హైలైట్స్:
- సెప్టెంబర్ 6 న భారత్ లో లాంచ్ కానున్న మహింద్రా ఎక్స్యూవీ400 ఎలక్ట్రిక్ ఎస్యూవీ
- 150హెచ్పీ మోటర్, 2 బ్యాటరీ ప్యాక్ ఆప్షన్స్, అడ్రెనోఎక్స్ ఈ కారు ప్రధాన ఫీచర్లు
- టాటా నెక్సాన్ ఈవీ ట్విన్స్ తో పోటీ పడనున్న 4 మీటర్ల కంటే పొడవుగా ఉన్న ఎక్స్యూవీ400
మహింద్రా యొక్క ఎలక్ట్రిక్ మొబిలిటీ డివిజన్ కొన్నాళ్ళుగా మహింద్రా ఎక్స్యూవీ400 కాంపాక్ట్ ఎలక్ట్రిక్ ఎస్యూవీ పై పని చేస్తోంది. ఇప్పుడు ఈ వాహనాన్ని వచ్చే నెలలో లాంచ్ చేయాలని కంపెనీ ప్లాన్ చేస్తున్నట్లు సమాచారం. 2022 సెప్టెంబర్ 6 న ఎక్స్యూవీ400 ఎలక్ట్రిక్ ఎస్యూవీ ని మహింద్రా లాంచ్ చేయనున్నట్లు సమాచారం.
మహింద్ర కంపెనీ భారత ఈవీ ఎస్యూవీ సెగ్మెంట్ లో బలంగా పాతుకుపోతోంది. ఈ క్రమంలో ఆగస్టు 15 న ఐదు కొత్త ఎలక్ట్రిక్ మోడల్స్ ని అన్వీల్ చేసింది. ఇవన్నీ మహింద్రా తన ఐఎన్జీఎల్వో ఎలక్ట్రిక్ స్కేట్బోర్డ్ ప్లాట్ఫామ్ పై తయారయ్యాయి. ఎక్స్యూవీ700 తరహా వాహనాలతో పాటు, మరిన్ని కొత్త వాహనాలు మహింద్రా యొక్క బార్న్ ఎలక్ట్రిక్ ద్వారా లాంచ్ తయారవ్వనున్నాయి.
Mahindra XUV400 అంచనా ధర, ఫీచర్లు
ఇటీవలె మహింద్రా ఎక్స్యూవీ400 టెస్టింగ్ లో భాగంగా పబ్లిక్ రోడ్లపై కనిపించింది. మొత్తానికి ఈ బండిని అధికారికంగా వచ్చే నెలలో మహింద్రా లాంచ్ చేయబోతోంది. మీడియా రిపోర్ట్స్ ని బట్టి, మహింద్రా ఎక్స్యూవీ సెప్టెంబర్ 6 న భారత్ లో లాంచ్ కానున్నట్లు తెలుస్తోంది. లాంచ్ తర్వాత, ఈ కారు, టాటా నెక్సాన్ ఈవీ ప్రైమ్, టాటా నెక్సాన్ ఈవీ మ్యాక్స్ లతో పోటీపడనుంది. ఇక స్టాండర్డ్ ఐసీఈ వర్షన్ తో పోల్చినప్పుడు ఎక్స్యూవీ400 ఈవీ ధర కొన్ని లక్షలు ఎక్కువగా ఉండనుంది. మహింద్రా ఎక్స్యూవీ400 ఎక్స్-షోరూమ్ ధర రూ.15 లక్షల నుంచి రూ.18 లక్షల మధ్య ఉంటుందని అంచనా.
ఆటో ఎక్స్పో 2020 లో ప్రదర్శింపబడిన ఈఎక్స్యూవీ300 కాంపాక్ట్ ఈవీ ఎస్యూవీ వంటి పోలికలను ఎక్స్యూవీ400 ఈవీ కలిగి ఉంది. అయితే, లీక్స్, స్పై షాట్స్ ని బట్టి, ఎక్స్యూవీ400 4 మీటర్ల కంటే పొడవు ఉన్నట్లు తెలుస్తోంది. అదే కనుక నిజమైతే, ఎక్స్యూవీ400, నెక్సాన్ ఈవీ ప్రైమ్, నెక్సాన్ ఈవీ మ్యాక్స్ లపై పైచేయి సాధించడం ఖాయం. తన సహచర పోటీదారుల కంటే, ఎక్స్యూవీ400 లో సీటింగ్ స్పేస్, బూట్ స్పేస్ కూడా ఎక్కువగా ఉంటాయి. ఇక నెక్సాన్ సబ్-4ఎం కాంపాక్ట్ ఎస్యూవీ అని గమనించాలి.
ఎక్స్యూవీ400 ఈవీ-సెంట్రిక్ డిజైన్ డీటెయిల్స్, బ్లాంక్డ్-అవుట్ ఫ్రంట్ గ్రిల్, ఎయిర్ డ్యామ్ కలిగి ఉంది. ఈ ఎయిర్ డ్యామ్ బ్రేక్, బ్యాటరీ లను చల్లబరిచేందుకు పని చేస్తుంది. ఐసీఈ వర్షన్ కు భిన్నంగా ఉండే విధంగా ఎక్స్యూవీ400 డిజైన్ తీర్చబడింది. సరికొత్త హెడ్ల్యాంప్స్, ఎల్ఈడీ టెయిల్ ల్యాంప్స్, రీడిజైన్డ్ ఇంటర్నల్స్ తో వస్తోంది ఎక్స్యూవీ400.
ఈ మహింద్రా ఎలక్ట్రిక్ వెహికిల్ 150 బీహెచ్పీ ని కలిగి ఉంది. ఇందులో రెండు బ్యాటరీ ప్యాక్ ఆప్షన్స్ ఉన్నాయి. ఎక్స్యూవీ400 లో ఫ్రంట్-వీల్ డ్రైవ్ పవర్ట్రెయిన్ లేఔట్ తో రానుందని అంచనా. ఇప్పుడు అడిషనల్ ఎక్విప్మెంట్ ఏమున్నాయో చూద్దాం. అడ్రెనోఎక్స్ ప్లాట్ఫామ్ పై కొత్త ఇన్ఫోటెయిన్మెంట్ ఉంటుందని అంచనా. టాప్ ఎండ్ మోడల్ లో ఏడీఏఎస్ ఫీచర్లు ఉంటాయని భావిస్తున్నారు.
