60MP సెల్ఫీ కెమెరా, 108MP మెయిన్ కెమెరాతో లాంచ్ అయిన Infinix Zero 20

హైలైట్స్:

• చైనాలో లాంచ్ అయిన Infinix Zero 20 స్మార్ట్ ఫోన్
• మీడియాటెక్ హీలియో జీ99 చిప్సెట్, 60ఎంపి సెల్ఫీ కెమెరా, 108ఎంపి మెయిన్ కెమెరా, 8జిబి ర్యామ్ ఈ ఫోన్ ప్రధాన ఫీచర్లు
• త్వరలోనే భారత మార్కెట్ లోకి ఎంట్రీ ఇవ్వనున్న Infinix Zero 20

Infinix కంపెనీ టెక్ మార్కెట్ లోకి జీరో సిరీస్ ని తీసుకొచ్చింది. జీరో సిరీస్ లో ఇప్పటికే ఇన్ఫినిక్స్ సంస్థ పలు ఫోన్లను లాంచ్ చేసింది. తాజాగా Infinix Zero 20 స్మార్ట్ ఫోన్ ని చైనాలో లాంచ్ చేసింది. 60ఎంపి సెల్ఫీ కెమెరా, 108ఎంపి మెయిన్ కెమెరా, 8జిబి ర్యామ్, మీడియాటెక్ హీలియో జీ99 ప్రాసెసర్, 4500 ఎంఏహెచ్ బ్యాటరీ తో Infinix Zero 20 లాంచ్ అయ్యింది. మరి Infinix Zero 20 ఫోన్ కి సంబంధించిన ఇతర ఫీచర్లు, స్పెసిఫికేషన్స్ ఎలా ఉన్నాయో చూద్దాం పదండి.

Infinix Zero 20 కెమెరా

Infinix Zero 20 లో ట్రిపుల్ రియర్ కెమెరా సెటప్ ఉంది. ఇందులో 13 మెగా పిక్సెల్ అల్ట్రావైడ్ యాంగిల్ లెన్స్, 2 మెగా పిక్సెల్ సెన్సర్, 108 మెగా పిక్సెల్ మెయిన్ సెన్సర్ ఉన్నాయి. అలాగే సెల్ఫీలు, వీడియో కాల్స్ కోసం ముందు వైపు 60 మెగా పిక్సెల్ కెమెరాను అమర్చారు. ఈ ఫ్రంట్ కెమెరా ప్రపంచంలోనే ఉత్తమమైన వ్లాగ్ కెమెరా అని ఇన్ఫినిక్స్ కంపెనీ చెబుతోంది.

Infinix Zero 20 స్పెసిఫికేషన్స్

Infinix Zero 20 లో 6.7-ఇంచ్ ఫుల్ హెచ్డీ+ డిస్ప్లే అమర్చారు. ఈ డిస్ప్లే 1080*2400 పిక్సెల్స్ రెజుల్యూషన్ కలిగి ఉంది. 90 హెర్ట్జ్ రిఫ్రెష్ రేట్ కలిగిన అమోలెడ్ ప్యానెల్ ని ఈ ఫోన్ లో అందించారు. డిస్ప్లే మూడు వైపులా బెజెల్స్ లేవు. బాటమ్ లో విశాలమైన చిన్ కనిపిస్తోంది. Infinix Zero 20 ఆండ్రాయిడ్ 12 ఓఎస్ ఆధారిత ఎక్స్‌ఓఎస్ 12 కస్టమ్ స్కిన్ పై పని చేస్తుంది. ఈ స్మార్ట్ లో 6-నానోమీటర్ ప్రాసెస్ పై తయారైన మీడియాటెక్ హీలియో జీ99 చిప్ ని అమర్చారు. 8జిబి ర్యామ్, 256జిబి స్టోరేజీ కెపాసిటీతో Infinix Zero 20 లాంచ్ అయ్యింది.

Infinix Zero 20 లో 3.5ఎంఎం ఆడియో జాక్ ఉంది. ఇతర బేసిక్ కనెక్టివిటీ ఫీచర్లు ఇందులో ఉన్నాయి. ఇంకా ఈ డివైజ్ లో 4500 ఎంఏహెచ్ బ్యాటరీ ఉంది. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది. Infinix Zero 20 ధర దాదాపు రూ.21,000 గా ఉండనుంది. గోల్డ్, గ్రే కలర్ ఆప్షన్స్ లో Infinix Zero 20 లభించనుంది.

Infinix Zero 20 లో 60 మెగా పిక్సెల్ సెల్ఫీ కెమెరా ఉండటం విశేషం. ఇది వ్లాగింగ్ చేసే వారికి ఎంతో ఉపయోగపడనుంది. కంపెనీ కూడా ఇది బెస్ట్ వ్లాగింగ్ కెమెరా అని చెబుతోంది. 108 ఎంపి మెయిన్ రియర్ కెమెరా మరొక బిగ్ ప్లస్ అని చెప్పవచ్చు. అలాగే 13ఎంపి అల్ట్రావైడ్ యాంగిల్ కెమెరా మరొక బెస్ట్ కెమెరా అని చెప్పవచ్చు. ఈ సెగ్మెంట్ లో మిగతా కంపెనీలు దాదాపుగా 8ఎంపి అల్ట్రావైడ్ యాంగిల్ లెన్స్ ని మాత్రమే ప్రొవైడ్ చేస్తున్నాయి. ఏ విధంగా చూసినా ఇన్ఫినిక్స్ జీరో 20 సూపర్ కెమెరా ఫోన్ అని చెప్పవచ్చు.