హైలైట్స్:
- 1-ఇంచ్ సోనీ సెన్సర్, లైకా కెమెరా సిస్టమ్ తో రీసెంట్ గా చైనాలో లాంచ్ అయిన షావోమీ 12ఎస్ అల్ట్రా
- గ్లోబల్ గా లాంచ్ అవ్వనున్న షావోమీ 12ఎస్ అల్ట్రా యొక్క సక్సెసర్
- ఇంకా కన్ఫర్మ్ కాని షావోమీ 13 అల్ట్రా లాంచ్ టైమ్ లైన్
రీసెంట్ గా షావోమీ 12ఎస్ సిరీస్ చైనాలో లాంచ్ అయ్యింది. ఈ లైనప్ లో షావోమీ 12ఎస్ అల్ట్రా మోడల్ కూడా ఉంది. ఈ ఫ్లాగ్ షిప్ ఫోన్ లో 1-ఇంచ్ సోనీ సెన్సర్ అమర్చారు. అలాగే లైకా కెమెరా సిస్టమ్ తో వస్తున్న తొలి షావోమీ ఫోన్ కూడా ఇదే కావడం విశేషం. అయితే ఈ ఫోన్ ని గ్లోబల్ గా లాంచ్ చేసే ఉద్దేశ్యం షావోమీకి లేనట్లు తెలుస్తోంది. కేవలం చైనా మార్కెట్ కే ఈ ఫోన్ పరిమితం కానుంది. అయితే, షావోమీ సీఈవో లీ జున్ షావోమీ 12ఎస్ సక్సెసర్ పై శుభవార్త చెప్పారు.
షావోమీ 12ఎస్ అల్ట్రా యొక్క సక్సెసర్ ప్రపంచ వ్యాప్తంగా లాంచ్ అవుతుందని, లీజున్ ట్విట్టర్ ద్వారా కన్ఫర్మ్ చేశారు. అయితే, షావోమీ 12ఎస్ అల్ట్రా యొక్క సక్సెసర్ గురించి లీజున్ మాట్లాడారా లేదా షావోమీ 12ఎస్ అల్ట్రా యొక్క సేమ్ వర్షన్ ఫోన్ గురించి అన్నారా అన్నది ఇంకా క్లారిటీ లేదు.
The next iteration of Ultra will be available in our global markets! https://t.co/TgdDWq8724
— leijun (@leijun) August 27, 2022
Xiaomi 13 Ultra గ్లోబల్ గా లాంచ్ అయ్యే అవకాశం?
షావోమీ సీఈవో, లీ జున్ త్వరలో ప్రపంచ వ్యాప్తంగా అల్ట్రా ఫ్లాగ్ షిప్ లాంచ్ కానుందని చెప్పారు. షావోమీ 12ఎస్ అల్ట్రా కి అద్భుతమైన రివ్యూలు వచ్చాయి. స్పెసిఫికేషన్స్, హార్డ్ వేర్, ఇంప్రెసివ్ లైకా కెమెరాలకు మంచి ఆదరణ వచ్చింది. దీంతో వెనువెంటనే, ఈ ఫోన్ కి సక్సెసర్ త్వరలో గ్లోబల్ గా లాంచ్ అవుతుందని షావోమీ సీఈవో వెల్లడించారు. ఇది కచ్చితంగా షావోమీ 13 అల్ట్రా అయి ఉంటుందని అంతా భావిస్తున్నారు. మరి నెక్ట్స్ వర్షన్ ఫోన్ లో ఎలాంటి ఫీచర్లు ఉంటాయో చూడాలి.
Xiaomi 12S Ultra స్పెసిఫికేషన్స్
షావోమీ 12ఎస్ అల్ట్రా లో 6.73 అంగుళాల అమోలెడ్ ఎల్టీపీవో 2.0 డిస్ప్లే, 2కే రెజుల్యూషన్, 120 హెర్ట్జ్ రిఫ్రెష్ రేట్, హెచ్డీఆర్10+, పంచ్ హోల్ కటౌట్, డాల్బీ విజన్, కార్నింగ్ గొరిల్లా గ్లాస్, కర్వ్డ్ ఎడ్జెస్, క్వాల్కమ్ స్నాప్ డ్రాగన్ 8+ జెన్ 1 చిప్సెట్, అడ్రెనో జీపీయూ, 12జిబి వరకు ర్యామ్, 512జిబి స్టోరేజీ, ఆండ్రాయిడ్ 12 ఆధారిత ఎంఐయూఐ కస్టమ్ స్కిన్ వంటి ఫీచర్లు ఉన్నాయి.
షావోమీ 12ఎస్ అల్ట్రా లో 5000 ఎంఏహెచ్ బ్యాటరీ, 120 వాట్ చార్జింగ్ సపోర్ట్, ఇన్-డిస్ప్లే ఫింగర్ ప్రింట్ సెన్సర్, ఐపీ68 రేటింగ్, డాల్బీ అట్మాస్, డాల్బీ విజన్, హై-రెజుల్యూషన్ ఆడియో, హర్మాన్ కార్డన్ స్పీకర్స్, 5జీ, 4జీ ఎల్టీఈ, బ్లూటూత్, జీపీఎస్, ఎన్ఎఫ్ఎసీ, యూఎస్బీ టైప్-సీ పోర్ట్ ఉన్నాయి.
షావోమీ 12ఎస్ అల్ట్రా లో లైకా యొక్క ట్రిపుల్ కెమెరా సిస్టమ్ ఉంది. కస్టమ్ 1-ఇంచ్ సోనీ ఐఎంఎక్స్989 సెన్సర్ ని ఈ ఫోన్లో వినియోగించారు. మూడు కెమెరాల్లో ఒకటి 48ఎంపి ప్రైమరీ సెన్సర్ కాగా, రెండోది 50ఎంపి అల్ట్రా వైడ్ యాంగిల్ లెన్స్, మూడోది 48ఎంపి జూమ్ లెన్స్. సెల్ఫీలు, వీడియో కాల్స్ కొరకు ముందు వైపున 32ఎంపి కెమెరాను అమర్చారు. లైకా పార్ట్నర్షిప్ ఇటు హార్డ్ వేర్ అటు సాఫ్ట్ వేర్ లెవెల్స్ లో మనం గమనించవచ్చు. ప్రొఫెషనల్ లెన్స్, హై-క్వాలిటీ మెటీరియల్స్, రిఫ్రాక్టింగ్ కోటింగ్ (క్లీన్ ఇమేజెస్, లైట్ మరియు షాడో కంట్రోలింగ్), డెడికేటెడ్ లైకా మోడ్స్: లైకా వివిడ్, లైకా నేచురల్, 35ఎంఎం, 50ఎంఎం, 90ఎంఎం ఫోకల్ లెంగ్త్స్ మధ్య తేలిగ్గా టాగుల్ (Toggle) అయ్యే అవకాశం.. వంటి కెమెరా ఫీచర్లు ఈ ఫోన్లో ఉన్నాయి.
