హైలైట్స్
- భారత్ లో లాంచ్ అయిన Redmi A1+ స్మార్ట్ ఫోన్
- మీడియాటెక్ ఏ22 చిప్, 5000 ఎంఏహెచ్ బ్యాటరీ, ఆండ్రాయిడ్ 12 గో ఎడిషన్ తో లాంచ్ అయిన హ్యాండ్సెట్
- బ్లాక్, లైట్ గ్రీన్, లైట్ బ్లూ కలర్ ఆప్షన్స్ లో ఫ్లిప్ కార్ట్, షావోమీ వెబ్సైట్, ఆఫ్లైన్ స్టోర్స్ ద్వారా లభించనున్న Redmi A1+
రెడ్మీ ఏ1 బడ్జెట్ ఫ్రెండ్లీ స్మార్ట్ ఫోన్ ని లాంచ్ చేసిన కొన్ని వారాలకు రెడ్మీ సంస్థ Redmi A1+ స్మార్ట్ ఫోన్ ని నేడు భారత మార్కెట్ లో లాంచ్ చేసింది. డిజైన్ పరంగా ఏ1, ఏ1+ ఒకే విధంగా కనిపిస్తున్నాయి. అయితే Redmi A1+ లో ఫింగర్ ప్రింట్ స్కానర్ యాడ్ అయ్యింది. మరి Redmi A1+ యొక్క ఫీచర్లు, స్పెసిఫికేషన్లు ఎలా ఉన్నాయో తెలుసుకుందాం పదండి.
భారత్ లో Redmi A1+ ధర, దీపావళి ఆఫర్లు
Redmi A1+ రెండు వేరియంట్లలో లభించనుంది. 2జిబి ర్యామ్ + 32జిబి స్టోరేజీ యూనిట్ ధర రూ.7,499 గా ఉంది. ఇక 3జిబి ర్యామ్ + 32జిబి స్టోరేజీ వేరియంట్ ధర రూ.8,499 గా నిర్ణయించారు. బ్లాక్, లైట్ గ్రీన్, బ్లూ కలర్ ఆప్షన్స్ లో ఈ ఫోన్ అందుబాటులో ఉంటుంది. అక్టోబర్ 17, మధ్యాహ్నం 12 గంటల నుంచి ఫ్లిప్ కార్ట్, ఎంఐ.కామ్, ఎంఐ హోమ్, ఆఫ్లైన్ రిటైల్ స్టోర్స్ ద్వారా ఈ ఫోన్ సేల్ కి వస్తుంది.
అక్టోబర్ 31 నుంచి దీపావళి ఆఫర్ మొదలవుతుంది. ఈ ఆఫర్ సమయంలో Redmi A1+ పై డిస్కౌంట్ లభించనుంది. సేల్ సందర్భంగా Redmi A1+ 2జిబి ర్యామ్ + 32జిబి స్టోరేజీ వేరియంట్ రూ.6,999 కి లభిస్తుంది. మరోవైపు 3జిబి ర్యామ్ + 32జిబి స్టోరేజీ యూనిట్ రూ.7,999 కి లభించనుంది.
Redmi A1+ స్పెసిఫికేషన్స్
Redmi A1+ స్మార్ట్ ఫోన్ యొక్క స్పెసిఫికేషన్స్ ఎలా ఉన్నాయో తెలుసుకుందాం. Redmi A1+ లో మీడియాటెక్ హీలియో ఏ22 చిప్ ని అమర్చారు. ఈ ఫోన్ లో 3జిబి ఎల్పీడీడీఆర్4ఎక్స్ ర్యామ్, 32 జిబి స్టోరేజీ ఉన్నాయి. మైక్రోఎస్డీ కార్డ్ ద్వారా మెమొరీని 512జిబి వరకు పెంచుకోవచ్చు.
Redmi A1+ స్మార్ట్ ఫోన్ 6.52-ఇంచ్ హెచ్డీ+ ఎల్సీడీ డిస్ప్లే తో వస్తోంది. ఇది 1600*720 పిక్సెల్స్ రెజుల్యూషన్ కలిగి ఉంది. 60 హెర్ట్జ్ రిఫ్రెష్ రేట్, 20:9 యాస్పెక్ట్ రేషియో ని ఈ ఫోన్ లో అందించారు. వాటర్ డ్రాప్ నాచ్ లో ఫ్రంట్ కెమెరా ఉంటుంది. ఆండ్రాయిడ్ 12 గో ఎడిషన్ పై ఈ ఫోన్ పని చేస్తుంది.
Redmi A1+ లో డ్యూయల్ రియర్ కెమెరా సెటప్ ఉంది. ఇందులో 8 మెగా పిక్సెల్ ప్రైమరీ కెమెరా, 2 మెగా పిక్సెల్ డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం ఫోన్ ముందు వైపు 5 మెగా పిక్సెల్ కెమెరా అమర్చారు.
3.5 ఎంఎం ఆడియో జాక్, రియర్ మౌంటెడ్ ఫింగర్ ప్రింట్ స్కానర్, వోల్టీ కాలింగ్ వంటి కనెక్టివిటీ ఫీచర్లు Redmi A1+ లో ఉన్నాయి. Redmi A1+ లో 5000 ఎంఏహెచ్ బ్యాటరీ ఉంది. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ రెండు రోజుల బ్యాటరీ లైఫ్ కలిగి ఉంటుందని కంపెనీ చెబుతోంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
