Snapdragon 8 Gen 2 చిప్ తో వస్తున్న iQOO 11 సిరీస్

హైలైట్స్:

• త్వరలో ఐకూ నుంచి రానున్న iQOO 11, iQOO 11 pro
• నవంబర్ లేదా డిసెంబర్ నెలల్లో లాంచ్ కానున్న ఐకూ 11 సిరీస్
• క్వాల్కమ్ స్నాప్ డ్రాగన్ 8 జెన్ 2 చిప్ తో రానున్న iQOO 11 సిరీస్

ఇటీవలె చైనాలో ఐకూ 10, ఐకూ 10 ప్రో ఫోన్లను లాంచ్ చేసిన వివో సబ్-బ్రాండ్ ఐకూ తన తదుపరి ఫ్లాగ్షిప్ సిరీస్ iQOO 11 ని లాంచ్ చేయాలని ప్లాన్ చేస్తోంది. ఈ సిరీస్ నవంబర్ లేదా డిసెంబర్ నెల్లలో లాంచ్ అవ్వనుంది. క్వాల్కమ్ తయారు చేసిన నెక్ట్స్ జనరేషన్ ఫ్లాగ్షిప్ స్నాప్ డ్రాగన్ 8 జెన్ 2 చిప్సెట్ తో ఐకూ 11 సిరీస్ రాబోతోంది. ఈ సిరీస్ చైనాతో పాటు భారత్ లో కూడా లాంచ్ అవ్వనున్నట్లు టిప్‌స్టర్ పారస్ గుగ్లాని వెల్లడించాడు. అలాగే Pricebaba వెలువరించిన కొత్త కథనం iQOO 11 సిరీస్ యొక్క మానికర్స్, మోడల్ నంబర్స్ ని తెలియజేస్తోంది.

The Strongest IQOO 11 Series is coming to india very soon, Spot some monikers https://t.co/qk5KZwZY6l

Over friends @Pricebaba #iQOO #Iqoo11series pic.twitter.com/4dZra3onKs

— Paras Guglani (@passionategeekz) October 5, 2022

హ్యాండ్సెట్స్ యొక్క ఫర్మ్‌వేర్ డేటా ద్వారా రెండు ఫోన్ల అఫీషియల్ మోడల్ నంబర్లు కన్ఫర్మ్ అయ్యాయి. iQOO I2209 మోడల్ నంబర్ ని గమనిస్తే ఇది ఇండియన్ వర్షన్ స్టాండర్డ్ వేరియంట్ అని, iQOO I2212 ఇండియన్ వర్షన్ ప్రో వేరియంట్ అని తెలుస్తోంది. మరోవైపు చైనా వేరియంట్స్ యొక్క మోడల్ నంబర్లు IQOO V2243A, V2254A అని ఉన్నాయి.

iQOO 11 సిరీస్ స్పెసిఫికేషన్స్ (అంచనా)

లీక్స్ ని బట్టి, త్వరలో లాంచ్ కాబోవు ఈ iQOO 11 సిరీస్, క్వాల్కమ్ స్నాప్ డ్రాగన్ 8 జెన్ 2 చిప్ తో లాంచ్ కానున్నట్లు తెలుస్తోంది. నవంబర్ మూడో వారంలో ఈ సిరీస్ లాంచ్ అవ్వనుంది. iQOO 11 సిరీస్ లో శాంసంగ్ ఈ6 అమోలెడ్ డిస్ప్లే, పంచ్ హోల్ డిజైన్ ఉండనుంది. స్టాండర్డ్ వేరియంట్ ఫుల్ హెచ్డీ+ రెజుల్యూషన్ తో రానుండగా, ప్రో వేరియంట్ 2కే రెజుల్యూషన్ తో వస్తుందని సమాచారం. అలాగే 120 హెర్ట్జ్ రిఫ్రెష్ రేట్, 144 హెర్ట్జ్ పీడబ్ల్యూఎం డిమ్మింగ్ ఈ ఫోన్లలో ఉండనున్నాయి.

iQOO 11 ఫోన్ 120 వాట్ ఫాస్ట్ చార్జింగ్ సపోర్ట్ తో వస్తుండగా, iQOO 11 Pro 200 వాట్ ఫాస్ట్ చార్జింగ్ తో రానుంది. ఇప్పుడు కెమెరా విభాగం గురించి తెలుసుకుందాం. ఈ రెండు హ్యాండ్సెట్స్ 50 మెగా పిక్సెల్ సోనీ ఐఎంఎక్స్8-సిరీస్ సెన్సర్స్ తో వస్తాయని రూమర్లు వినిపిస్తున్నాయి. ప్రో వేరియంట్ లో వీ2 ఐఎస్పీ చిప్ ని వాడే అవకాశం ఉన్నట్లు తెలుస్తోంది.

లాంచ్ తేదీ సమీపిస్తున్న కొద్దీ, iQOO 11 సిరీస్ కి సంబంధించిన స్పెసిఫికేషన్స్ గురించి మరింత స్పష్టత వస్తుంది. iQOO సంస్థ భారత్ లో ఐకూ 10 సిరీస్ లాంచ్ ని స్కిప్ చేసింది. అయితే ఐకూ 10 స్టాండర్డ్ వేరియంట్ ని iQOO 9T 5G పేరుతో భారత్ లో లాంచ్ చేసింది. కానీ, ఈసారి పూర్తిస్థాయిలో iQOO 11 సిరీస్ ఇండియా లో లాంచ్ అవ్వడం ఖాయమని తెలుస్తోంది.