హైలైట్స్
- లీకైన Realme GT Neo 5 రెండర్స్, రివీల్ అయిన బ్యాక్ ప్యానెల్ డిజైన్
- ట్రిపుల్ రియర్ కెమెరా సెటప్, భారీ కెమెరా మాడ్యూల్, కర్వ్డ్ ఎడ్జెస్ తో వస్తోన్న డివైజ్
- స్నాప్ డ్రాగన్ 8+ జెన్ 1 చిప్, 240 వాట్ ఫాస్ట్ చార్జింగ్, 50ఎంపి మెయిన్ కెమెరాతో వస్తోన్న Realme GT Neo 5
రియల్మీ సంస్థ కొత్త జీటీ నియో-సిరీస్ ఫోన్ పై పని చేస్తున్నట్లు రూమర్లు వినిపిస్తున్నాయి. ఆ డివైజ్ పేరు Realme GT Neo 5. ఈ డివైజ్ ఫాస్ట్ చార్జింగ్ విషయంలో రికార్డ్స్ బ్రేక్ చేయనుంది. ఎందుకంటే Realme GT Neo 5 డివైజ్ 240 వాట్ ఫాస్ట్ చార్జింగ్ సపోర్ట్ తో వస్తోంది. ఇకపోతే తాజాగా Realme GT Neo 5 యొక్క హైక్వాలిటీ రెండర్స్ ఆన్ లైన్లో ప్రత్యక్షమయ్యాయి.
ప్రముఖ టిప్స్టర్ OnLeaks సౌజన్యంతో స్మార్ట్ప్రిక్స్ వెబ్ సైట్ Realme GT Neo 5 యొక్క రెండర్స్ ని రివీల్ చేసింది. దీంతో ఫోన్ యొక్క డిజైన్ బయటకు వచ్చింది. ఫోన్ సన్నని బెజెల్స్, పంచ్ హోల్ కటౌట్, ట్రిపుల్ కెమెరా సెటప్ తో వస్తున్నట్లు అర్థమవుతోంది.
Realme GT Neo 5 తొలుత చైనాలో లాంచ్ కానుంది. తర్వాత ఈ డివైజ్ భారత్ తో పాటు ఇతర గ్లోబల్ మార్కెట్స్ లోకి ఎంట్రీ ఇస్తుంది.
Realme GT Neo 5 డిజైన్
Realme GT Neo 5 డిజైన్ చూస్తుంటే, పోకో ఫోన్ కెమెరా మాడ్యూల్ మాదిరి లుక్ ని అడాప్ట్ చేసుకున్నట్లు తెలుస్తోంది. నియో 5 లో వెనకాల రెండు సర్క్యులర్ రింగ్స్ ఉంటాయి. వీటిలో పైదానిలో ఒక కెమెరా, క్రింద దానిలో రెండు లెన్స్ లు ఉంటాయి. వీటికి తోడు ఎల్ఈడీ ఫ్లాష్ తో పాటు మ్యాట్రిక్స్ ఏఐ కెమెరా అనే టెక్ట్స్ దర్శనమిస్తోంది. పిక్స్ లో ఫోన్ తెలుపు వర్ణంలో కనిపిస్తోంది. అయితే ఇతర కలర్ ఆప్షన్స్ కూడా ఉండే అవకాశం ఉంది.
Realme GT Neo 5 డివైజ్ కాస్త కర్వ్డ్ ఎడ్జెస్, మెటల్ ఫ్రేమ్ తో వస్తోంది. అయితే ఫ్రంట్ డిజైన్ మాత్రం ఇంకా గోప్యంగానే ఉంది. ఇకపోతే ఫోన్ కి కుడివైపున పవర్ బటన్, ఎడమవైపున వాల్యూమ్ బటన్స్ ఉన్నాయి.
Realme GT Neo 5 ఫోన్ రెండు వేరియంట్స్ లో లభించనున్నట్లు సమాచారం. ఒకటి స్నాప్ డ్రాగన్ 8+ జెన్ 1 మరియు 240 వాట్ ఫాస్ట్ చార్జింగ్ వేరియంట్ కాగా, రెండోది మీడియాటెక్ డైమెన్సిటీ 8200 మరియు 150 వాట్ ఫాస్ట్ చార్జింగ్ మోడల్.
Realme GT Neo 5 యొక్క కెమెరా విభాగం విషయానికి వస్తే ఇందులో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ మెయిన్ లెన్స్, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉంటాయి. ఇక సెల్ఫీలు, వీడియో కాల్స్ కోసం 16ఎంపి ఫ్రంట్ కెమెరా ఉంటుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
