नोकियाचे फोन बनवणारी कंपनी HMD Global यावर्षी नवीन आणि दमदार स्मार्टफोन घेऊन येण्याची तयारी करत आहे. गेल्या काही दिवसांपासून Nokia 1.4, Nokia 6.3 आणि Nokia 7.3 बद्दल बातम्या समोर येत आहेत. आता एका नवीन रिपोर्ट मध्ये माहिती देण्यात आली आहे कि हे नवीन Nokia फोन्स 2021 ची पहिली तिमाही किंवा दुसऱ्या तिमाहीत लॉन्च केले जाऊ शकतात. नोकिया 6.3 आणि नोकिया 7.3 2020 च्या तिसऱ्या तिमाहीत लॉन्च होण्याची अपेक्षा होती, पण असे नाही झाले. असे जरी असले तरी फोनच्या लॉन्च प्लान बद्दल आतापर्यंत कंपनीकडून कोणतीही अधिकृत माहिती समोर आली नाही.
नोकिया 6.3 आणि नोकिया 7.3 बद्दल रिपोर्ट मध्ये सांगण्यात आले आहे कि कंपनी नोकिया हे दोन्ही फोन्स Nokia 6.4 किंवा Nokia 7.4 नावाने लॉन्च करू शकते. दरअसल, Nokiapoweruser च्या रिपोर्ट मध्ये हि माहिती देण्यात आली आहे. रिपोर्ट मध्ये सांगण्यात आले आहे कि नोकिया 1.4 आता पर्यंत मल्टीपल लिस्टिंग मध्ये दिसला आहे. अलीकडेच नोकिया 1.4 च्या किंमत आणि स्पेसिफिकेशन्सचा खुलासा झाला होता.
हे देखील वाचा : 6GB रॅम सह येईल Nokia चा स्वस्त 5G फोन, Xiaomi-Realme ची करेल सुट्टी?
लीक मध्ये सांगण्यात आले होते कि फोन मध्ये 6.51 इंचाचा एचडी+ एलसीडी डिस्प्ले, एक क्वाड कोर प्रोसेसर, 1GB रॅम, 16 GB स्टोरेज आणि ड्यूल-रियर कॅमेरा सेटअप दिला जाऊ शकतो. फोन 100 यूरो (अंदाजे 8,800 रुपये) पेक्षा कमी किंमतीत लॉन्च होणार असल्याची आशा आहे.
नोकिया 6.3 आणि नोकिया 7.3 बाबत पण अनेक दिवसांपासून लीक व माहिती समोर येत आहे. रिपोर्ट मध्ये सांगण्यात आले आहे कि हे फोन्स 2021 च्या पहिल्या तिमाहीच्या शेवटी किंवा दुसऱ्या तिमाहीच्या सुरवातीला लॉन्च केले जाऊ शकतात.
हे देखील वाचा : लो बजेट सेग्मेंटसाठी नोकियाचा पुढील डाव तयार, घेऊन येत आहे स्वस्त 4G फोन Nokia 1.4
फीचर्स पाहता काही लीक्स मध्ये सांगण्यात आले होते कि नोकिया 6.3 स्मार्टफोन मध्ये क्वालकॉम स्नॅपड्रॅगॉन 730 प्रोसेसर आणि 24 मेगापिक्सल प्राइमरी कॅमेरा असल्याचे समजले होते. नोकिया 7.3 मध्ये एक होल-पंच कटआउट सह 6.5 इंचाचा फुल एचडी+ डिस्प्ले आणि क्वालकॉम स्नॅपड्रॅगॉन 690 प्रोसेसर असेल. तसेच, या फोन मध्ये 48 मेगापिक्सल प्राइमरी आणि 24 मेगापिक्सल सेल्फी कॅमेरा असू शकतो. नोकिया 6.3 आणि नोकिया 7.3 मध्ये क्रमशः 4500mAh आणि 5000mAh बॅटरी असल्याची आशा व्यक्त केली जात आहे.
आम्ही अलीकडेच नोकिया मोबाईलच्या योजनेबाबत सांगितले होते कि 2021 मध्ये 5जी सपोर्टसह कंपनी कमीत कमी चार स्मार्टफोन घेऊन येण्याची योजना बनवत आहे. सध्या 5G कॅटेगरी मध्ये नोकियाने एकच फोन सादर केला आहे, ज्याचे नाव Nokia 8.3 5G आहे.