OnePlus Ace 2 Pro चे स्पेसिफिकेशन्स लीक; 24GB RAM आणि 150W charging मिळण्याची शक्यता

वनप्लस लवकरच फोल्डेबल फोन सेगमेंटमध्ये पदार्पण करणार आहे. कंपनीचा OnePlus Open फोल्डेबल फोन पुढील महिन्यात येणार असल्याची बातमी आली आहे. त्याचबरोबर कंपनी ‘एस’ सीरिजचा OnePlus Ace 2 Pro देखील बाजारात आणू शकते. ह्या फोनमध्ये 24GB RAM + 1TB Storage सह पावरफुल Qualcomm Snapdragon 8 Gen 2 प्रोसेसर मिळेल. वनप्लस एस 2 प्रोची नवीन लीक माहिती पुढे वाचता येईल.

OnePlus Ace 2 Pro चे स्पेसिफिकेशन्स (लीक)

स्क्रीन : वनप्लस एस 2 प्रो मध्ये 6.74 इंचाची मोठी स्क्रीन दिली जाऊ शकते जी 1.5के रिजोल्यूशनवर चालेल. लीकनुसार हा डिस्प्ले ओएलईडी पॅनलवर बनलेला असू शकतो ज्यावर 120हर्ट्झ रिफ्रेश रेट देखील दिला जाऊ शकतो.

प्रोसेसर : OnePlus Ace 2 Pro संबंधित नवीन लीकमध्ये सांगण्यात आलं आहे की हा स्मार्टफोन क्वॉलकॉम स्नॅपड्रॅगन 8 जेन 2 ऑक्टाकोर प्रोसेसरसह लाँच केला जाऊ शकतो.

रॅम : टिपस्टर नुसार हा वनप्लस फोन 24जीबी रॅमसह लाँच होईल. ह्यात फिजिकल रॅम किती आणि वचुर्अल रॅम किती ते समजलं नाही. आशा आहे की हा फोन 16GB RAM + 8GB RAMला सपोर्ट करेल.

स्टोरेज : जास्त रॅम सोबतच फोनमध्ये मोठी इंटरनल स्टोरेज देखील मिळेल. लीकमध्ये समोर आलं आहे की वनप्लस एस 2 प्रो मध्ये 1टीबी इंटरनल स्टोरेज दिली जाऊ शकते.

कॅमेरा : फोटोग्राफीसाठी ह्यात ट्रिपल रियर कॅमेरा सेटअप दिला जाऊ शकतो ज्यात 50 मेगापिक्सलचा सोनी आयएमएक्स890 प्रायमरी सेन्सरसह 8 मेगापिक्सल आणि 2 मेगापिक्सलच्या अन्य लेन्स मिळतील. तसेच फोनमध्ये 16एमपीचा सेल्फी कॅमेरा मिळू शकतो.

बॅटरी : पावर बॅकअपसाठी ह्या वनप्लस फोनमध्ये 5,000एमएएचची मोठी बॅटरी मिळू शकते.

चार्जिंग : मोठी बॅटरी वेगानं चार्ज करण्यासाठी OnePlus Ace 2 Pro 150वॉट फास्ट चार्जिंग टेक्नॉलॉजीसह बाजारात येऊ शकतो.

OnePlus Ace 2 Pro लाँच (अंदाज)

वनप्लस एस 2 प्रो पुढील महिन्यात बाजारात येऊ शकतो, अशी चर्चा आहे. कंपनीनं सांगितलं नाही परंतु 29 ऑगस्टला वनप्लसचा फोल्डेबल मोबाइल OnePlus Open चीनमध्ये लाँच केला जाऊ शकतो. त्यामुळे OnePlus Ace 2 Pro देखील 29 ऑगस्टला लाँच होण्याची शक्यता आहे.