WhatsApp सध्याच्या आयुष्यातील भारतीय मोबाईल युजर्सचा एक साथी बनला आहे. फक्त तरुण नाही तर वृद्ध, लहान मुले व गृहिणी पण मोठ्या आवडीने व्हाट्सअॅप वापरतात. व्हाट्सअॅपवर ग्रुप्स पण बनवतात ज्यात ऑफिस, कौटुंबिक व मित्रांच्या ग्रुप्सचा समावेश असतो. काही दिवसांपूर्वी असाच WhatsApp Group संबंधित प्रकरण समोर आले होते ज्यात ग्रुप मेंबरद्वारे टाकण्यात आलेल्या आक्षेपार्ह पोस्टवर ग्रुप अॅडमिन विरोधात केस नोंदवण्यात आली होती. आता बॉम्बे हायकोर्टाने विधान केले आहे कि व्हाट्सअॅप ग्रुपमध्ये कोणत्याही मेंबरच्या चुकीच्या पोस्टला ग्रुप अॅडमिन म्हणजे ग्रुप बनवणारी व्यक्ती जबाबदार नसेल. (Whatsapp group admin is not responsible for objectionable porn nude posts of member Bombay High Court)
ग्रुप अॅडमिन नसेल चुकीच्या पोस्टला जबाबदार
व्हाट्सअॅपवर जो व्यक्ती ग्रुपची निर्मिती करतो किंवा सांभाळतो त्याला ग्रुप अॅडमिन म्हणतात. ग्रुप अॅडमिनकडे लोकांना ग्रुपमध्ये जोडणे आणि काढण्याचे अधिकार असतात. या व्हाट्सअॅप ग्रुप्समध्ये मेंबर्सद्वारे जे काही पण पोस्ट केले जाते त्याला जबाबदार फक्त ती पोस्ट करणारी व्यक्तीच असेल. म्हणजे ग्रुपमध्ये कोणताही वाईट फोटो किंवा व्हिडीओ पण येतो तेव्हा त्या फोटो-व्हिडीओची जबाबदारी ग्रुपच्या अॅडमिनची नसून तो फोटो पाठवणाऱ्या व्यक्तीची असेल. एक प्रकरणाची सुनावणी करताना बॉम्बे हायकोर्टाच्या नागपुर खंडपीठाने असे विधान केले आहे.
कोर्टाची शिफारस
व्हाट्सअॅप ग्रुप अॅडमिन्सना दिलासा देणारी हि बातमी बॉम्बे हायकोर्टाकडून आली आहे. कोर्टाचे म्हणणे आहे कि जेव्हा कोणी व्हाट्सअॅपवर ग्रुप बनवतो तेव्हा पोस्ट टाकण्याचे अधिकार सर्व मेंबर्सकडे असतात. अॅडमिनकडे काही वेगळे अधिकार असतात, ज्यामुळे ते कोणत्याही कॉन्टेक्टला ग्रुपमध्ये अॅड किंवा रिमूव करू शकतात. पण WhatsApp Group अॅडमिनकडे मेंबर्सचा कंटेंट नियमित, मॉडरेट किंवा सेंसर करण्याची कोणतीही ताकद नसते.
हे देखील वाचा : iPhone 13 Pro आणि iPhone 13 Pro Max मध्ये दिला जाऊ शकतो 120Hz रिफ्रेश रेट डिस्प्ले
असे आहे प्रकरण
ज्या प्रकरणाची सुनावणी करताना हायकोर्टाने हे विधान केले आहे ती जुलै 2016 ची केस आहे. याबाबत 33 वर्षीय व्हाट्सअॅप अॅडमिन विरोधात तक्रार दाखल करण्यात आली होती, जी कोर्टाने फेटाळली आहे. या केसमध्ये एका ग्रुप मेंबरने त्या ग्रुपच्या एका महिला सदस्याविरोधात चुकीची पोस्ट टाकली होती. त्यानंतर ग्रुप मेंबरसह त्या ग्रुपच्या अॅडमिन विरोधात पण केस दाखल करण्यात आली होती. पण आता कोर्टाने स्पष्ट केले आहे कि व्हाट्सअॅप ग्रुपमध्ये कोणत्याही मेंबरच्या चुकीच्या पोस्टला ग्रुप अॅडमिन जबाबदार नसेल आणि जर एखादा मेंबर चुकीची पोस्ट टाकत असेल तर त्यासाठी ग्रुप बनवणारा जबाबदार असणार नाही.