హైలైట్స్:
- Realme GT Neo 3T ఇండియా లాంచ్ ని కన్ఫర్మ్ చేసిన కంపెనీ
- క్వాల్కమ్ స్నాప్ డ్రాగన్ చిప్సెట్, 80 వాట్ ఫాస్ట్ చార్జింగ్ సపోర్ట్ తో లాంచ్ అవ్వనున్న హ్యాండ్సెట్
- Realme GT Neo 3T రియల్మీ క్యూ5 ప్రో యొక్క రీబ్రాండ్
Realme GT Neo 3T స్మార్ట్ ఫోన్ అప్పుడెప్పుడో జున్ లేదా జులై నెలల్లో భారత్ లో లాంచ్ కావాల్సింది. కానీ ఏదో కారణం చేత లాంచ్ కాలేదు. గతంలో ఈ ఫోన్ భారత్ లో లాంచ్ అవుతుందని రియల్మీ ఖరారు చేసింది. కానీ, సమయం మాత్రం వెల్లడించలేదు. ఇప్పుడు రియల్మీ ఇండియా మరోసారి సోషల్ మీడియాలో ఫోన్ ని టీజ్ చేసింది. Realme GT Neo 3T 80 వాట్ ఫాస్ట్ చార్జింగ్ తో వస్తుందని తెలిపింది. ఆసక్తికరమైన విషయం ఏంటంటే, రియల్మీ అధికార వెబ్ సైట్ లో Realme GT Neo 3T కి సంబంధించిన మైక్రోసైట్ కూడా దర్శనమిస్తోంది. దీన్ని బట్టి అతి త్వరలో ఫోన్ అనౌన్స్మెంట్ ఉంటుందని చెప్పవచ్చు.
Realme GT Neo 3T గ్లోబల్ గా జూన్ లో లాంచ్ అయ్యింది. ఇది రియల్మీ క్యూ 5 ప్రో యొక్క రీబ్రాండ్ వర్షన్. రియల్మీ క్యూ5 ఈ ఏడాది మొదట్లో చైనాలో లాంచ్ అయ్యింది. ఫోన్ ఇప్పటికే క్యూ5 రూపంలో అందుబాటులో ఉంది కాబట్టి, ఫోన్ తీరుతెన్నులు, స్పెసిఫికేషన్లు మనకు పూర్తిగా తెలిశాయి. డెడికేటెడ్ మైక్రోసైట్ కూడా ఫోన్ స్నాప్ డ్రాగన్ చిప్సెట్ తో వస్తుందని తెలియజేస్తోంది.
భారత్ లో Realme GT Neo 3T ధర రూ.30,000 నుంచి 40,000 మధ్య ఉంటుందని అంచనా. ఈ హ్యాండ్సెట్ ని తొలుత అహ్మదాబాద్ లోని ఫ్లాగ్షిప్ స్టోర్ లో ప్రదర్శించారు.
Speed is all that we perceive?
Get ready to experience lightening speed with #realmeGTNeo3T.
Coming soon. #NEOSpeedAwakens
Know more: https://t.co/k3ruJqEEta pic.twitter.com/zIMShII7p1
— realme (@realmeIndia) September 5, 2022
Realme GT Neo 3T స్పెసిఫికేషన్స్
Realme GT Neo 3T ఫోన్లో 6.62 అంగుళాల ఫుల్ హెచ్డీ+ ఈ4 అమోలెడ్ డిస్ప్లే, 120హెర్ట్జ్ రిఫ్రెష్ రేట్, 1300 నిట్స్ బ్రైట్నెస్, 100 పర్సెంట్ డీసీఐ-పీ3 వైడ్ కలర్ గేముత్, 106 పర్సెంట్ ఎన్టీఎస్సీ కలర్ గేముత్, 16000-లెవెల్ డిమ్మింగ్, కార్నింగ్ గొరిల్లా గ్లాస్ 5, క్వాల్కమ్ స్నాప్ డ్రాగన్ 870 చిప్సెట్, అడ్రెనో 650 జీపీయూ, 8జిబి ర్యామ్, 256జిబి వరకు స్టోరేజీ, మైక్రో ఎస్డీ కార్డ్ ద్వారా ఎక్స్పాండబుల్ మెమొరీ, ఆండ్రాయిడ్ 12 ఆధారిత రియల్మీ యూఐ 3.0 కస్టమ్ స్కిన్ వంటి ఫీచర్లు ఈ ఫోన్లో ఉండనున్నాయి.
Realme GT Neo 3T లో ట్రిపుల్ రియర్ కెమెరా సెటప్ ఉంది. ఇందులో ఒకటి 64ఎంపి ప్రైమరీ సెన్సర్, రెండోది 8ఎంపి అల్ట్రావైడ్ లెన్స్, మూడోది 2ఎంపి కెమెరా. సెల్ఫీలు, వీడియో కాల్స్ కోసం ముందు వైపున 16ఎంపి కెమెరాను అమర్చారు.
Realme GT Neo 3T డాల్బీ అట్మాస్, హై-రెజుల్యూషన్ ఆడియో, వీసీ కూలింగ్, ఇన్-డిస్ప్లే ఫింగర్ ప్రింట్ సెన్సర్, 5జీ, వై-ఫై 6, బ్లూటూత్ 5.2, జీపీఎస్, ఎన్ఎఫ్సీ, యూఎస్బీ టైప్-సీ పోర్ట్, 5000 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ వంటి ఫీచర్లు ఈ ఫోన్లో ఉన్నాయి.
