काही दिवसांपूर्वी बॉलिवूड अभिनेता Ranbir Kapoor चा एका व्हिडीओ इंटरनेटवर वायरल झाला होता. या व्हिडीओमध्ये एक फॅन रणबीर सोबत सेल्फी काढण्याचा प्रयत्न करत आहे, परंतु सेल्फीसाठी जास्त वेळ लागत असल्यामुळे रणबीरनं त्या फॅनचा फोन फेकून दिला. हा व्हिडीओ पाहून नेटकरी अभिनेत्यावर भडकले होते परंतु आता समोर आलं आहे की हा व्हिडीओ आगामी OPPO Reno 8T 5G ची जाहिरात होती आणि कंपनीनं आपल्या सोशल मीडिया हॅन्डलवर पूर्ण व्हिडीओ शेयर करून OPPO Reno 8T 5G च्या भारतीय लाँचची घोषणा केली आहे. ओप्पोनं ऑफिशियल घोषणा केली आहे की रेनो 8टी 5जी फोन येत्या 3 फेब्रुवारीला भारतात लाँच केला जाईल.
ओप्पो इंडियानं आपल्या अधिकृत ट्वीटर हँडलवर ट्वीट शेयर करून घोषणा केली आहे की रेनो 8टी 5जी फोन 3 फेब्रुवारीला भारतात लाँच होईल. कंपनीनं रेनो 8टी 4जी मॉडेल बद्दल अद्याप कोणतीही माहिती दिली नाही, आशा आहे की त्याच दिवशी कंपनी या फोनची घोषणा करेल. आता OPPO Reno 8T 5G चा लाँच कफंर्म झाला आहे आणि 3 फेब्रुवारीला ऑफिशियल झाल्यानंतर फोनची विक्री 10 फेब्रुवारीपासून सुरु होऊ शकते. हे देखील वाचा: दुकानात जाऊन जुना फोन एक्सचेंज करण्याऐवजी ‘या’ वेबसाइटवर विका; मिळेल बेस्ट किंमत
ओप्पो रेनो 8टी 5जी फोनबद्दल चर्चा आहे की भारतीय बाजारात कंपनी हा 8जीबी रॅम + 128जीबी स्टोरेजसह लाँच करेल. या फोनची किंमत 29,999 रुपये असू शकते. तसेच या फोनचे एका पेक्षा जास्त रॅम आणि स्टोरेज व्हेरिएंट भारतीय बाजारात येतील, अशी अपेक्षा आहे.
फोनचे फीचर्स व स्पेसिफिकेशन्सची माहिती आतापर्यंत लीक्स व सर्टिफिकेशन्सच्या माध्यमातून समोर आली आहे. असं बोललं जात आहे की हा ओप्पो मोबाइल क्वॉलकॉम स्नॅपड्रॅगन 695 प्रोसेसरसह लाँच होईल. हा चिपसेट मिडबजेट 5जी फोन्ससाठी बेस्ट मानला जातो. तसेच भारतीय बाजारात रेनो 8टी 8जीबी रॅमसह लाँच केला जाऊ शकतो जो वचुर्अल एक्सटेंडेड रॅमला देखील सपोर्ट करेल. हे देखील वाचा: तब्बल 100W चा चार्जिंग स्पीड! पुढील आठवड्यात येतोय OnePlus 11R; कंपनीनं केली अधिकृत घोषणा
लिक्सनुसार, OPPO Reno 8T मध्ये 100 मेगापिक्सलचा प्रायमरी रियर कॅमेरा सेन्सर दिला जाईल. तसेच सेल्फी आणि व्हिडीओ कॉलिंगसाठी फोनच्या फ्रंट पॅनलवर 32 मेगापिक्सलची लेन्स मिळू शकते. हा स्मार्टफोन 6.43 इंचाच्या फुलएचडी+ अॅमोलेड डिस्प्लेसह लाँच होऊ शकतो जो 90हर्ट्ज रिफ्रेश रेटवर काम करेल. रेनो 8टी 5जी फोनमध्ये 67वॉट फास्ट चार्जिंग टेक्नॉलॉजी मिळू शकते.