2018 आता संपायला आला आहे आणि नवीन वर्ष येणार आहे. 2018 टेक्नॉलॉजी क्षेत्रासाठी खूप खास होता. स्मार्टफोन व गॅजेट्स सोबतच इंटरनेट ने पण 2018 ला नवीन विक्रम केले आहेत. इंटरनेट मुळे यूट्यूब, व्हाट्सऍप व फेसबुक सारख्या प्लॅटफॉर्म वर अनेक लोक सेलीब्रेटी झाले तसेच असे अनेक वीडियोज वायरल झाले ज्यांनी लोकांवर आपली छाप सोडली आहे. यूट्यूब वरील चॅनेल्सची अशीच एक लिस्ट अमेरिकन बिजनेस मॅगजीन फोर्ब्स ने सादर केली आहे ज्यात साल 2018 मध्ये सर्वात जास्त कमाई करणाऱ्या टॉप 10 यूट्यूबर्सचा समावेश करण्यात आला आहे. तुम्हाला एकूण हैराणी होईल की लिस्ट मध्ये सर्वात पहिले नाव एका 7 वर्षाच्या मुलाचे आहे.
फोर्ब्स ने टॉप 10 यूट्यूबर्स आॅफ 2018 ची लिस्ट जारी केली आहे. या लिस्ट मध्ये त्या यूट्यूबर्सची नावे आहेत ज्यांनी आपल्या चॅनेलच्या माध्यमातून सर्वात जास्त पैसे कमावले आहेत. या लिस्ट मध्ये सर्वात पहिले नाव एका 7 वर्षाच्या मुलाचे आहे. या मुलाचे नाव रेयान आहे आणि त्याच्या यूट्यूब चॅनेलचे नाव ‘रेयान टॉय रिव्यू’ आहे. यूट्यूब वरून होणारी या मुलाची वार्षीक कमाई ऐकून तुम्हाला धक्का बसेल. कारण यूट्यूब मधून या मुलाची होणारी कमाई 1,54,84,00,000 रुपये आहे, म्हणजे जवळपास 155 कोटी रुपये. आणि हि कमाई फक्त एका वर्षाची म्हणजे साल 2018 ची आहे.
रेयान आपल्या यूट्यूब चॅनेल वर खेळण्यांचे रिव्यू करतो आणि फक्त एका वर्षात या 7 वर्षाच्या मुलाने 155 कोटी रुपये कमवले आहेत. विशेष म्हणजे टॉप 10 यूट्यूबर्सच्या लिस्ट मध्ये रेयान चे नाव गेल्या वर्षी 8व्या क्रमांकावर होते. फोर्ब्सच्या या टॉप 10 कमाई वाल्या यूट्यूबर्सच्या लिस्ट मधील 10व्या नंबर वरील यूट्यूबरची कमाई 102 कोटी आहे. तर सर्व 10 यूट्यूबर्सची ऐकूण कमाई पाहता, या 10 लोकांनी वर्षभरात यूट्यूब वरून 1 हजार 270 कोटी रुपये कमावले आहेत.
या 10 यूट्यूबर्सची 1,270 कोटी रुपयांची एकूण कमाई गेल्या वर्षी पेक्षा 42 टक्क्यांनी वाढली आहे. टॉप 10 च्या लिस्ट मध्ये जॅक पॉल, डूड परफेक्ट, डॅनटीडीएम, जॅफरी स्टार, मार्किपलायर, वानोस गेमिंग, जेकसॅपटिकआई, प्यूडीपाई आणि लोगन पॉल यांचा समावेश आहे. सर्वात जास्त यूट्यूब सब्सक्राइबर्स असणाऱ्या चॅनल्स बद्दल बोलायचे झाल्यास यात पहिले नाव प्यूडीपाई चे आहे ज्याचे 73,587,229 सब्सक्राइबर्स आहेत. तसेच अभिमानास्पद गोष्ट म्हणजे भारतीय कंपनी टी-सीरीज जगातील दुसरी सर्वात जास्त यूट्यूब सब्सक्राइबर्स मिळवणारी कंपनी आहे. टी-सीरीज ने यावर्षी 73,452,416 सब्सक्राइबर्सचा आंकडा पार केला आहे, जी पहिल्या क्रमांकाच्या खूप जवळ आहे.