ప్రముఖ స్మార్ట్ఫోన్ బ్రాండ్ Vivo నేడు గ్లోబల్ గా Vivo V30 డివైజ్ ని లాంచ్ చేసింది. చూడటానికి ఈ ఫోన్ గత డిసెంబర్ లో చైనాలో లాంచైన Vivo S18 మాదిరి ఉంది. Vivo V30 డివైజ్ త్వరలోనే భారత్, ఇండోనేషియా, హాంగ్ కాంగ్, మలేషియా, సింగపూర్, థాయిలాండ్ మరియు యూఏఈ దేశాల్లో విడుదల కానుంది. Vivo V30 డివైజ్ 6.78-ఇంచ్ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, 50ఎంపి ఆటోఫోకస్ ఫ్రంట్ కెమెరా, 5000 ఎంఏహెచ్ బ్యాటరీ వంటి స్పెసిఫికేషన్స్ తో వచ్చింది.
Vivo V30 లభ్యత, ధర
- Vivo V30 స్మార్ట్ఫోన్ భారత్, థాయిలాండ్, ఇండోనేషియా, మలేషియా, హాంగ్ కాంగ్, సింగపూర్, పాకిస్తాన్, ఈజిప్ట్ మరియు యూఏఈ లతో కలిపి మొత్తం 30 మార్కెట్స్ లో విడుదలవుతుందని కంపెనీ తెలిపింది.
- మరోవైపు, మెక్సికో లో ఫిబ్రవరి 8న లాంచ్ అవుతుందని కంపెనీ కన్ఫర్మ్ చేసింది.
- అయితే, Vivo V30 ధరను కంపెనీ వెల్లడించలేదు. త్వరలోనే ప్రకటన వచ్చే అవకాశం ఉంది.
Vivo V30 5G స్పెసిఫికేషన్స్
- డిస్ప్లే: Vivo V30 5G లో 6.78-ఇంచ్ ఫుల్ హెచ్డీ అమోలెడ్ స్క్రీన్, 2800*1260 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 100% డీసీఐ-పీ3 కలర్ గేముత్, 2800 నిట్స్ పీక్ బ్రైట్నెస్ ఉంటాయి.
- ప్రాసెసర్: Vivo V30 5G లో క్వాల్కమ్ స్నాప్డ్రాగన్ 7 జెన్ 3 చిప్సెట్ వాడారు. ఇది 4 నానోమీటర్ ప్రాసెస్ పై తయారైంది. గ్రాఫిక్సో కోసం అడ్రెనో 720 జీపీయూ వాడారు.
- ర్యామ్, స్టోరేజీ: Vivo V30 5G డివైజ్ 8జిబి/12జిబి ర్యామ్, 256జిబి యూఎఫ్ఎస్ 3.1 స్టోరేజీని ఆఫర్ చేస్తుంది.
- కెమెరా: Vivo V30 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 50ఎంపి అల్ట్రావైడ్ లెన్స్, 2ఎంపి పొట్రెయిట్ కెమెరా ఉన్నాయి. సెల్పీస్, వీడియో కాల్స్ కోసం ఈ ఫోన్ లో 50ఎంపి ఆటోఫోకస్ డ్యూయల్ సాఫ్ట్ ఎల్ఈడీ ఫ్రంట్ కెమెరా ఉంది.
- బ్యాటరీ: Vivo V30 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: Vivo V30 5G లో 5జీ ఎస్ఏ/ఎన్ఎస్ఏ, డ్యూయల్ 4జీ వొల్టీ, వై-ఫై 6, బ్లూటూత్ 5.4, జీపీఎస్ (ఎల్1+ఎల్5), యూఎస్బీ టైప్-సీ, ఎన్ఎఫ్సీ ఉన్నాయి.
- ఇతర ఫీచర్లు: Vivo V30 5G లో ఇన్-డిస్ప్లే ఫింగర్ ప్రింట్ స్కానర్, యూఎస్బీ టైప్-సీ పోర్ట్, స్టీరియో స్పీకర్స్, హై-రెజ్ ఆడియో, ఐపీ54 డస్ట్ అండ్ వాటర్ రెసిస్టన్స్ సర్టిఫికేషన్ ఉన్నాయి.
