హైలైట్స్:
- సెప్టెంబర్ 6 న భారత్ లో లాంచ్ అవుతోన్న Redmi A1 స్మార్ట్ ఫోన్
- బడ్జెట్ సెగ్మెంట్ బయ్యర్లను టార్గెట్ చేస్తూ Redmi A1
- 6.53 అంగుళాల హెచ్డీ+ డిస్ప్లే, మీడియాటెక్ హీలియో ఏ22 చిప్సెట్, 5000 ఎంఏహెచ్ బ్యాటరీ ఈ ఫోన్ ప్రధాన ఫీచర్లు
షావోమీ కంపెనీ సెప్టెంబర్ 6 న భారత్ లో రెడ్మీ డివైసెస్ ని లాంచ్ చేసేందుకు రెడీ అవుతోంది. వీటిలో రెడ్మీ ఏ1 ఫోన్ ఒకటి. ఇది బడ్జెట్ ఫోన్. కంపెనీ ఇంకా ఈ ఫోన్ యొక్క స్పెసిఫికేషన్స్ ని రివీల్ చేయాల్సి ఉంది. కానీ 91మొబైల్స్ హిందీ ఓ అడుగు ముందుకేసి రెడ్మీ స్మార్ట్ ఫోన్ కి సంబంధించిన విశేషాలను వెలుగులోకి తెచ్చింది. మనకు అందిన సమాచారాన్ని బట్టి, Redmi A1 ఫోన్ మీడియాటెక్ హీలియో జీ22 ప్రాసెసర్ తో వస్తున్నట్లు సమాచారం. అలాగే 8ఎంపి ప్రైమరీ కెమెరా ఇందులో ఉండనున్నట్లు తెలుస్తోంది. Redmi A1 ఫోన్ కి సంబంధించిన మరిన్ని వివరాలను ఇక్కడ తెలుసుకుందాం పదండి.
Redmi A1 డిజైన్
91మొబైల్స్ హిందీ కథనం ప్రకారం, రెడ్మీ ఏ1 ఫోన్లో ఫ్లాట్ ఎడ్జెస్ ఉండనున్నాయి. రియర్ ప్యానెల్ స్క్వేర్ కెమెరా మాడ్యూల్, రెడ్మీ బ్రాండింగ్ ని కలిగి ఉండనుంది. ఫోన్ ముందు వైపు చూస్తే, వాటర్ డ్రాప్ నాచ్, బాటమ్ లో చిన్ ఉన్నాయి. ఫోన్ కి కుడివైపున వాల్యూమ్ రాకర్, పవర్ బటన్ ఉన్నాయి. ఇక ఈ హ్యాండ్సెట్ 164.9 మిల్లీ మీటర్ల పొడవు, 76.75 మిల్లీ మీటర్ల వెడల్పు, 9.09 మిల్లీ మీటర్ల మందం, 191 గ్రాముల బరువు కలిగి ఉంది. ఈ ఫోన్ మూడు రంగుల్లో లభ్యం కానుంది. అవి: బ్లాక్, గ్రీన్, బ్లూ.
Redmi A1 స్పెసిఫికేషన్స్
ఇప్పుడు రెడ్మీ ఏ1 స్మార్ట్ ఫోన్ స్పెసిఫికేషన్స్ ఎలా ఉన్నాయో చూద్దాం. Redmi A1 స్మార్ట్ ఫోన్ లో 6.52 అంగుళాల హెచ్డీ+ డిస్ప్లే, 1600*720 రెజుల్యూషన్, 20:9 యాస్పెక్ట్ రేషియో, మీడియాటెక్ హీలియో ఏ22 చిప్సెట్, 2జిబి ఎల్పీడీడీఆర్4ఎక్స్ ర్యామ్, 32జిబి ఈఎంఎంసీ 5.1 స్టోరేజీ, 1టీబీ ఎక్స్పాండబుల్ మెమొరీ, 5000 ఎంఏహెచ్ బ్యాటరీ, 10 వాట్ చార్జింగ్ సపోర్ట్, ఆండ్రాయిడ్ 12 ఓఎస్, ఎంఐయూఐ 13 కస్టమ్ స్కిన్ వంటి ఫీచర్లను ఈ ఫోన్ కలిగి ఉంది. 3జిబి వేరియంట్ కూడా అందుబాటులో ఉంది.
ఇప్పుడు కెమెరా విభాగం గురించి తెలుసుకుందాం. Redmi A1 లో డ్యూయల్ రియర్ కెమెరా సెటప్ ఉంది. ఇందులో ఒకటి 8ఎంపి ప్రైమరీ సెన్సర్, మరొక ఆగ్జిలరీ సెన్సర్ ఉన్నాయి. సెల్ఫీలు, వీడియో కాల్స్ కొరకు ఇందులో ముందు వైపున 5ఎంపి కెమెరాను అందించారు. Redmi A1 కెమెరా ఫీచర్లను చూస్తే, ఇందులో పొట్రెయిట్ మోడ్, టైమ్-ల్యాప్స్, షార్ట్ వీడియో తదితర ఆప్షన్స్ ఉన్నాయి. Redmi A1 లో ఫింగర్ ప్రింట్ సెన్సర్ లేదన్న విషయం గమనించాలి.
లేటెస్ట్ స్మార్ట్ ఫోన్, టెలీకామ్, ఆటోమొబైల్, ఎంటర్టెయిన్మెంట్ వార్తల కోసం 91మొబైల్స్ తెలుగు వెబ్ సైట్ విజిట్ చేయండి.
