హైలైట్స్
- చైనాలో లాంచైన iQOO Neo 7 SE స్మార్ట్ ఫోన్
- మీడియాటెక్ డైమెన్సిటీ 8200 చిప్, 16జిబి ర్యామ్, 120 వాట్ చార్జింగ్ తో లాంచైన iQOO Neo 7 SE
- చైనా లో iQOO Neo 7 SE ధర CNY 2799 (రూ.33,000)
iQOO 11 సిరీస్ చైనాలో లాంచైంది. దీంతో పాటు iQOO Neo 7 SE స్మార్ట్ ఫోన్ కూడా ఎంట్రీ ఇచ్చింది. ఇవన్నీ 5జీ కనెక్టివిటీతో వచ్చిన ఫోన్స్. మీడియాటెక్ డైమెన్సిటీ 8200 చిప్సెట్ తో వచ్చిన మొట్టమొదటి ఫోన్ iQOO Neo 7 SE కావడం విశేషం.
భారత్ లో iQOO Neo 7 SE స్మార్ట్ ఫోన్ iQOO Neo 7 పేరుతో లాంచ్ అయ్యే అవకాశం ఉంది. అయితే ఐకూ నుంచి ఇంకా ప్రకటన రావాల్సి ఉంది. త్వరలోనే అధికార ప్రకటన వెలువడే అవకాశం ఉంది. సరే, iQOO Neo 7 SE యొక్క ధర, స్పెసిఫికేషన్స్ ఇతర వివరాలు తెలుసుకుందాం పదండి.
iQOO Neo 7 SE ధర, స్పెసిఫికేషన్స్
iQOO Neo 7 SE చైనాలో 5 స్టోరేజీ ఆప్షన్స్ లో లాంచ్ అయ్యింది. ఈ డివైజ్ బేస్ మోడల్ 8జిబి ర్యామ్, 128జిబి స్టోరేజీతో వచ్చింది. మిగతా ర్యామ్ మరియు స్టోరేజీ ఆప్షన్స్ కూడా ఉన్నాయి. iQOO Neo 7 SE 6.78-ఇంచ్ ఫుల్ హెచ్డీ+ అమోలెడ్ డిస్ప్లే, 2400*1080 పిక్సెల్ రెజుల్యూషన్, 20:9 యాస్పెక్ట్ రేషియో, 120 హెర్ట్జ్ రిఫ్రెష్ రేట్, హోల్-పంచ్ కటౌట్, సన్నని బెజెల్స్, 93.11 పర్సెంట్ స్క్రీన్ టు బాడీ రేషియోతో వచ్చింది.
iQOO Neo 7 SE లో మీడియాటెక్ డైమెన్సిటీ 8200 చిప్సెట్ అమర్చారు. ఇది 3.1 గిగాహెర్ట్జ్ క్లాక్ స్పీడ్ కలిగిన ఆక్టా-కోర్ ప్రాసెసర్. ఈ చిప్ 4ఎన్ఎం ప్రాసెస్ పై తయారైంది. 16జిబి వరకు ర్యామ్, 256జిబి వరకు స్టోరేజీ, 5000ఎంఏహెచ్ బ్యాటరీ, 120 వాట్ ఫాస్ట్ చార్జింగ్ ఈ ఫోన్ లో అందించారు.
iQOO Neo 7 SE యొక్క కెమెరా విభాగం గురించి తెలుసుకుందాం. ఈ డివైజ్ లో ట్రిపుల్ రియర్ కెమెరా సెటప్ ఉంటుంది. ఇందులో 64ఎంపి మెయిన్ కెమెరా, 2ఎంపి మ్యాక్రో లెన్స్, 2ఎంపి డెప్త్ కెమెరా ఉంటాయి. అల్ట్రావైడ్ కెమెరా ఇవ్వలేదు. నియో 6 ఎస్ఈ లో అల్ట్రావైడ్ కెమెరా ఉంది. ఇకపోతే సెల్ఫీస్, వీడియో కాల్స్ కోసం iQOO Neo 7 SE లో 16ఎంపి ఫ్రంట్ కెమెరా ఇచ్చారు.
iQOO Neo 7 SE డివైజ్ లో ఇన్-డిస్ప్లే ఫింగర్ ప్రింట్ స్కానర్, ఏఐ ఫేస్ అన్లాక్, బ్లూటూత్ 5.3, డ్యూయల్-బ్యాండ్ వై-ఫై, ఎన్ఎఫ్సీ, జీపీఎస్ వంటి కనెక్టివిటీ ఆప్షన్స్ ఉన్నాయి. iQOO Neo 7 SE ఫోన్ ఆండ్రాయిడ్ 13 ఆధారిత ఒరిజిన్ ఓఎస్ 3 కస్టమ్ స్కిన్ పై పని చేస్తుంది. భారతీయ వేరియంట్ లో ఫన్టచ్ ఓఎస్ 13 ఉంటుంది. 2023 జనవరిలో ఈ ఫోన్ భారత్ లో లాంచ్ అయ్యే అవకాశం ఉంది. ఇప్పటికే ఐకూ 11 సిరీస్ జనవరి 10 న లాంచ్ అవుతుందని కంపెనీ ప్రకటించింది. అంటే అదే రోజున నియో 7 ఎస్ఈ కూడా లాంచ్ కావచ్చు.
iQOO Neo 7 SE ధర
- 8GB RAM/128GB స్టోరేజీ ధర CNY 2,099 (సుమారు రూ. 24,800)
- 8GB RAM/256GB స్టోరేజీ ధర CNY 2,299 (సుమారు రూ. 27,100)
- 12GB RAM/256GB స్టోరేజీ ధర CNY 2,499 (సుమారు రూ.29,500)
- 16GB RAM/256GB స్టోరేజీ ధర CNY 2,799 (సుమారు రూ.33,000)
- 16GB RAM/512GB స్టోరేజీ ధర CNY 2,899 (సుమారు రూ.34,200)
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
