आता एकच WhatsApp नंबर वापरता येईल वेगवेगळ्या मोबाइल फोन्सवर, आलं दमदार फीचर

असं म्हटलं जातं की भारतात ज्याच्याकडे स्मार्टफोन आहे त्याच्याकडे व्हॉट्सअ‍ॅप नक्की मिळेल. आपल्या युजर्सच्या सुविधेसाठी Meta देखील वेळोवेळी नवीन अपडेट व फीचर्स सादर करत असते जे अ‍ॅडव्हान्स तसेच उपयुक्त असतात. असंच एक नवीन WhatsApp Feature कंपनीनं सादर केलं आहे ज्यामुळे एकह व्हॉट्सअ‍ॅप अकाऊंट अनेक फोन्समध्ये एकाच वेळी वापरता येईल.

व्हॉट्सअ‍ॅपची मालकी असणाऱ्या टेक कंपनी मेटाचा सीईओ Mark Zuckerberg नं Facebook वर पोस्ट करत नवीन WhatsApp multi-device फिचर अधिकृतपणे सादर केलं आहे. हे फीचर अ‍ॅपच्या नवीन अपडेट मधून युजर्सना पाठवलं जाईल. कंपनीनुसार, आगामी काही दिवसांत हे नवीन फीचर व्हॉट्सअ‍ॅप युजर्सना मिळण्यास सुरुवात होईल. हे देखील वाचा: 7 हजारांच्या बजेटमध्ये लाँच झाला नवीन Tecno Spark 10; यात मिळते 16GB RAM ची पावर

व्हॉट्सअ‍ॅप मल्टी-डिवायस फीचर म्हणजे काय आणि कसं वापरायचं?

या नवीन फीचरची खासियत म्हणजे याच्या माध्यमातून एकच WhatsApp account अनेक वेगवेगळ्या मोबाइल फोन्समध्ये वापरता येईल.

हे फीचर फक्त स्मार्टफोनच नव्हे तर व्हॉट्सअ‍ॅप वेब ब्राउजर, टॅबलेट आणि कम्प्यूटर्सवर देखील वापरता येईल.

सर्व डिवायसवरील व्हॉट्सअ‍ॅप अकाऊंटमधील सर्व मेसेज, मीडिया व कॉल्स एंड-टू-एंट एन्क्रिप्टेड असतील.

दोन फोन बाळगणाऱ्या लोकांसाठी हे फीचर सर्वाधिक फायदेशीर ठरेल. त्यामुळे एका डिवायसवर व्हॉट्सअ‍ॅप वापरण्यासाठी दुसऱ्यातून लॉग आऊट करावं लागणार नाही.

WhatsApp multi-device फीचरमुळे एकच मोबाइल नंबरच्या माध्यमातून अनेक फोन्सवर व्हॉट्सअ‍ॅप वापरता येईल. हे फिचर बिजनेस ग्रुप्समध्ये देखील वापरता येईल.

हे देखील वाचा: Vivo X90 आणि Vivo X90 Pro ची दणक्यात एंट्री; 12GB RAM सह मिळतोय शानदार कॅमेरा

लिंक केलेल्या सर्व फोन्सवर एक सारखी चॅटिंग सुरु राहील, कधीही कोणत्याही डिवायसमध्ये आपली चॅट तिथूनच सुरु करता येईल जिथे दुसऱ्या डिवायसमध्ये सोडली होती.

जर प्रायमरी डिवायस बराच काळ इनअ‍ॅक्टिव्ह राहिलं तर त्या फोनसह इतर लिंक्ड डिवाइसेजवर देखील अकाऊंट लॉग आउट केलं जाईल.

नवीन फीचरवर अपडेट केल्यामुळे एक व्हॉट्सअ‍ॅप अकाऊंट एकाच वेळी जास्तीत जास्त चार डिवायसवर अ‍ॅक्टिव्ह ठेवता येईल.