पोको कंपनी येत्या 9 मेला भारतात आपल्या ‘एफ’ सीरीजचा नवीन मोबाइल फोन POCO F5 लाँच करणार आहे. हा क्वॉलकॉम स्नॅपड्रॅगन 7+ जेन 2 प्रोसेसरसह येणारा भारतातील पहिला स्मार्टफोन असेल. या फोनचे काही स्पेसिफिकेशन्स व फीचर्स ब्रँडनं शेयर केले आहेत, परंतु आज फोन लाँचपूर्वीच पोको एफ5 ची किंमत इंटरनेटवर लीक झाला आहे.
पोको एफ5 ची किंमत
टिपस्टर अभिषेक यादवनं आपल्या ट्वीटर हँडलच्या माध्यमातून पोको एफ5 5जी फोनची किंमत लीक केली आहे. सविस्तर शेयर करत अभिषेकनं दावा केला आहे की या मोबाइल फोनची किंमत भारतात 30,000 रुपयांपेक्षा कमी असेल. तसेच ऑफर्स व डिस्काउंट नंतर या फोनचा इफेक्टिव्ह प्राइस 26,000 रुपयांच्या आसपास होऊ शकते. फोनची खरी किंमत किती असेल हे मात्र 9 मेला स्पष्ट होईल. हे देखील वाचा: WhatsApp घेऊन येत आहे नवीन आणि दमदार फीचर; लवकरच व्हॉइस नोट वाचता देखील येणार
Poco F5 5G will be priced under ₹30,000 INR in India.
After Applying offers around ₹26,000#Xiaomi #Poco #POCOF5 pic.twitter.com/y81HjoniV7— Abhishek Yadav (@yabhishekhd) April 28, 2023
पोको एफ5 चे स्पेसिफिकेशन्स
- 6.67″ FHD+ Display
- 120Hz Refresh Rate
POCO F5 संबंधित रिपोर्ट्स व लीक्सनुसार, हा स्मार्टफोन 6.67 इंचाच्या मोठ्या स्क्रीनसह लाँच केला जाऊ शकतो जो फुलएचडी+ पिक्सल रिजोल्यूशनवर चालेल. हा पंच-होल स्टाईल डिस्प्ले असेल जो 120हर्ट्ज रिफ्रेश रेटवर चालेल. समोर आलेल्या फोटोमध्ये फोनचा बॅक पॅनल खूप चमकदार दाखवण्यात आला आहे.
- 969,903 ANTUTU Score
- Qualcomm Snapdragon 7+ Gen 2
कंपनीनं खुलासा केला आहे की पोको एफ5 क्वॉलकॉमच्या स्नॅपड्रॅगन 7 प्लस जेन 2 चिपसेटसह लाँच होईल. तसेच 2.92गीगाहर्ट्ज पर्यंतचा क्लॉक स्पीड असलेला ऑक्टाकोर प्रोसेसर दिला जाऊ शकतो. विशेष म्हणजे पोको एफ5 ला 969,903 एनटूटू बेंचमार्क स्कोर मिळाला आहे. हा फोन 8जीबी रॅमसह लाँच केला जाऊ शकतो.
- 64MP Triple camera
- 16MP Selfie camera
फोटोग्राफीसाठी POCO F5 मध्ये ट्रिपल रियर कॅमेरा मिळेल. समोर आलेल्या माहितीनुसार याच्या बॅक पॅनलवर ओआयएस फीचर असलेला 64 मेगापिक्सलचा प्रायमरी सेन्सर दिला जाईल, जोडीला 8 मेगापिक्सलची अल्ट्रा वाइड अँगल लेन्स आणि 2 मेगापिक्सलचा मॅक्रो सेन्सर असेल. सेल्फी आणि व्हिडीओ कॉलिंगसाठी या पोको फोनमध्ये 16 मेगापिक्सलचा फ्रंट कॅमेरा मिळू शकतो. हे देखील वाचा: Realme GT Neo 3T वर मोठा डिस्काउंट; फ्लिपकार्टवर मिळतेय ऑफर
- 67W charging
- 5,000mAh battery
पोको एफ5 मध्ये पावर बॅकअपसाठी 5,000एमएएचची मोठी बॅटरी दिली जाऊ शकते. तसेच ही बॅटरी वेगानं चार्ज करण्यासाठी पोको एफ5 5जी फोन 67वॉट फास्ट चार्जिंग टेक्नॉलॉजीसह बाजारात येऊ शकतो.