ప్రముఖ స్మార్ట్ఫోన్ బ్రాండ్ Realme 2024 ఆరంభంలో Realme 12 సిరీస్ను లాంచ్ చేసింది. ఈ లైనప్ లో Realme 12 Pro 5G మరియు Realme 12 Pro+ 5G ఫోన్లు భారతీయ మార్కెట్ లో లాంచ్ అయ్యాయి. ఈ సిరీస్ లోని ప్రో మోడల్ 8జిబి ర్యామ్ తో లాంచ్ అయ్యింది. ఇప్పుడు రియల్మీ సంస్థ Realme 12 Pro 5G 12జిబి ర్యామ్ వేరియంట్ ని తీసుకొచ్చింది. కర్వ్డ్ ఫోన్లలో అత్యధిక ర్యామ్ గల ఫోన్ ఇదేనంటూ రియల్మీ కంపెనీ చెబుతోంది. ఓసారి ఫోన్ ధర, స్పెసిఫికేషన్స్ మరియు సేల్ వివరాలు తెలుసుకుందాం పదండి.
Realme 12 Pro 5G ధర
Realme 12 Pro 5G 12జిబి ర్యామ్ + 256జిబి స్టోరేజీ మోడల్ ధర రూ.28,999 గా ఉంది.
Realme 12 Pro 5G 8జిబి ర్యామ్ + 256జిబి స్టోరేజీ వేరియంట్ ధర రూ.26,999 గా ఉంది.
Realme 12 Pro 5G 8జిబి ర్యామ్ + 128జిబి స్టోరేజీ వేరియంట్ ధర రూ.25,999 గా ఉంది.
Realme 12 Pro 5G 12జిబి ర్యామ్ మోడల్ని కంపెనీ రూ.28,999 ధరతో లాంచ్ చేసింది. 256జిబి స్టోరేజీని ఈ ఫోన్ ఆఫర్ చేస్తుంది. ప్రారంభ సేల్ లో భాగంగా 12జిబి వేరియంట్ కొనుగోలుపై రూ.4,000 బ్యాంక్ డిస్కౌంట్ లభిస్తుంది.
దీంతో యూజర్ ఈ ఫోన్ని రూ.24,999 కే సొంతం చేసుకోవచ్చు. హెచ్డీఎఫ్సీ, ఐసీఐసీఐ, యాక్సిస్ మరియు ఎస్బీఐ డెబిట్ కార్డ్స్ పై ఈ ఆఫర్ వర్తిస్తుంది.
మార్చి 15వ తేదీ నుంచి Realme 12 Pro 5G సేల్ ప్రారంభమవుతుంది. రియల్మీ వెబ్సైట్ మరియు ఫ్లిప్కార్ట్ ద్వారా డివైజ్ని కొనుగోలు చేయవచ్చు.
Realme 12 Pro 5G స్పెసిఫికేషన్స్
- డిస్ప్లే: Realme 12 Pro 5G లో 6.7-ఇంచ్ ఓఎల్ఈడీ ప్యానెల్, 2412*1080 పిక్సెల్స్ ఫుల్ హెచ్డీ+ రెజుల్యూషన్, 1.07 బిలియన్ కలర్స్, 100% పీ3 కలర్ గేముత్, 240 హెర్ట్జ్ టచ్ శాంప్లింగ్ రేట్, 800 నిట్స్ మాగ్జిమమ్ బ్రైట్నెస్, 2160 హెర్ట్జ్ పీడబ్ల్యూఎమ్ డిమ్మింగ్ సపోర్ట్ ఉన్నాయి.
- ప్రాసెసర్: Realme 12 Pro 5G లో క్వాల్కమ్ స్నాప్డ్రాగన్ 6 జెన్ 1 చిప్సెట్ వాడారు. ఇది 4 నానోమీటర్ ప్రాసెస్ పై తయారైంది. గ్రాఫిక్స్ కోసం అడ్రెనో జీపీయూ వాడారు.
- ర్యామ్, స్టోరేజీ: Realme 12 Pro 5G డివైజ్ మూడు మెమొరీ వేరియంట్స్ లో లభిస్తుంది. అవి: 8జిబి + 128జిబి, 8జిబి+256జిబి మరియు 12జిబి+256జిబి. డైనమిక్ ర్యామ్ ఫీచర్ తో 8జిబి వరకు ర్యామ్ ని పెంచుకోవచ్చు.
- కెమెరా: Realme 12 Pro 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్882 ప్రైమరీ కెమెరా, 8ఎంపి అల్ట్రావైడ్ లెన్స్, 32ఎంపి సోని ఐఎంఎక్స్709 టెలీఫోటో లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
- బ్యాటరీ: Realme 12 Pro 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 67 వాట్ సూపర్వూక్ చార్జింగ్ కి సపోర్ట్ చేస్తుంది.
- ఓఎస్: Realme 12 Pro 5G డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ 5.0 కస్టమ్ స్కిన్ పై పని చేస్తుంది.
- ఇతర ఫీచర్లు: Realme 12 Pro 5G లో హై-రెజ్ డ్యూయల్ స్పీకర్స్, డాల్బీ అట్మాస్ సపోర్ట్, ఇన్-డిస్ప్లే ఫింగర్ ప్రింట్ స్కానర్, డ్యూయల్ సిమ్ 5జీ, వై-ఫై, బ్లూటూత్ ఉన్నాయి.
- బరువు, మందం: Realme 12 Pro 5G డివైజ్ 190 గ్రాముల బరువు, 8.75 మి.మీ మందం ఉంటుంది.
- కలర్ ఆప్షన్స్: Realme 12 Pro 5G ఫోన్ సబ్మరైన్ బ్లూ, నేవిగేటర్ బీజ్, ఎక్స్ప్లోరర్ రెడ్ కలర్ ఆప్షన్స్ లో లభిస్తుంది.
