ప్రముఖ స్మార్ట్ఫోన్ బ్రాండ్ POCO త్వరలో ఎమ్6 సిరీస్ లో ఒక కొత్త ఫోన్ లాంచ్ చేయనుంది. POCO M6 Plus పేరుతో ఈ డివైజ్ మార్కెట్ లోకి ఎంట్రీ ఇవ్వనుంది. తాజాగా 91mobiles కి ఈ ఫోన్కి సంబంధించిన ఎక్స్క్లూజివ్ సమాచారం లభించింది. ఒక టిప్స్టర్ POCO M6 Plus యొక్క భారత మార్కెట్ ధర మరియు పూర్తి స్పెసిఫికేషన్స్ షేర్ చేశారు. ఓసారి ఆ విశేషాలను తెలుసుకుందాం.
POCO M6 Plus భారత మార్కెట్ ధర వివరాలు
ప్రముఖ టిప్స్టర్ సుదాన్శు ప్రకారం, POCO M6 Plus యొక్క 6జిబి ర్యామ్ + 128జిబి స్టోరేజీ మోడల్ ధర రూ.13,999 గా ఉంటుంది. 8జిబి ర్యామ్ + 128జిబి మోడల్ ధర రూ.14,999 ఉంటుంది. ఈ ఫోన్ పై రూ.1,000 ఇన్స్టంట్ బ్యాంక్ డిస్కౌంట్ కూడా లభించనుంది.
POCO M6 Plus డిజైన్, కలర్స్ (రెండర్స్)
POCO M6 Plus యొక్క డిజైన్ మరియు కలర్ ఆప్షన్స్ రెండర్స్ ద్వారా రివీల్ అయ్యాయి. ఎమ్6 ప్లస్ ఫోన్ ఎల్ఈడీ ఫ్లాష్ రింగ్, పంచ్ హోల్ డిస్ప్లే, ఫ్లాట్ ఎడ్జెస్ తో వస్తున్నట్లు తెలుస్తోంది. ఫోన్కి కుడివైపున వాల్యూమ్ బటన్స్, పవర్ బటన్ ఉంటాయి. పర్పుల్, బ్లాక్ మరియు సిల్వర్ కలర్ ఆప్షన్స్ లో ఈ ఫోన్ లభించనుంది.
POCO M6 Plus 5G స్పెసిఫికేషన్స్
POCO M6 Plus 5G లో 6.79-ఇంచ్ డిస్ప్లే, ఎల్సీడీ ప్యానెల్, 120 హెర్ట్జ్ రిఫ్రెష్ రేట్, క్వాల్కమ్ స్నాప్డ్రాగన్ 4 జెన్ 2 ప్రాసెసర్ ఉంటాయి. ఇంకా ఈ ఫోన్ లో 108ఎంపి మెయిన్ కెమెరా, 2ఎంపి సెకండరీ లెన్స్, 13ఎంపి ఫ్రంట్ కెమెరా ఉంటాయి.
