गेले काही महिन्यांमध्ये इंडियन स्मार्टफोन इंडस्ट्रीमध्ये चढ-उतार पाहायला मिळाले आहेत. Xiaomi, Redmi, Realme, Samsung, OPPO, Vivo, Infinix आणि Tecno सारख्या अनेक मोबाईल ब्रँड्सनी आपल्या स्मार्टफोन्सच्या किंमती वाढवल्या आहेत. फक्त जुन्या मॉडेल्सच्या किंमती वाढल्या नाहीत तर नवीन हँडसेट देखील जास्त किंमतीत सादर करण्यात आले आहेत. आता मोबाईल मार्केट संबंधित अजून एक वाईट बातमी समोर आली आहे, त्यानुसार येत्या काही दिवसांमध्ये स्मार्टफोन्सच्या किंमतीत आणखी वाढ होऊ शकते.
Smartphones महागणार
अनेक मोबाईल ब्रँड्सनी गेल्या काही महिन्यांमध्ये आपल्या स्मार्टफोन्सच्या किंमती वाढवल्या आहेत. अनेक स्मार्टफोन मॉडेल्सची प्राईस एकदा नव्हे तर दोन किंवा तीन वेळा वाढवण्यात आली आहे. लो बजेट स्मार्टफोन जे 6,000 किंवा 7,000 रुपयांच्या बजेटमध्ये लाँच झाले होते, आता 8,000 रुपयांपेक्षा जास्त किंमतीत उपलब्ध झाले आहेत. तसेच ज्या प्राईस रेंजमध्ये 3GB RAM व 4GB RAM असलेले फोन मिळत होते, त्यात आता 2GB RAM Smartphones वर भागवावे लागत आहे.
स्वस्त स्मार्टफोन महाग झाले आहेत आणि ही महागाई थांबण्याचं नाव काढत नाही. जर तुम्ही नजीकच्या भविष्यात स्वस्त आणि मस्त स्मार्टफोन विकत घेण्याचा विचार करत असाल, तर तो सोडून द्या. साल 2019 नंतरपासून स्मार्टफोन्सच्या प्राईसेस वाढण्यास सुरुवात झाली आहे आणि ही दरवाढ पुढील वर्षी 2023 मध्ये देखील अशीच राहणार आहे. येत्या काही दिवसांत स्मार्टफोन्स अजून महागणार आहेत. नवीन स्मार्टफोन देखील जास्त किंमतीत लाँच होतील तसेच जुन्या मोबाईल फोन्सची प्राईस देखील येत्या काही महिन्यांमध्ये वाढवली जाऊ शकते. हे देखील वाचा: काय रॅम, काय बॅटरी, काय फीचर्स… सगळं दमदार; 18GB रॅम आणि 6000mAh बॅटरीसह Asus चे फोन लाँच
महागाईचे कारण?
स्मार्टफोनच्या वाढत्या किंमतींमागे मोठे कारण त्यात वापरण्यात येणारी चिप आहे. TSMC (Taiwan Semiconductor Company) नं आपल्या नवीन रिपोर्टमध्ये दावा केला आहे की, Global Chip Shortage ची समस्या अजून संपली नाही तसेच ही समस्या अजून एक वर्ष म्हणजे 2023 पर्यंत कायम असेल. चिपसेटच्या तुटवड्याचा परिणाम स्मार्टफोन्सच्या प्रोडक्शन तसेच किंमतींवर आधी देखील दिसला आहे. तसेच आता या चिप बनवणाऱ्या कंपन्या आपल्या कंपोनेंट्स तसेच चिपसेटचे भाव वाढवणार आहेत. म्हणजे चिप महागल्यावर स्मार्टफोन्सच्या किंमती देखील वाढतील.
तैवान सेमीकंडक्टर निर्माण करणारी कंपनी म्हणजे TSMC बद्दल बातमी आली आहे की, गेल्या काही महिन्यांमध्ये ग्लोबल चिप शॉर्टेज असताना देखील या कंपनीनं कमी नफ्यासह त्याच किंमतीत चिपचा पुरवठा केला. परंतु नफा मोठ्या प्रमाणावर कमी झाल्यामुळे लवकरच कंपनी आपल्या चिपसेट तसेच संबंधित कंपोनेंट्सची किंमत वाढवणार आहे. त्यामुळे स्मार्टफोन मॅन्युफॅक्चरर कंपन्यांना या चिपसाठी जास्त पैसे मोजावे लागतील. हे देखील वाचा: शाओमी-सॅमसंगच्या अडचणीत वाढ! दमदार OPPO Reno8 सीरीजच्या भारतीय लाँचची तारीख ठरली
ग्राहकांचा बळी जाणार
प्राईस वाढवण्याची ही प्रक्रिया एक वर्तुळ पूर्ण करेल. चिपसेट बनवणारी कंपनी आपल्या चिप-कंपोनेंट्सची प्राईस वाढवेल आणि स्मार्टफोन कंपन्यांना महागड्या किंमतीत विकेल. महागडे चिपसेट विकत घेणाऱ्या स्मार्टफोन ब्रँड्सच्या मोबाईल फोनच्या प्रोडक्शनचा खर्च वाढेल आणि या प्रोडक्ट्सची सेलिंग प्राईस वाढवण्यात येईल आणि स्मार्टफोन्स महाग होतील. अखेरीस मोबाईल युजर्सनाच नवीन मोबाईल फोन विकत घेण्यासाठी जास्त पैसे द्यावे लागतील.