Xiaomi 13 सीरिज 26 फेब्रुवारीला भारतात लाँच होणार आहे. या दिवशी ही सीरिज ग्लोबल मार्केटमध्ये देखील येतील. चीनमध्ये सेलसाठी उपलब्ध असलेल्या या सीरिजचे स्पेसिफिकेशन्स जगजाहीर आहेत. परंतु आज एका नवीन लीकमधून या दोन्ही शाओमी फोन्सच्या किंमतीचा खुलासा देखील झाला आहे. शाओमी 13 आणि 13 प्रो युरोपियन रिटेलर वेबसाइटवर मेमरी व्हेरिएंट व प्राइससह लिस्ट झाले आहेत, ज्याची माहिती पुढे देण्यात आली आहे.
Xiaomi 13 आणि Xiaomi 13 Pro ची किंमत
Xiaomi 13 चा 8 जीबी रॅम + 256 जीबी स्टोरेज व्हेरिएंट वेबसाइटवर लिस्ट करण्यात आला आहे ज्याची प्राइस €999.90 यूरो असू शकते. ही किंमत भारतीय चलनानुसार 88,000 रुपयांच्या आसपास आहे.
Xiaomi 13 Pro चा 12 जीबी रॅम + 256 जीबी स्टोरेज व्हेरिएंट वेबसाइटवर आला आहे ज्याची किंमत €1,299.90 यूरो असू शकते. ही किंमत 1,14,500 भारतीय रुपयांमध्ये रूपांतरित होते. हे देखील वाचा: अत्यंत कमी किंमतीत आली 120km ची रेंज असलेली स्वस्त ई-स्कूटर; दिसतेही झक्कास
शाओमी 13 आणि 13 प्रो स्मार्टफोन युरोपच्या सायबर रिपोर्ट नावाच्या रिटेलस वेबसाइटवर लिस्ट झाले होते. या लिस्टिंगमधून दोन्ही स्मार्टफोन्सच्या मेमरी व्हेरिएंट व कलर मॉडेलची माहिती किंमतीसह मिळाली आहे. थोड्यावेळाने ही लिस्टिंग हटवण्यात आली परंतु दरम्यान फोन्सच्या ग्लोबल किंमतीचा खुलासा झाला. या लिस्टिंगमध्ये दोन्ही स्मार्टफोन black आणि white कलरमध्ये दिसले होते.
चीनमधील Xiaomi 13 Pro चे स्पेसिफिकेशन्स
- 6.73″ QHD+ AMOLED
- 12GB RAM + 512GB Storage
- 50MP+50MP+50MP Rear Camera
- Qualcomm Snapdragon 8 Gen 2
- 120W Fast Charging
- 50W Wireless Charging
Xiaomi 13 Pro स्मार्टफोनमध्ये 6.73-इंचाचा 2K ओएलईडी डिस्प्ले आहे, जो 3200×1440 पिक्सल रिजोल्यूशन, 120Hz रिफ्रेश रेट, HDR10+ आणि 1900 नीट्स पीक ब्राइटनेससह आला आहे. या फोनमध्ये क्वॉलकॉमच्या सर्वात शक्तिशाली Snapdragon 8 Gen 2 चिपसेटची ताकद दिली आहे आणि जोडीला Adreno GPU आहे. शाओमीच्या नव्या फ्लॅगशिपमध्ये 12GB पर्यंत RAM आणि 512GB पर्यंतची स्टोरेज मिळते. हा Android 13 आधारित MIUI 14 वर चालतो.
Xiaomi 13 Pro मध्ये थोडीसी मोठी 4,820mAh ची बॅटरी मिळते, जी 120W फास्ट चार्जिंग आणि 50W वायरलेस चार्जिंगला सपोर्ट करते. कनेक्टिव्हिटी फीचर्समध्ये 5G, 4G LTE, Wi-Fi 6, Bluetooth 5.3, GPS, NFC आणि USB Type-C चा समावेश आहे. फोनमध्ये इन-डिस्प्ले फिंगरप्रिंट सेन्सरची सुरक्षा, हाय-रेज ऑडिओ, X-axis linear motor आणि फोन गरम होऊ नये म्हणून व्हेपर चेंबर मिळतो. हे देखील वाचा: PAN कार्डवरचा फोटो चांगला नाही? अशाप्रकारे घरबसल्या बदला फोटो आणि सही
फोटोग्राफीसाठी Xiaomi 13 Pro मध्ये Leica ब्रॅंडिंगसह ट्रिपल कॅमेरा सेटअप देण्यात आला आहे. यात 50MP चा मुख्य कॅमेरा आहे जो मोबाइल कॅमेरा सेन्सरमधील सर्वात मोठा एक इंचाचा Sony IMX989 सेन्सर आहे. जोडीला 50MP चा अल्ट्रा वाइड अँगल लेन्स आणि 50MP ची टेलीफोटो लेन्स आहे. सेल्फी आणि व्हिडीओ कॉलिंगसाठी या स्मार्टफोनमध्ये 32MP चा फ्रंट कॅमेरा आहे.