चिनी स्मार्टफोन निर्माता कंपनी रियलमीनं आज भारतीय बाजारात आपली नवीन स्मार्टफोन सीरिज सादर केली आहे. Realme 10 Pro Series भारतात लाँच झाली आहे. सीरीज अंतगर्त दोन नवीन 5जी रियलमी फोन बाजारात सादर करण्यात आले आहेत, ज्यात Realme 10 Pro 5G आणि Realme 10 Pro+ 5G चा समावेश आहे. यातील प्रो मॉडेलमध्ये 108MP चा कॅमेरा, 8GB रॅम, 5000mAh ची बॅटरी आणि 33W फास्ट चार्जिंग देण्यात आली आहे. पुढे आम्ही या सिरीजमधील बेस मॉडेल रियलमी 10 प्रो 5जी फोनच्या स्पेसिफिकेशन्स आणि किंमतीची माहिती दिली आहे.
Realme 10 Pro Specifications
रियलमी 10 प्रो स्मार्टफोन कंपनीनं 2400 x 1080 पिक्सल रिजोल्यूशन असलेल्या 6.72 इंचाच्या फुलएचडी+ डिस्प्लेसह लाँच करण्यात आला आहे. ही पंच-होल स्टाईल स्क्रीन आहे जी ओएलईडी पॅनलवर बनली आहे तसेच 120हर्ट्ज रिफ्रेश रेट आणि 240हर्ट्ज टच सॅम्पलिंग रेटला सपोर्ट करते. फोनची स्क्रीन 680निट्स ब्राइटनेस, 1400:1 कॉन्ट्रास्ट रेशियो, 16.7एम कलर आणि 391पीपीआय सारख्या फीचर्सना सपोर्ट करते. हे देखील वाचा:
Realme 10 Pro अँड्रॉइड 12 ओएसवर आधारित रियलमी वनयुआय 4 वर चालतो. प्रोसेसिंगसाठी या स्मार्टफोनमध्ये 2.2गीगाहर्ट्ज क्लॉक स्पीड असलेल्या ऑक्टा-कोर प्रोसेसरसह 6एनएम फॅब्रिकेशनवर बनलेला क्वॉलकॉम स्नॅपड्रॅगन 695 चिपसेट देण्यात आला आहे. हा स्मार्टफोन 8जीबी वचुर्अल रॅम टेक्नॉलॉजीसह येतो जो रॅम बूस्ट फिचरच्या मदतीनं 20जीबी रॅमची हेव्ही प्रोसेसिंग देतो.
फोटोग्राफीसाठी रियलमी 10 प्रो ड्युअल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह एफ/1.75 अपर्चर असलेला 108 मेगापिक्सलचा प्रायमरी सेन्सर देण्यात आला आहे जोडीला एफ/2.4 अपर्चर असलेली 2 मेगापिक्सलची पोर्टरेट लेन्स आहे. तसेच सेल्फी आणि व्हिडीओ कॉलिंगसाठी हा नवीन रियलमी मोबाइल फोन एफ/2.45 अपर्चर असलेल्या 16 मेगापिक्सलच्या फ्रंट कॅमेऱ्याला सपोर्ट करतो. या फोनमध्ये 5000mAh ची बॅटरी देण्यात आली आहे जी 33W फास्ट चार्जिंगला सपोर्ट करते. हे देखील वाचा: जबरदस्त बातमी! भारतातील सर्वात स्वस्त 5G मोबाईल येतोय; Jio Phone 5G वेबसाइटवर लिस्ट
Realme 10 Pro Price
Realme 10 Pro स्मार्टफोन भारतात दोन व्हेरिएंटमध्ये सादर करण्यात आला आहे. या फोनच्या बेस व्हेरिएंटमध्ये 6GB रॅमसह 128GB स्टोरेज देण्यात आली आहे. तर मोठ्या व्हेरिएंटमध्ये 8GB रॅमसह 128GB इंटरनल स्टोरेज मिळते. बेस व्हेरिएंटची किंमत 18,990 रुपये आहे तर मोठा व्हेरिएंट 19,999 रुपयांमध्ये खरेदी करता येईल. Realme 10 Pro स्मार्टफोन 16 डिसेंबरपासून Dark Matter, Nebula Blue आणि Hyperspace Gold कलरमध्ये विकत घेता येईल.