साल 2019 स्मार्टफोन्स साठी खूप नवीन बदल घेऊन आला आहे. गेल्या वर्षी 4G नेटवर्क आणि 4G एलटीई सपोर्ट असणारे स्मार्टफोन्स बाजारात आले होते ता यावर्षी हे फीचर स्वस्त स्मार्टफोन्स मध्ये पण आले आहे. स्वस्त 4G फोन सोबतच यावर्षी 5G सपोर्ट असलेले स्मार्टफोन्स पण आले आहेत. हे 5G स्मार्टफोन फ्लॅगशिप सेग्मेंट मध्ये आले आहेत ज्यांची किंमत जास्त आहे. पण आता लवकरच 5G सपोर्ट असलेले स्वस्त स्मार्टफोन्स पण बाजारात येणार आहेत.
Qualcomm म्हणजे मोबाईल चिपसेट बनवणाऱ्या दिग्गज टेक कंपनीने काल अंर्तराष्ट्रीय मंचावर आपला नवीन चिपसेट सादर केला आहे. कंपनीने Snapdragon 700 सीरीजचा एक नवीन चिपसेट सादर केला आहे जो 5G baseband ला सपोर्ट करतो. या नवीन चिपसेटच्या घोषणेसोबतच क्वालकॉम ने अधिकृतपणे सांगितले आहे कि कंपनी कमी रेंज मधील चिपसेट घेऊन येणार आहे जो 5G सपोर्टेड असेल.
5G कनेक्टिविटी आणि सपोर्ट असलेले हे चिपसेट क्वालकॉमच्या Snapdragon 700 आणि Snapdragon 600 सीरीज मध्ये येतील. विशेष म्हणजे सध्या क्वालकॉम स्नॅपड्रॅगॉन 800 सीरीजचा स्नॅपड्रॅगॉन 855+ चिपसेट 5G ला सपोर्ट करतो जो हाईएंड डिवाईसेज मध्ये आहे. पण स्नॅपड्रॅगॉन 700 आणि 600 सीरीज मध्ये येणारे 5G सपोर्टेड चिपसेट मीड रेंज डिवाईसेज साठी बनवले जातील आणि हे 5G चिपसेट असलेले स्मार्टफोन पण कमी किंमतीत लॉन्च केले जातील.
हे देखील वाचा: Reliance Jio चे 3 वर्ष पूर्ण, जाणून घ्या 3 वर्षांतील 30 मोठे कारनामे
12 ब्रँड आणतील स्वस्त 5G फोन
साहजिकपणे जर कमी किंमतीत 5G फोन बनले तर जास्तीत जास्त यूजर हि लेटेस्ट टेक्नॉलॉजी वापरतील. त्यामुळे स्मार्टफोन ब्रँड्स आणि कंपन्या पण मागे राहणार नाहीत. रिपोर्ट मध्ये समोर आले आहे कि 12 स्मार्टफोन ब्रँड् ने 5G सपोर्ट असलेल्या Snapdragon 700 आणि 600 सीरीजच्या चिपसेट साठी क्वालकॉमशी हातमिळवणी केली आहे. या कंपन्यांमध्ये Oppo, Realme, Redmi, Vivo, Motorola, HMD Global आणि LG Electronics यांचा समावेश आहे. हे ब्रँड्स साल 2020 च्या सुरवातीला स्वस्त 5G स्मार्टफोन बाजारात आणू शकतात.
5G सह हे फीचर्स पण असतील खास
क्वालकॉम ने अजूनतरी 5G टेक्नॉलॉजी सह येणाऱ्या Snapdragon 700 आणि Snapdragon 600 सीरीजच्या चिपसेटच्या नावाचा खुलासा केला नाही किंवा सविस्त माहिती सांगितली नाही. पण क्वालकॉम म्हणते कि हा आगामी चिपसेट 5G फंक्शन सह येणारा system-on-chip इंटिग्रेटेड चिपसेट असेल जो जवळपास सर्व मेजर रिजन आणि मेजर फ्रिक्वेंसीवर चालू शकेल. कंपनी नुसार Snapdragon 700 सीरीजचे 5G चिपसेट 7नॅनोमीटर टेक्नॉलॉजी वर प्रोसेस करतील तसेच नेक्स्ट जेनरेशन एआई आर्टिफिशियल इंटेलिजेंस इंजन सह चालेल. क्वालकॉम नुसार हे स्नॅपड्रॅगॉन चिपसेट ऐलिट गेमिंग फीचर्स सह येतील.
हे देखील वाचा: OnePlus चा यूनिक आणि स्टाईलिश Smart Remote आला समोर, येत आहे Smart TV
विशेष म्हणजे काही दिवसांपूर्वी बर्लिन मध्ये आयोजित IFA 2019 ईवेंट मध्ये Samsung ने पण आपला 5G चिपसेट लॉन्च केला आहे जो Exynos 980 नावाने बाजारात येईल. त्याचबरोबर Huawei ने पण आपला 5G सपोर्ट असलेला सर्वात पावरफुल चिपसेट Kirin 990 पण अंर्तराष्ट्रीय बाजारात सादर केला आहे.