ప్రముఖ స్మార్ట్ఫోన్ బ్రాండ్ Realme నుంచి త్వరలో 13 ప్రో 5జీ సిరీస్ లాంచ్ కానుంది. ఈ లైనప్ లో భాగంగా Realme 13 Pro 5G మరియు Realme 13 Pro Plus 5G ఫోన్లు విడుదలవ్వనున్నాయి. తాజాగా Realme 13 Pro 5G డివైజ్ చైనాలో లాంచ్కి ముందు సర్టిఫికేషన్ వెబ్సైట్ TENAA పై లిస్ట్ అయ్యింది. దీంతో ఫోన్ కి సంబంధించిన స్పెసిఫికేషన్స్ రివీల్ అయ్యాయి. ఓసారి ఆ విశేషాలు తెలుసుకుందాం.
Realme 13 Pro 5G టీఈఎన్ఏఏ సర్టిఫికేషన్ వివరాలు
Realme 13 Pro 5G స్మార్ట్ఫోన్ టీఈఎన్ఏఏ సర్టిఫికేషన్ వెబ్సైట్ పై RMX3989 అనే మోడల్ నంబర్ తో లిస్ట్ అయ్యింది. లిస్టింగ్ ద్వారా 5జీ కనెక్టివిటీ కన్ఫర్మ్ అయ్యింది. రెండర్ ద్వారా సర్క్యులర్ కెమెరా మాడ్యూల్, ఎల్ఈడీ ఫ్లాష్ కనిపించాయి.
పవర్ బటన్, వాల్యూమ్ రాకర్స్ ఫోన్కి కుడివైపున ఉన్నాయి. రెండర్స్ని గమనిస్తే, ఈ ఫోన్ కర్వ్డ్ అమోలెడ్ ప్యానెల్, సెంటర్డ్ పంచ్ హోల్ కటౌట్ తో వస్తున్నట్లు తెలుస్తోంది. Realme 13 Pro 5G డివైజ్ 161.3 మి.మీ పొడవు, 73.9 మి.మీ వెడల్పు, 8.2 మి.మీ మందం, 188 గ్రాముల బరువు ఉంటుందని సర్టిఫికేషన్ ద్వారా రివీల్ అయ్యింది.
Realme 13 Pro 5G స్మార్ట్ఫోన్ 6.7-ఇంచ్ అమోలెడ్ స్క్రీన్, 2412*1080 పిక్సెల్స్ రెజుల్యూషన్, 2.4 గిగాహెర్ట్జ్ క్లాక్ స్పీడ్ గల ఆక్టా-కోర్ చిప్, 5050 ఎంఏహెచ్ బ్యాటరీతో వస్తున్నట్లు తెలుస్తోంది. ఇంకా ఈ ఫోన్ 6జిబి/8జిబి/12జిబి/16జిబి ర్యామ్ మరియు 128జిబి/256జిబి/512జిబి మరియు 1టిబి స్టోరేజీ ఆప్షన్స్ లో లభిస్తుంది.
Realme 13 Pro 5G స్మార్ట్ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంటుంది. ఇన్-డిస్ప్లే ఫింగర్ప్రింట్ స్కానర్, ఫేస్ అన్లాక్ ఈ ఫోన్ లో ఉంటాయని సమాచారం.
రానున్న రోజుల్లో Realme 13 Pro 5G కి సంబంధించిన స్పెసిఫికేషన్స్ను రియల్మీ కంపెనీ రివీల్ చేసే అవకాశం ఉంది.
