రూ.15,000 ధర, 50MP కెమెరా, 7GB ర్యామ్ తో లాంచ్ అయిన Infinix Hot 20 5G

హైలైట్స్:

• Infinix Hot 20 5G స్మార్ట్ ఫోన్ ని లాంచ్ చేసిన Infinix కంపెనీ
• 50ఎంపి కెమెరా, 120 హెర్ట్జ్ డిస్ప్లే, 4జిబి ర్యామ్, మీడియాటెక్ డైమెన్సిటీ 810 చిప్ తో వస్తోన్న Infinix Hot 20 5G
• Infinix Hot 20 5G ధర 180 యూరోలు (సుమారు రూ.14,514)

ఇన్ఫినిక్స్ కంపెనీ నేడు Infinix Hot 20 5G అనే కొత్త ఫోన్ ని లాంచ్ చేసింది. ఇది హాట్ సిరీస్ లైనప్ లో న్యూ మోడల్. ఈ 5జీ ఫోన్ లో 50 మెగా పిక్సెల్ కెమెరా, 120 హెర్ట్జ్ డిస్ప్లే, 4జిబి ర్యామ్, 5000 ఎంఏహెచ్ బ్యాటరీ, 18 వాట్ ఫాస్ట్ చార్జింగ్, మీడియాటెక్ డైమెన్సిటీ 810 ప్రాసెసర్ ఉన్నాయి. Infinix Hot 20 5G స్మార్ట్ ఫోన్ యొక్క ధర, పూర్తి స్పెసిఫికేషన్స్ గురించి ఇక్కడ తెలుసుకుందాం.

Infinix Hot 20 5G స్పెసిఫికేషన్స్

Infinix Hot 20 5G లో 6.6-ఇంచ్ ఫుల్ హెచ్డీ+ డిస్ప్లే, 2408*1080 పిక్సెల్స్ రెజుల్యూషన్ ఉన్నాయి. ఈ ఫోన్ స్క్రీన్ ఐపీఎస్ ఎల్సీడీ ప్యానెల్ పై తయారైంది. అలాగే ఇది 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్ కలిగి ఉంది. ఈ ఫోన్ డిస్ప్లే వాటర్ డ్రాప్ నాచ్, మూడు వైపులా బెజెల్-లెస్ ఎడ్జెస్, బాటమ్ లో సన్నపాటి చిన్ ని కలిగి ఉంది.

Infinix Hot 20 5G ఆండ్రాయిడ్ 12 ఓఎస్, XOS 10.6 కస్టమ్ స్కిన్ పై పని చేస్తుంది. ఈ ఫోన్ లో మీడియాటెక్ డైమెన్సిటీ 810 చిప్సెట్ అమర్చారు. ఈ చిప్ 6 నానోమీటర్ ప్రాసెస్ పై తయారైన ఆక్టాకోర్ ప్రాసెసర్. గ్రాఫిక్స్ కోసం ఈ ఫోన్ లో మాలి జీ57 జీపీయూ వాడారు. 4జిబి ర్యామ్, 3జిబి ఎక్స్‌టెండెడ్ ర్యామ్ ని Infinix Hot 20 5G కలిగి ఉంది.

ఇప్పుడు Infinix Hot 20 5G యొక్క కెమెరా విభాగం గురించి తెలుసుకుందాం. Infinix Hot 20 5G లో డ్యూయల్ రియర్ కెమెరా సెటప్ ఉంది. ఇందులో 50 మెగా పిక్సెల్ శాంసంగ్ జెఎన్1 ప్రధాన కెమెరా, 2 మెగా పిక్సెల్ సెకండరీ లెన్స్ ఉన్నాయి. సెల్ఫీలు, వీడియో కాల్స్ కోసం ఈ ఫోన్ లో ముందు వైపున 8 మెగా పిక్సెల్ కెమెరా అమర్చారు. పవర్ బ్యాకప్ కోసం Infinix Hot 20 5G లో 5000 ఎంఏహెచ్ బ్యాటరీ ఉంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.

Infinix Hot 20 5G ధర

Infinix Hot 20 5G స్మార్ట్ ఫోన్ ప్రస్తుతానికి అంతర్జాతీయ మార్కెట్స్ లో కేవలం సింగిల్ వేరియంట్ లో లాంచ్ అయ్యింది. ఈ మొబైల్ ఫోన్ 128 జిబి స్టోరేజీ, 4జిబి ర్యామ్ కలిగి ఉంది. Infinix Hot 20 5G ధర 180 యూరోలు (సుమారు రూ.14,514) గా ఉంది. Infinix Hot 20 5G ఫోన్ రేసింగ్ బ్లాక్, స్పేస్ బ్లూ, బ్లాస్టర్ గ్రీన్ కలర్ ఆప్షన్స్ లో లభించనుంది. ప్రస్తుతం Infinix Hot 20 5G మొబైల్ ఫోన్ యొక్క ఇండియా లాంచ్ పై స్పష్టత లేదు. త్వరలోనే కంపెనీ నుంచి ఏదైనా ప్రకటన వచ్చే అవకాశం ఉంది.