बदलत्या काळात आणि ट्रेंडसह चालताना काहीजण आपल्या कमाईचा काही भाग फक्त इंटरनेट कनेक्शनद्वारे असे लोकांना देतात ज्यांच्यबद्दल त्यांना माहित नसते. पैसे देऊन सामान्य माणूस आपला हक्क मिळण्याची वाट बघत असतो परंतु ना त्याचे सामान मिळते ना त्याचे पैसे. अशीच फसवणूक झाली आहे हरियाणा मधील हिसार जिल्ह्यातील प्रवीण कुमार सोबत.

Xiaomi Redmi 7 विकत घेणे पडले महाग

प्रवीण कुमार याने Xiaomi चा लो बजेट स्मार्टफोन Redmi 7 अमेझॉन वरून विकत घेतला होता. Xiaomi Redmi 7 च्या सेल मध्ये प्रवीणने प्रीपेड पेमेंट करून अमेझॉन वर फोन ऑर्डर केला होता. फोन विकत घेताना प्रवीणने 5,399 रुपये दिले होते. पेमेंट झाल्यावर अमेझॉन कडून ऑर्डर यशस्वी झाल्याचा मेसेज आला आणि डिलीवरीची तारीख सांगण्यात आली. प्रवीण कुमारने Xiaomi Redmi 7 चा 32जीबी स्टोरेज वेरिएंट 3 ऑक्टोबरला ऑर्डर केला होता जो 9 ऑक्टोबरला डिलीवरी होणार होता.

एक दिवस आधीच आला ‘Phone Delivered’ चा मेसेज

नवीन Xiaomi Redmi 7 फोन 9 ऑक्टोबरला डिलीवर होणार होता, पण एक दिवस आधीच म्हणजे 8 ऑक्टोबरला प्रवीणला ईमेल आला कि, ‘तुमचा फोन यशस्वीरीत्या डिलीवर झाला आहे.’ हा मेसेज पाहून प्रवीणला धक्का बसला आणि त्याने अमेझॉन इंडियाच्या कस्टमर केयर नंबर वर कॉल केला. अमेझॉनने सांगितले कि, ‘हा मेल चुकून पाठवला गेला आहे. प्रतीक्षा करा, तुमचा फोन 10 ऑक्टोबरला डिलीवर केला जाईल.’

1 of 3

मेल चुकून सेंड झालेला सांगून अमेझॉनने दोन दिवसानंतर फोन डिलीवर करणार असल्याचे सांगितले. पण जेव्हा सांगितलेल्या तारखेला पण Xiaomi Redmi 7 फोन आला नाही तेव्हा ग्राहकाने पुन्हा अमेझॉनला फोन केला आणि तेव्हा ते म्हणाले कि, ’14 ऑक्टोबर पर्यंत प्रतीक्षा करा, आम्ही प्रकरणाची चौकशी करू.’ पण 14 ऑक्टोबरला अमेझॉनने काबुल केले कि प्रवीणचा फोन ‘हरवला’ आहे तसेच कंपनी 18 ऑक्टोबर पर्यंत त्याचे पैसे परत देईल.

मिळाली फक्त तारीख पे तारीख

फोन ऑर्डर केल्यानंतर दोन आठवडे होऊनही जेव्हा 18 ऑक्टोबरला पैसे परत मिळाले नाहीत तेव्हा प्रवीणने अमेझॉनला पुन्हा फोन लावला. यावेळी त्याला सांगण्यात आले कि, ‘तुम्हाला चुकीची माहिती देण्यात आली आहे, तुमचे पैसे 23 ऑक्टोबर पर्यंत तुमच्या अकाउंट मध्ये क्रेडिट होतील.’ पैशांची वाट बघण्यात 23 ऑक्टोबरचा दिवस गेला आणि मग प्रवीणने 24 ऑक्टोबरला पुन्हा अमेझॉनला कॉल केला. पण यावेळी अमेझॉनचे उत्तर होते कि, ‘तुमचा फोन 8 ऑक्टोबरलाच डिलीवर केला गेला आहे.’

अमेझॉनने प्रवीण कुमारला उद्धटपणे उत्तर दिले कि तुमचा फोन आम्ही डिलीवर केला आहे आणि आमच्याकडे डिलीवर डिटेल्स सोबतच तुमची सही पण आहे. प्रवीणला पहिला झटका या गोष्टीचा लागला कि त्याचे पैसे पाण्यात गेले आहेत, तर दुसरा झटका फोन न मिळता अमेझॉनकडे त्याची सही जाण्याचा लागला. तसेच जेव्हा अमेझॉनला सही दाखवण्यास सांगण्यात आले तेच कंपनीला स्पष्ट नकार दिला.

Xiaomi भारतातील सर्वात मोठा स्मार्टफोन ब्रांड आहे आणि Amazon इंडियन ई-कॉमर्स क्षेत्रातील मोठी कंपनी. Xiaomi स्मार्टफोन डिलीवरीच्या नावावर कंपनीच्या नाकाखाली रॅकेट चालू आहे, याची माहिती क्वचितच स्वतः Xiaomi ला असेल. पण Amazon ने असे प्रकरण गांभीर्याने न घेणे कंपनीप्रति नकरात्मक विचार करण्यास भाग पाडते तसेच ऑनलाइन शॉपिंगच्या नावाखाली होत असलेल्या अश्या फसवणुकीमुळे सामान्यांच्या खिश्याला कात्री लागते. Xiaomi Redmi 7 ऑर्डर करणाऱ्या प्रवीण कुमारने Amazon द्वारा करण्यात आलेल्या या फसवणुकीच्या विरोधात ग्राहक न्यायालयात केस दाखल केली आहे.

प्रथमदर्शनी हे प्रकरण स्थानिक गडबडीचे वाटते. पण तरीही या प्रकरणी अमेझॉनच्या उत्तराची वाट बघितली जात आहे, जे मिळताच दुसरी बाजू पण अपडेट केली जाईल.

The post ऑनलाइन फसवणुकीची अजून एक शिकार, अमेझॉनवरून मागवला होता Xiaomi Redmi 7, फोन न मिळताच दाखवला Delivered first appeared on 91Mobiles Marathi.

हि घटना केरळ मधील कन्नूर शहरातील आहे, जिथे शॉपिंग साइट वरून कॅमेरा मागवल्यावर ग्राहकाला बॉक्स मध्ये विटा डिलीवर करण्यात आल्या आहेत. या घटनेची बातमी मलयालम मनोरमा वेबसाइट वर प्रसिद्ध झाली आहे. या वेबसाइटच्या रिपोर्टनुसार हि घटना कन्नूर मधील विष्णु सुरेश नावाच्या व्यक्तीसोबत घडली आहे. रिपोर्ट नुसार विष्णु सुरेश याला स्वतःसाठी एक कॅमेरा हवा होता आणि या तरुणाने हा कॅमेरा ऑनलाइन शॉपिंग साइट Flipkart वरून विकत घेण्याचे ठरवले.

विष्णुने 20 नोव्हेंबरला शॉपिंग साइट फ्लिपकार्ट वर एक कॅमेरा निवडला आणि तो ऑर्डर केला. या कॅमेऱ्याची किंमत 27,500 रुपये सांगण्यात आली आहे. 20 नोव्हेंबरला ऑर्डर केल्यानंतर 4 दिवसांनी 24 नोव्हेंबरला विष्णु सुरेशच्या पत्त्यावर कॅमेरा डिलीवर केला गेला. रिपोर्टनुसार हि डिलीवरी Flipkart च्या पार्टनर कंपनी Ekart Logistics ने केली होती. कॅमेरा डिलीवर झाल्यानंतर जेव्हा उत्सहाने विष्णु सुरेशने बॉक्स उघडला तर त्याला धक्का बसला.

विष्णु सुरेशने जेव्हा कॅमेऱ्याचा बॉक्स उघडला तेव्हा त्यात कॅमेरा नाही तर कॅमेऱ्याच्या ऐवजी विटा व टाईल्स ठेवल्या होत्या. या बॉक्स मध्ये विटांसह कॅमेऱ्याचा मॅनुअल बुक आणि वारंटी कार्ड पण होते. 27,500 रुपये दिल्यानंतर कॅमेऱ्याच्या जागी बॉक्स मध्ये विटा बघून विष्णु हैराण झाला आणि घाईत त्याने Flipkart ला कळवले. समोर आलेल्या रिपोर्ट मध्ये सांगण्यात आले आहे कि Flipkart ने विष्णु सुरेशला एका आठवड्यात नवीन कॅमेरा देण्याचा शब्द दिला आहे.

कॅमेऱ्याच्या बॉक्स मध्ये विटांसह मॅनुअल बुक आणि वारंटी कार्ड बघून अंदाज लावला जात आहे कि कदाचित हा गुन्हा डिलीवरी बॉयने केला असेल आणि कॅमेरा ग्राहकांपर्यंत पोचवण्याआधी बॉक्स उघडून त्यातील कॅमेरा काढला असेल. गुन्हा कोणी केला आहे हे अजून समोर आले नाही, पण Flipkart वर झालेल्या या शॉपिंगमुळे ईकॉमर्स साइट सह ऑनलाइन शॉपिंग वर पण प्रश्नचिन्ह उभे केले आहे.

The post केरळ मधील व्यक्तीने Flipkart वरून मागवला होता 27,500 रुपयांचा कॅमेरा, बॉक्स मधून निघाली विट first appeared on 91Mobiles Marathi.

यासाठी कंपनीने वॉर्निंग मध्ये लिहिले आहे कि जर तुम्हाला Paytm KYC करण्यासाठी एखादा एसएमएस किंवा कॉल आला असेल आणि एखादा ऍप डाउनलोड करण्यास सांगितले गेले असेल तर त्यावर विश्वास ठेऊ नये. तुमची माहिती मिळवण्यासाठी तुमची केलेली हि फसवणूक आहे. गेल्या काही महिन्यांपासून फसवणुकीची हि पद्धत वापरली जात आहे.

येत आहे असा फ्रॉड मेसेज

Paytm KYC साठी वेगवेगळ्या पद्धतीने फ्रॉड मेसेज केले जात आहेत. यातील काहींमध्ये लिहिलेले असते कि जर तुम्ही तुमची KYC केली नाही तर तुम्ही पेटीएम अकाउंट वापरू शकणार नाही. इतकेच नव्हे तर फ्रॉड मेसेज मध्ये असे पण लिहिलेले असते कि KYC पूर्ण होईपर्यंत तुमच्या पेटीएम अकाउंट वरून काही पैसे होल्ड वर राहतील.

Pls don’t trust any SMS send of blocking your Paytm account or suggestion to do a KYC.
These are fraudsters attempting on your account. Pls RT. pic.twitter.com/vHKBFmo3nc

— Vijay Shekhar (@vijayshekhar) November 19, 2019

इथे करा KYC

पेटीएम KYC फक्त अधिकृत KYC पॉइंट्स वर जाऊन किंवा पेटीएम प्रतिनिधीला घरी बोलवून पूर्ण केली जाते. तर सर्वात महत्वाची बाब म्हणजे KYC साठी कोणत्याप्रकारचे शुल्क घेतले जात नाही आणि जर शुल्क घेतले गेल्यास तुम्ही पेटीएम कस्टमर केयर वर कॉल करून याची तक्रार करू शकता. विशेष म्हणजे कोणत्याही अधिकृत KYC प्रतिनिधीला समोरासमोर भेटल्याविना पेटीएम KYC करू नये आणि सर्वात महत्वाचे म्हणजे पेटीएम यासाठी कॉल करत नाही किंवा कोणतेही ऍप डाउनलोड करावे लागत नाही.

फसवणूक टाळण्याचे उपाय

पेटीएम चा कर्मचारी यूजर कडून ओटीपी, पिन, पासवर्ड, पासवर्ड रीसेट लिंक, डेबिट/क्रेडिट कार्ड सीवीवी, पिन किंवा बॅंक डीटेल्स मागू शकत नाही. त्यामुळे पर्सनल डीटेल्स कोणाला देऊ नये.

The post सावधान: पेटीएम वर KYC बद्दल होत फसवणूक, रहा सावध first appeared on 91Mobiles Marathi.