीलियो जी25 चिपसेट आहे. ग्राफिक्ससाठी हा फोन पावरवीआर जीई8329 जीपीयूला सपोर्ट करतो. या फोन मध्ये 2जीबी रॅम व 3 जीबी रॅम सह 32 जीबी इंटरनल स्टोरेज देण्यात आली आहे.
कॅमेरा
Micromax In 1b डुअल-कॅमेरा मागे देण्यात आला आहे. या सेटअप मध्ये 13 मेगापिक्सलचा प्राइमरी सेंसर आणि 2 मेगापिक्सलची सेकेंडरी लेंस आहे. सेल्फी आणि व्हिडीओ कॉलिंगसाठी फोन मध्ये 8 मेगापिक्सलचा कॅमेरा देण्यात आला आहे. तसेच शाओमी रेडमी 9ए एलईडी फ्लॅश सह एफ/2.2 अपर्चर असलेल्या 13 मेगापिक्सलच्या प्राइमरी कॅमेऱ्याला सपोर्ट करतो. सेल्फी आणि व्हिडीओ कॉलिंगसाठी या फोन मध्ये एफ/2.2 अपर्चर असलेला 5 मेगापिक्सलचा फ्रंट कॅमेरा देण्यात आला आहे.
हे देखील वाचा : Xiaomi ने आणला पावरफुल फोन Redmi K30s, स्पेसिफिकेशन्स वर टाका एक नजर
बॅटरी
Micromax In 1b आणि Redmi 9A मध्ये 10वॉट फास्ट चार्जिंग टेक्नॉलॉजी असलेली 5,000एमएएच ची बॅटरी देण्यात आली आहे. दोन्ही फोन्स मध्ये डुअल सिम फोन आहे ज्यात दोन सिम कार्ड आणि एक मेमरी कार्ड वापरता येतो. बेसिक कनेक्टिविटी फीचर्स सह हे फोन्स 4जी वोएलटीई सह काम करतात.
हे देखील वाचा : Micromax चा चीनी कंपन्यांवर वार, लॉन्च केले 5000mAh बॅटरी आणि 48MP रियर कॅमेरा असलेले दोन फोन
किंमत
Micromax IN 1b कंपनीने 6,999 रुपयांच्या बेस किंमतीत सादर केला आहे. हि किंमत फोनच्या 2GB रॅम आणि 32GB स्टोरेज वेरिएंटची आहे. तर 4GB रॅम आणि 64GB स्टोरेज वर्जनची किंमत 7,999 रुपये आहे. Xiaomi Redmi 9A चा 2 जीबी रॅम + 32 जीबी स्टोरेज वेरिएंट 6,799 रुपयांमध्ये लॉन्च केला गेला आहे तसेच फोनच्या 3 जीबी रॅम + 32 जीबी स्टोरेज वेरिएंटची किंमत 7,499 रुपये आहे.