ప్రముఖ స్మార్ట్ఫోన్ బ్రాండ్ Realme తాజాగా తమ హోమ్ మార్కెట్ చైనాలో Realme GT 6 ను లాంచ్ చేసింది. ఇప్పటికే ఈ ఫోన్ భారత్ తో పాటు గ్లోబల్ మార్కెట్స్ లో లాంచ్ అయ్యింది. ఇప్పుడు చైనాలో శక్తివంతమైన ఫీచర్లతో లాంచ్ అయ్యింది. ఈ ఫోన్ లో క్వాల్కమ్ స్నాప్డ్రాగన్ 8 జెన్ 3 చిప్సెట్, 16జిబి ర్యామ్, 5,800 ఎంఏహెచ్ బ్యాటరీ, 120 వాట్ ఫాస్ట్ చార్జింగ్ సపోర్ట్ వంటి స్పెసిఫికేషన్స్ ఉన్నాయి. ఓసారి ఈ ఫోన్ యొక్క పూర్తి స్పెసిఫికేషన్స్ మరియు ధర తదితర వివరాలు తెలుసుకుందాం.
Realme GT 6 ధర
Realme GT 6 స్మార్ట్ఫోన్ నాలుగు మెమొరీ వేరియంట్స్ లో లాంచ్ అయ్యింది. వాటి ధరలు ఎలా ఉన్నాయో తెలుసుకుందాం.
Realme GT 6 12జిబి ర్యామ్ + 256జిబి స్టోరేజీ మోడల్ ధరను 2,799 యువాన్లు (సుమారు రూ.32,000) గా పెట్టారు.
Realme GT 6 16జిబి ర్యామ్ + 256జిబి స్టోరేజీ వేరియంట్ ధరను 3,099 యువాన్లు (సుమారు రూ.35,570) గా నిర్ణయించారు.
Realme GT 6 యొక్క 16జిబి ర్యామ్ + 512జిబి స్టోరేజీ మోడల్ ధర 3,399 యువాన్లు (సుమారు రూ.39,000) గా ఉంది.
16జిబి ర్యామ్ + 1టిబి స్టోరేజీ వేరియంట్ ధర 3,899 యువాన్లు (సుమారు రూ.44,700) గా ఉంది.
Realme GT 6 స్పెసిఫికేషన్స్ (చైనా)
డిస్ప్లే: Realme GT 6 లో 6.78-ఇంచ్ 8టీ ఎల్టీపీవో అమోలెడ్ స్క్రీన్, 2780*1264 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 6000 నిట్స్ బ్రైట్నెస్, 100% డీసీఐ-పీ3 కలర్ గ్యామట్, 3+1 ప్లస్ లో-ఫ్రీక్వెన్సీ ఫ్లికర్ డీసీ డిమ్మింగ్, 2160 హెర్ట్జ్ హై-ఫ్రీక్వెన్సీ పీడబ్ల్యూఎమ్ డిమ్మింగ్ సపోర్ట్ ఉన్నాయి.
ప్రాసెసర్: Realme GT 6 లో క్వాల్కమ్ స్నాప్డ్రాగన్ 8 జెన్ 3 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది. గ్రాఫిక్స్ కోసం అడ్రెనో 750 జీపీయూ వాడారు.
ర్యామ్, స్టోరేజీ: Realme GT 6 12జిబి/16జిబి ఎల్పీడీడీఆర్5ఎక్స్ ర్యామ్, 256జిబి/512జిబి/1టిబి యూఎఫ్ఎస్ 4.0 స్టోరేజీ ఆప్షన్స్ లో లభిస్తుంది.
కెమెరా: Realme GT 6 లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్890 ఓఐఎస్ ప్రైమరీ కెమెరా, 8ఎంపి సోని ఐఎంఎక్స్355 అల్ట్రావైడ్ లెన్స్ ఉన్నాయి. సెల్పీస్, వీడియో కాల్స్ కోసం ఈ ఫోన్ లో 16ఎంపి శాంసంగ్ S5K3P9 కెమెరా ఉంది.
బ్యాటరీ: Realme GT 6 లో పవర్ బ్యాకప్ కోసం 5,800 ఎంఏహెచ్ బ్యాటరీ ఇచ్చారు. ఇది 120 వాట్ సూపర్వూక్ ఫాస్ట్ చార్జింగ్ టెక్నాలజీతో వచ్చింది.
సాఫ్ట్వేర్: Realme GT 6 డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ 5 కస్టమ్ స్కిన్ పై పని చేస్తుంది.
కనెక్టివిటీ: Realme GT 6 లో డ్యూయల్ సిమ్, 5జీ, 4జీ వొల్టీ, వై-ఫై 7, బ్లూటూత్ 5.4 వంటి ఆప్షన్స్ ఉన్నాయి.
ఇతర ఫీచర్లు: Realme GT 6 లో ఇన్-డిస్ప్లే ఫింగర్ప్రింట్ స్కానర్, ఐపీ65 రేటింగ్, స్టీరియో స్పీకర్స్, డాల్బీ అట్మాస్, హై-రెజ్ ఆడియో ఉన్నాయి.
