చైనా టెలీకామ్ ద్వారా రివీల్ అయిన Realme 10 5G, Realme 10 Pro 5G స్పెసిఫికేషన్స్

హైలైట్స్

• నవంబర్ 17 న చైనాలో లాంచ్ అవుతోన్న Realme 10 సిరీస్ స్మార్ట్ ఫోన్స్
• లైనప్ లో భాగంగా లాంచ్ కానున్న Realme 10, Realme 10 Pro, Realme 10 Pro+ 5G
• లాంచ్ కి ముందు చైనా టెలీకామ్ వెబ్‌సైట్ లో కనిపించిన Realme 10 5G, Realme 10 Pro 5G స్పెసిఫికేషన్స్

చైనా టెలీకామ్ వెబ్ సైట్ ద్వారా Realme 10 5G, Realme 10 Pro 5G స్పెసిఫికేషన్స్ రివీల్ అయ్యాయి. నవంబర్ 17 న రియల్మీ 10 సిరీస్ చైనాలో లాంచ్ అవుతోంది. బుధవారం నాడు Realme 10 4G డివైజ్ గ్లోబల్ గా లాంచ్ అయ్యింది. ఇప్పుడు రియల్మీ చైనాలో Realme 10 సిరీస్ ని లాంచ్ చేసేందుకు సిద్ధమవుతోంది. Realme 10 లైనప్ లో Realme 10 5G, Realme 10 Pro 5G, Realme 10 Pro+ 5G మోడల్స్ ఉంటాయి. ఇప్పుడు లాంచ్ కి ముందు Realme 10 5G, Realme 10 Pro 5G డివైజెస్ యొక్క స్పెసిఫికేషన్స్ చైనా టెలీకామ్ ద్వారా బయటకు వచ్చాయి. మరి ఆ వివరాలేంటో చూద్దాం పదండి.

Realme 10 5G స్పెసిఫికేషన్స్, డిజైన్

 

పైన ఇమేజెస్ లో కనిపిస్తోన్న విధంగా Realme 10 5G లుక్ ఉంటుంది. ఈ డివైజ్ ఎంట్రీ-లెవెల్ 5జీ స్మార్ట్ ఫోన్ గా మార్కెట్ లోకి వస్తోంది. ఇది వాటర్ డ్రాప్ నాచ్ డిస్ప్లే కలిగి ఉంది. పవర్ బటన్ లో సైడ్-మౌంటెడ్ ఫింగర్ ప్రింట్ స్కానర్ నిక్షిప్తమై ఉంటుంది. డివైజ్ కి కుడివైపున వాల్యూమ్ రాకర్ ఉంది.

Realme 10 5G కెమెరా విభాగం గురించి తెలుసుకుందాం. ఈ డివైజ్ లో 50ఎంపి + 2ఎంపి + 2ఎంపి ట్రిపుల్ రియర్ కెమెరా సెటప్, 8ఎంపి సెల్ఫీ కెమెరా ఉంటాయి. Realme 10 5G 6.58-ఇంచ్ ఫుల్ హెచ్డీ+ డిస్ప్లే, ఐపీఎస్ ఎల్సీడీ ప్యానెల్ తో రానుందని అంచనా. Realme 10 5G లో మీడియాటెక్ డైమెన్సిటీ 700 చిప్ ఉంటుంది. ఈ ఫోన్ 8జిబి ర్యామ్, 128జిబి/256జిబి స్టోరేజీ ఆప్షన్స్ తో వస్తోంది.

Realme 10 5G లో 5000 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది. చైనా టెలీకామ్ లిస్టింగ్ ద్వారా Realme 10 5G ధర CNY 1,599 (సుమారు రూ.18,000) అని రివీల్ అయ్యింది.

Realme 10 Pro 5G స్పెసిఫికేషన్స్

 

Realme 10 Pro 5G స్మార్ట్ ఫోన్ విషయానికి వస్తే, ఇది 6.72-ఇంచ్ ఫుల్ హెచ్డీ+ డిస్ప్లే తో రానుంది. ఇందులో స్నాప్ డ్రాగన్ 695 5జీ ప్రాసెసర్ వాడారు. ఈ డివైజ్ 8జిబి/12జిబి ర్యామ్ మరియు 128జిబి/256జిబి స్టోరేజీ ఆప్షన్స్ లో లభ్యమవుతుంది. Realme 10 Pro 5G స్మార్ట్ ఫోన్ 163.69 మిల్లీ మీటర్లు పొడవు, 74.18 మిల్లీ మీటర్ల వెడల్పు, 8.12 మిల్లీ మీటర్ల మందం ఉంటుంది. ఈ ఫోన్ ఆండ్రాయిడ్ 13 ఓఎస్ పై పని చేస్తుంది. రియల్మీ యూఐ 3.0 కస్టమ్ స్కిన్ ని ఇందులో వాడే అవకాశం ఉంది.

Realme 10 Pro 5G లో 64ఎంపి మెయిన్ కెమెరా, 2ఎంపి డెప్త్ సెన్సర్, 2 ఎంపి మ్యాక్రో లెన్స్ తో కూడిన ట్రిపుల్ రియర్ కెమెరా సెటప్ ఉంటుంది. 64ఎంపి మెయిన్ కెమెరా పిక్సెల్ బైనింగ్ తర్వాత 16ఎంపి రెజుల్యూషన్ ని ప్రొడ్యూస్ చేస్తుంది. అందుకే స్పెసిఫికేషన్స్ లిస్ట్ లో రియర్ కెమెరా 16ఎంపి గా చెప్పబడింది. అయితే అది పిక్సెల్ బైనింగ్ రెజుల్యూషన్ అని గమనించాలి. ఇకపోతే సెల్ఫీలు, వీడియో కాల్స్ కోసం ఇందులో 16ఎంపి ఫ్రంట్ కెమెరా అందించారు. పవర్ బ్యాకప్ కోసం ఈ ఫోన్ లో 5000 ఎంఏహెచ్ బ్యాటరీ ఉంటుంది.