ప్రముఖ స్మార్ట్ఫోన్ బ్రాండ్ Motorola నుంచి త్వరలో Moto Edge 50 Fusion అనే స్మార్ట్ఫోన్ భారత్లో లాంచ్ కానుంది. ఇప్పటికే ఈ ఫోన్ గ్లోబల్గా లాంచ్ అయ్యింది. తాజాగా మోటోరోలా ఇండియా సోషల్ మీడియాలో టీజర్ విడుదల చేసింది. దీంతో ఇండియా లాంచ్ ఖరారైంది. ఇంకా లాంచ్ తేదీని ప్రకటించలేదు. ఓసారి టీజర్ వివరాలు తెలుసుకుందాం పదండి.
Moto Edge 50 Fusion ఇండియా లాంచ్ ఖరారు
తన తదుపరి స్మార్ట్ఫోన్ టీజర్ని మోటోరోలా ఇండియా సోషల్ మీడియా ప్లాట్ఫామ్ X పై షేర్ చేసింది.
Step into the spotlight with our latest innovation. Get ready to shine like never before. #UnveilingSoon pic.twitter.com/9fvp6ZfNbR
— Motorola India (@motorolaindia) May 6, 2024
కంపెనీ ఇంకా ఈ ఫోన్ పేరుని రివీల్ చేయలేదు. కానీ, ఈ టీజర్ వీడియోని గమనిస్తే కర్వ్డ్ డిస్ప్లే, డ్యూయల్-రియర్ కెమెరా సెటప్, 50ఎంపి ఓఐఎస్ కెమెరా కనిపిస్తున్నాయి.
టీజర్ వీడియో లోని వివరాలను గమనిస్తే, తదుపరి భారత్ లో లాంచ్ కాబోయే ఫోన్ Moto Edge 50 Fusion అని తెలుస్తోంది.
మోటోరోలా సంస్థ ఇంకా Moto Edge 50 Fusion యొక్క లాంచ్ తేదీని వెల్లడించలేదు. త్వరలోనే లాంచ్ తేదీ ప్రకటన వచ్చే అవకాశం ఉంది.
Moto Edge 50 Fusion స్పెసిఫికేషన్స్ (గ్లోబల్)
స్క్రీన్: Motorola Edge 50 Fusion లో 6.7-ఇంచ్ పీఓఎల్ఈడీ డిస్ప్లే, ఫుల్హెచ్డీ+ రెజుల్యూషన్, 144 హెర్ట్జ్ రిఫ్రెష్ రేట్ ఉన్నాయి.
ప్రాసెసర్: Motorola Edge 50 Fusion లో స్నాప్డ్రాగన్ 7ఎస్ జెన్ 2 చిప్సెట్ ఉంది. లాటిన్ అమెరికా ఎడిషన్ లో స్నాప్డ్రాగన్ 6 జెన్ 1 చిప్సెట్ ఉంది.
కెమెరా: Motorola Edge 50 Fusion లో 50ఎంపి ఎల్వైటీ-700సీ ఓఐఎస్ మెయిన్ కెమెరా, 13ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా ఉంది.
బ్యాటరీ: Motorola Edge 50 Fusion లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 68 వాట్ టర్బోపవర్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Motorola Edge 50 Fusion డివైజ్ ఆండ్రాయిడ్ 14 ఓఎస్ తో లాంచ్ అయ్యింది.
ఇతర ఫీచర్లు: Motorola Edge 50 Fusion లో ఇన్-డిస్ప్లే ఫింగర్ప్రింట్ స్కానర్, ఏఐ ఫీచర్, డ్యూయల్ సిమ్ 5జీ, బ్లూటూత్, వై-ఫై, ఐపీ68 రేటింగ్ ఉన్నాయి.
